أنا ويني من زمان عن هذا الإختراع ؟؟؟ أخوي ذاك اليوم قاعد يسولف لي عنه ، يقول رفيجه مقترح عليه إن يشتري واحد ، و هو نظاره أوصلها على أي جهاز عندي ، مثل iPod او DVD player و اقدر أشوف فيها الفلم و جني قاعده اطالع تلفزيون 40 بوصه او حتى 60 بوصه . انا طبعا مدمنه حلقات أجنبيه و افلام كل يوم لازم سهرة ، بس قمت أتعب و ظهري قام يعورني ، لأن أنا أطالعهم على اللاب توب و انا قاعده على الفراش ، فمع النظاره وااااو أقدر انسدح و أطالع ، يعنــــي مكيفه.الغريبه إن رفيجه يقوله الجهاز بس نازل في ألمانيا و ليمه ألحين ما نزل في مكان ثاني. بس هذا الجهاز موجود من زمان ... حتى بعض أطباء الأسنان يستخدمونه عشان يلهون المريض في عن الالم .
أنا طبعا ما نطرت يقولي إسم الماركه ، و دورت في الـamazon ، بس حدي توهقت ، مادري أي واحد آخذ ، و خايفه أشتري شي ما يركب من أساس على اللاب توب عشان أشوف في حلقاتي . حتى الوصف إللي كاتبينه مو كفايه و لا اكو صور حق الويرات عشان أعرف شلون اوصله !!! الحين مفكره أشوف جم فيديو في you tube عن هذي النظاره و يمكن أسمع إسم ماركه زينه و له تقييم زين لها .
ملاحظه : النظاره المفكره أشتريها إسمها
هناك 3 تعليقات:
السلام عليكم
حسب علمي ان شركة Vuzix
هي الرائدة في هذا النوع من الاجهزة
http://www.vuzix.com/
اعجبني هذا النوع بالذات
http://www.vuzix.com/iwear/products_dv920.html
شكرا على المعلومه
راح أجيك على السايت الذي عطيتني إياه
ماخلو شي =)
إرسال تعليق