الأحد، 30 نوفمبر، 2008

برشلـــــ وافتخرــــــونية ؛)


مبروك لفوز البرشه وهارت لك يااشبيليه 3-0 نتيجه حلوه واهني messi لأن الهدف الثالث من صنعه وانشالله نلتقي بس ما راح نتنازل عن الفوز ... هذا مو تكبر او غرور هذا حب الشعور بالفوز وحنين الكرة البرشلونية لشباك الفريق المنافس :)

المحمصه الغريبه

ذكرني بصديقتي fatto لأنها اتحب التست المحمص وقبل فترة فكروا يشترون وحده للريوق ... عاد فكرتها وايد حلوه محمصه مع سبورة عاد اللي عليج بس تكتبين الجمله اللي بخاطرج وبعد ما تطلعين التوسته اشوفين الكتابه طابعه عليها :)




لمحـــــــــــ kitkat ــــــــبي

واصلي اميل في اكثر من عشر انواع للــkitkat وطبعا هو حاليا موجود في اليابان وحنوب أفريقيا و ألمانيا وكندا وبريطانيا واستراليا ... يعني لا دورونا بالجمعيات حتي مركز سلطان لين الحين ما وصله ، طبعا ما وصل عندنا لين ألحين يعني يبيله بعد عشر سنين اذا مو اكثر! عاد صج شوقوني بأني اذوقه لأني من محــــ kitkat ـــبي وأفضله على كل أنواع الكاكاوا وطبعا لازم يكون بالقصدير :)
عاد اخليكم مع بعض أنواع الــ kitkat .
هذا بطعم النعناع ،،،


هذا بطعم البندق والكركيل والجوز

هذا بطعم زبدة الفول السوداني

هذا بطعم القهوه ،،،، حق المدمنين على القهوه :)

هذا بطعم الفواكة المشكله ....

وألحين لمه شوفتوا الألوان والأشكال ما اشتهيتوا تذوقونه ؛)

الخميس، 27 نوفمبر، 2008

Revive Juice Bars

كنت رايحه مركز سلطان اللي بسوق شرق وزوجي العزيز كان يوعان ورحنا صوب المطاعم أنا قلت بشرب عصير وشفت هالمحل رايحة وبكل ثقة طلبت عصير كيوي مع أناناس ...ولكن خيب أملي وقالي سوري مدام ما عندنا جذي وعطاني المنيو قلبته أخترت عصير توتي فروتي (عبارة عن : فاكهة الكيوي ،فاكهة الباشون، عصير التفاح ، عصير الأناناس، عصير التوت البري ،زبادي مثلج بنكهة الفانيليا ) ..تكفون شنو وجه الشبه بينه وبين اللي كنت أبيه ؟؟؟؟ وعقب ما اخترت قالي ترى اللي اخترتيه حامض مو حلو ...وليه مالي خلق أقرى مره ثانية حامض حامض خليني أجربه ...عقب اخترت الحجم اللي أبيه..

مراحل تجهيز عصيري وقالي ترى كل شي عندنا ( 100% طازج، 99% خالي الدسم ، لا توجد أي مواد صناعية ، بدون إضافة السكر )

اقترح علي أجرب هالمافن وقالي ترى بدون سكر يلا شنو ورانا خلينا نجرب ( يا ويلتي ويلتاه من جذي ما أحب أطلع بس آكل )


المافن وايد حلو كان على جزر لذيذ حده ...بس العصير مو لي ذاك الزود يعني لوكنت بجرب مرة ثانية بختار شي ثاني عندهم أنواع وايده :) وبس

في أحد مجرب عندهم شي حلو ؟؟؟

الأربعاء، 26 نوفمبر، 2008

معرض دار الشرق

وصلني اليوم email يقول إن معرض إسمه (دار الشرق) بيفتح باجر الساعه 7:00 مساءا و بكون في هدوم و إكسسوارات من تصميم عبدالله المشعان و آلاء العصفور ، و إضافه إلى قهاوي و مطاعم يديده.
للمزيد من المعلومات ، دخلوا هذي السايت Ebda3ati.com ( أنا الصراحه دخلت ما فهمت ، بس إظاهر كان أكو معرض صاير من قبل في فندق و ألحين صار دائم ) و هذا رقم تلفونهم 94050907

هونغ كونغ


اليوم stella و snow white داقين علي تلفون ، يقولون لي ...

