seven seas

اليوم كان عندنه دوره في مطعم seven seas إللي يكون في الدور الثاني في مطعم برج الحمام على البحر ، انا كله أسمع عنه إن ديكوره حلو ، بس كلش ما تخيلت شكله ؟ توقعت عادي وإن الناس كله يبالغون ، لمه وصلت اليوم إنصدمت ، صج و الله ، مثل ما قالوا حلو ، مو أشباه مطعم بحري ، الوانه وايد هاديه و مريحه (ازرق فاتح و أبيض و بني) وإللي عجبني ثرياتهم و المناظر وايد حلوين. انا المليقه نسيت احط كامرتي بالجنطه ، فالصور مو واضحين لأني مصوره بكاميرة التلفون ، الصور ظالمه المكان. و بعد لو اليوم الشمس كانت طالعه و الجو كان حلو ، جان المكان طلع أحلى و أحلى ، لأن المطعم دار مداره البحر والفيو عجيب ، باجر إنشاء الله أودي كامرتي وأصور لكم صور احلى من جذي .