بعد يبيلي إسبوعين

اليوم كان موعد فحص عيوني مع الدكتور مبارك العجمي حق عملية الليزك ، إلي متابع معاي قصتي من الأول يعرف إن ألحين هذا الفحص الثالث قبل العملية . إلي يبي يعرف شنو صار معاي قبل ، يضغط على الجزء الأول من القصه و الجزء الثاني .

وصلت العياده الساعه 9:00 الصبح ، أشوه دخلت بسرعه على الدكتور ، و طبعا سوينه فحص وين الـ E ؟ بعد هذا جان يقولي : ليمه ألحين أنا ما أقدر أسوي العمليه ... إنتي منتي قادره إتشوفين 6 على 6 بعينك اليمين .

أنا : إي ... شسوي ألحين ؟

الدكتور : خل نتأكد بعد زياده و نسوي فحص التوبوغرافي .

أنا : ok

الدكتور : انا مابي أسويها و بعدين تتحسفين و ما تحسين مرتاحه

أنا : لا لا أكيد لازم

الممرضه خذتني لغرفه ثانيه حق الفحص الثاني ...

أنا : this is the topography test؟

الممرضه : yes

انا : ok :) i call this machine the disco test

الممرضه ما ضحكت ، بس عطتني إبتسامه ناشفه ، و جنها تقولي ( لا تستخفين دمج ، خل نخلص ) ، و الله صج ، هذا الجهاز من داخل جنه صاله ديسكو رسمت لكم الرسمه عشان تتخيلون معاي :) شوفوا الصور تحت .

جهاز التوبوغرافي

لمه الواحد يطالع داخل الجهاز ، يطلع لها هذا ،تره الألوان أفقع شابين ، مثل ليتات النيون

بعد ما تاخذ الممرضه صوره من عيني على هذا الجهاز تتطلع لها عيني جذي ، مثل الصوره إلي فوق لونها أخضر ، يا الدكتور و شاف الصور ملوت المره إلي طافت و اليوم و شرح لي ، قالي لأنك كنتي تلبسين العدسات من فتره طويله ، فالعدسه غيرت شكل العين الصوره الأولى نشوف اللون الأخضر الفاتح أكبر من الصوره إلي تحت (أنا أسمي هذي البقعه جزيره) ، ألحين الجزيره أصغر ، و هذا معناته إنه العين قاعده ترد لوضعها الطبيعي، و نبي الجزيره تختفي.

سألته : يعني شنو؟ العين إنفقصت من العدسه
قال : يعني مثل لمه تحطين ثقل على شي و لمه ترفعين الثقل ما يرد الشي مثل ما كان ، يبيله فتره . فعشان جذي يبيلج بعد إسبوعين و نشوف النتيجه ، بس إستمري تستخدمين القطره لترطيب العين . و بعد راح أعطيج الأرقام الجديده لعينك عشان تسوين نظاره طبيه جديده لأن إلي عندك ضعيفه .

خذيت الأرقام و رحت محل النظارات ، و عطيتهم نظارتي إلي لابستها عشان بس إيغيرون العدسات . أنا كنت رايحه مع السايق فرديت البيت عشان ألبس نظاره ثانية من إلي عندي و أرد الدوام . أنا بس فتحت اليراره إلا أشوف 3 نظارات ، قلت ليش أسوي و انا عندي و يمكن وحد ه منهم تكون نفس أرقام الدكتور. رديت المحل مع كل نظاراتي ، و فحصوهم ، جان تقولي إلي تشتغل هناك ...

المره : mam this one is the closest to the Dr. prescription

جان يضيق خلقي و أرد و أقول لها:

this one???? not this one the red one

و أأشر على وحده ثانيه

المره: no mam the purple is the closest

لالالالالالالالالا هذي النظاره مو طبيعيه ، مو مالت واحد يطلع فيها . أستحي ألبسها ، وااااي ... تذكرون يوري مرقدي المغني شنو كانت نظارته اول ما طلع ؟ :( إلي إطار و الجامه معلقه و طالعه بره ؟ ) هاذي نظارتي و يمكن أغرب بعد . أستحي ألبسها و أروح الدوام ، أحس شكلي يصير مو محترم مو مال شغل . آآآآآه امري لله giv me خل ألبسها .

و سلامتكم و سلامة الحاضرين أقولكم شنو بصير معاي بعد أسبوعين .