أهم: كاتبه بتروحين هونغ كونغ في بلوقج اليديد و ما تكتبين في فيونكات ؟؟؟

انا : مسكين بلوقي اليديد ، ما في سوالف ، خل أكتب قصه مو بس كله هدوم و جواتي :) و بعدين ما أقدر أكرر هني و هناك

أهم : مو تبين إقتراحات و ين تروحين ؟

أنا : إي

أهم : بس خلاص ، الناس إللي يقرون فيونكات وايد ، أكيد أحد فيهم رايح و يقولج وين تروحين
ها :) وين أروح ؟ و الله إيعافيكم لا تنسون محلات التقليد AAA :)

الاثنين، 24 نوفمبر، 2008

تحذير ... جمعيه قرطبه محاصره...

جمعيه قرطبه محاصره من قبل البياعات من جميع الجهات ، تحذير... لحد يروح هناك إلا مضطر، انا واقفه صوب الشامبو ، إلتموا علي 3 ، وحده بتبيعني شامبو و الثانيه معجون تبييض و الثالثه كريم ، ولما نحشت منهم جان تطلع رابعه بويهي و تقولي جربي الكريم الفلاني ، مأساه ، أروح صوب العصير و الحليب أكو 3 ، زبادي و organic food و و و ، و صوب اللحم و الدجاج المثلج وحده توها قاليه بطاط مادري وين و قاعده تاكل إهيه و يه رفيجاتها. مادري ليش عبالهم أكو أحد يشتري من وره هل البياعات ، شنو إنتوا تشترون ؟؟؟ الحنه تذبحكم و تستسلمون لهم ؟؟؟

يسور

عنده سوالف يسوروه كل يوم لما أوصل مودو الروضة نسأل حضرته إذا حاب ينزل معانا ولا لأ ويختار عاد لا تشوفون شكله حتى ما يتلفت علي ويهز راسه يعني لأ ويقعد ينطرني لما أودي اخوه وارجع ويوم درت أمي إني أخليه بالسيارة عصبت علي وزفتني شلون تخلين الولد بروحه شسوي الصبح الدقيقة من ذهب وحضراتهم كل واحد بمزاج بصراحة أخلي كل واحد فيهم يسوي اللي يبي ماكو وقت حق المساحل الصبح ...
لا تفوتكم النظرة :) حبيبي يحفظك ربي ..

مطعم دانه البحرين

الي يبي تكا لحم او دياي يروح هالمطعم الصراحه حلو ولذيذ اهو ابحولي بس وين بالضبط مادري لأن دواعيس :) بس مافي قعده المطعم صغير ولي فيه 3 طاولات بس .. وكله شباب .. احنه سفطنه ويابه لنا بالسياره ابصينيه مع صحن خضره يعني امكشخنه .. مع مملحه .. اهم شي المملحه :) كنه امبطلين الدرايش لأن الجو كان روعه.. والهوى يكتكت من كل صوب.. وأغاني تامرحسني الرومانسيه ..وبيت مهجور يخرع جدامنه.. وقطاوه حوالينه ..وصعايده رايحين رادين .. الجو حدددده رومانسي .. لووول .. الحلو الي بالأكل ان التكا صغااار . أترككم مع الصور .




