معقوله الكاميرات جذي رخاص ؟؟

Canon PowerShot SD1000

أنا مفكره أشتري كاميرا دجيتال ، ما بي فيها مواصفات عاليه ، كل إلي أبي كاميرا خفيفه و تصور ، فعجبتني canon SD1000 ، شكلها جنها قوطي سجاير ، زواياها حاده ، و ضعيفه و خفيفه ، أدري أكو كاميرات وايد أضعف منها مثل sony و يمكن casio بس هذوله مو كاميرات ، كلش و له الـsony لمه تحمض صورها كله يطلعون حمر ، مو حلوين ، انا عندي الحين Fuji finepix F601 صار لها تقريبا 6 سنين ، من كثر ما إهيا قديمه ، ما قاموا يبيعون باتري لها و له حتى memory card ، وايد احبها ، تصويرها وايد واضح ، فعيب أخذ sony و له ماركه ثانيه مالها علاقه بالتصوير . فقلت خل أجرب canon . رحت الغانم و شفت شنو عندهم ، و إستغربت إن ليمه الحين أسعارالكاميرات غاليه ، كل شي فوق الـ 100 دينار ، انا بعد مو قاعده أدور شي عجيب ، كل إلي أبي 5 ميغا بكسل أو 7 ، و المواصفات الأساسيه في أي كاميرا. قلت لا أستعيل ، خل أفكر جم يوم و أشوف شنو آخذ .

لمه رديت البيت قلت خل أفتح على amazon و شوف جم يبيعون الكاميرات إلي إعجبتني يمكن أرخص، إنصدمت فرق السعر كبير، مو 20 دينار و له 30 لأ أكثررررررر.

يعني الـcanon بلكويت 123 دينار و في الـamazon تنباع 43 دينار، تدرون جم الفرق ؟؟؟؟ الفرق 80 دينار ، أنا من كثر ما انا مشتطه بقيت أطلب 2 حقي و حق إختي . بس قلت لأ لازم اتأكد . و اليوم فعلا رحت مره ثانيه الغانم و جيكت ، صج الكاميرا نفس المواصفات ، الفرق إن في الكويت تنزل تحت إسم ثاني مو SD1000 إسمها Ixus 70 . قلت الـ canon يمكن إسمها غير ، خل أجيك على fuji الثانيه إلي عاجيتني ، عاد هاذي ما فيها روح و تعال ، ما طلعوا نفس شكلها بمواصفات ثانيه ، هذي إهي . بالغانم سعرها 170 دينار و الـ amazon ... جم تتوقعون ؟؟؟؟؟

51 دينار ... تصدقون ؟

مو معقوله ، انا ينيت ، قلت شسوي ألحين ششتري ؟ شخلي ؟

تره انا ليمه ألحين مو مصدقه ، مادري بعد انا قاعده أشوف الشي صح و له غلط ؟ أكدولي ؟

om mod بتطلب وياي وحده ، فعشان جذي يمكن يمكن اطلب الكاميرا باجر . و سلامتكم .

Fujifilm Finepix Z100fd - 170 KD in alghanim - in amazon 51 KD