ولازم اغاني مصريه رومانسيه عشان اتعيشون الجو

الأحد، 23 نوفمبر، 2008

إسبا تايم

كمادات ..اتريحكم ..اتوديكم الى عالم الاسترخاء ..تذكركم بحبيب القلب (اسبا تايم ) ..ههههههههه سويتله احلى دعايه اشيبي بعد

سعرها 19 د.ك ..طريقه الاستعمال :اتحطينها في الميكروويف لمده دقيقتين ..وتمتعين بكمادات ساخنه لمده نص ساعه تقريبا ..ولا بعد يطلع منها ريحه غريبه هذي الي اتشمونها في الاسبا ..احبها انا
الكمادات اتحطونها على الاكتاف والرقبه ..وشوفو المتعه

The Body Shop


خوش زيت اسمه ( tea tree oil ) مفيد جدا حق الحبوب المليقة إلا تطلع بالويه أو أي مكان بالجسم وعن تجربة شخصية وايد فادني تحطونه على الحبة وما تكبر يعني تعالجها وتصغر ..
إختي حبيبتي ما قصرت قاعده أسولف لها عن الحبوب اللي طالع بويهي جان تقولي عنه وعطتني اللي عندها وقالت لي جربيه وصج خوش شي كل مره تصير حالتي حاله على ما يروحون إذا تعرفونهم الحبوب اللي يطلعون عقب السخونه قطيعة منهم ...وبس إنشاء الله أكون فدتكم :)

السبت، 22 نوفمبر، 2008

قواري

هابيين أنا و أختي و عيال خالتي و خوالي نطلع كل جمعه بالشاليهات نركب قواري ، للأسف أنا ما شروا لي واحد، فكل ساعه طاره منهم و يهاوشوني ليش ماخذه قاريهم و يقوموني ، قلت ما يصير جذي لازم الأسبوع الياي أروح أشتري لي واحد .

اليوم الظهر كان عندي موعد طبيب أسنان و أنا طالعه ، بروح السياره إلا أشوف قاري و علي شرايط ورديين :) مت من الوناسه ، أكيد هديه من أختي . و أشوف مكتوب علي happy birthday طرت من الفرحه و خصوصا إن عيد ميلادي مو ألحين ، بعد شهر تاريخ 5.12 فصج كانت مفاجأه .
بس لما قريت الورقه عدل ، مو مكتوب إسمي !!!!
هذا القاري حق منو؟؟؟؟ أحاول أقره الإسم ما عرفت ، أكو أحد إسمه ماجده مان !!!! من طقت بات مان ... منو هاذي ؟؟؟؟ رفيجت إختي ؟؟؟ ما أعرف وحده إسمها جذي ، و انادي خدامتنا ، الله يعافيج read for me shino maktoob ؟ و تقره... محنا عارفين ، يالله بعدين حرف حرف لما إستوعبت مكتوب ( عيد ميلاد سعيد مقدما ) ويييييه طلعت روحي ، أوكي طلع صح القاري حقي :)

شكرا يا أختي العزيزه ، فكيتيني من المشتره

لوحــــ اعجبتني ــــــه

كنت ادور على صور مرسومه بألوان الزيت واوري بنوتي فقلبي طار على هذي اللوحة حبيبي اشلون الكبير يتأمل اخوه الصغير وتذكر عيال ام مود حمود ويسور الله يخليهم لها ولا يحرمهم من بعض ، فانشالله تكون بنوتي جذي مع البيبي اليديد حنونه :)

البر

هالأيام الجو وايد حلو وما قصر زوجي العزيز وعمه نصبوا لنا خيام ونروح بين فترة وفتره يوم شوي يوم غدا هناك وناسة حده وأنا أموت على البر من يوم كنت صغيرة وعلى الطاري تذكرت هالسالفة إقروها :

يوم كنا صغار كل عطلة 15 نروح نخيم كلنا عمامي وعماتي وخوالي وخالاتي يعني كل الأهل والأحباب ومو بس جذي كنا نبات هناك بس ننزل نتسبح ونرجع البر وماكو نرد جلحان ملحان لووووووووووول بس كانت أيام ولا أحلى ولا يمكن تغيب عن البال .. وبيوم من الأيام أنا وبنت خالي العزيزة و هي أكبر منى بسنتين بس ( للعلم: العادة إحنا نخيم في بر الدوحة ) كل يوم نشوف المدينة الترفيهية من بعيد عاد قالت لي : شرايج نروح الترفيهية ..عاد أنا رديت عليها وقلت : إي يلا ... قالت لي: خلاص باجر عقب الغدا ..
المهم يوم ثاني كلينا الغدا وعلى طول مشي لما الترفيهية نمشي ونمشي ونمشي ونمشي وكل ما نقول وصلنا بعدت المدينة وايد شنسوي ألحين المهم وصلنا على خير ودشينا المدينة ووصتني بنت الخال إذا أحد سألنا وين الفلوس نقولهم طاح البوك وما ندري ضاعوا ...وأنا ما علي إلا أقول إي :)

وصلنا الترفيهية ودشينا القبة وقعدنا نلعب وما نطلع إلا والدنيا خرمس وااااااي صار الليل شلون بنوصل المخيم وشلون بنعرفه المهم ما ظلت آية ما قريناها لما وصلنا الحمد الله ..والله الله حفظنا زين ما صار فينا شي والسالفة كلش ما كانت تسوى ...اخترعنا خرعة ما صارت ولا استوت ....واللي ذكرني بهالسالفة إنه هالسنة خيمنا بنفس المكان القديم اللي كنا نخيم فيه قبل .

على العموم ديروا بالكم على عيالكم وديروا بالكم من البقيات حافظوا على نظافة البر وودوا عيالكم يستانسون لا تحرمونهم من هاللحظات السعيدة ..

تصدقون البر هالأيام تطور سيارة راعي البريد تدور بين المخيمات واللي يبي يأشر له ويي لما عنده وطبوا وتخيروا من هالبريد شرينا حق اليهال وحقنا وعقب استبردنا وما قدرنا نقعد برة دشينا داخل الخيمة :)

راعي البريد أخترع وقالي : بتصوريني ليه :)؟؟؟

وهذا البريد

يا فرحتهم وهم ياكلون البرد من اليسار : حمود - عيسى - يسور - مودو

Hello Kitty


سمعتوا إن MAC بنزلون مكياج على hello kitty ؟؟؟ لالالالا تعذيب ... أنا بروحي كل ما دخلت Oysho شريتلي بيجاما على صورتها ، بس كفايه خلصت فلوسنا عليها .و الله هذي القطوه تجذب، لو شنو حاولتوا تقاومونها ، ماكو فايده . متوقع تنزل على الانترنت و بأمريكا في شهر 2 2009 و باجي العالم شهر 3 2009 .
مصدر الصور : temptalia

معرض الكتـــــ33 ــــــــــاب

زرت المعرض امس ووايد كتب عجبتني بس اغلب اللي شريتهم كتب تعليميه للاطفال ، اخذ جم كتاب حق بنوتي لانها ماشالله عليها حافظه الارقام من الواحد لين العشرة وبعض احرف الانجليزية وشي الأحلى انها تحب الرسم فحبيت اشجعها واخليها تستمر وانشالله التعب هذا ييب نتيجه ، عاد شريتم من قسم الكتب المصرية واللبنانية مثل ما قالت sun shine .



بس الصراحة اللي شدني واخذ عقلي اللوحات اللي معروضة بالمعرض صج فن وكل ما وقفت جدام لوحه اقعد اتملها واقول بقلبي متى اوصل للمستوى هذا بالرسم ، المهم اتمنى تعجبكم !!



لوحات بالألوان الزيتيه


لوحه بالفحم


هذي اللوحه اللى ماقدرت القالها اي تعليق مع ان الموجود ويه واحد بس ليش كل هذين الأيادي !!!!

في احد عنده تعلبق لها ؟



الجمعة، 21 نوفمبر، 2008

الرسام

صديقتي بالدوام بدت ترتب غرفة حق ولدها ( حسين ) وتجهزها عشان تنقله ينام هناك وقررت تييب رسام يرسم على الطوفة عشان تضفي عليها لمسة طفوليه ويابت هالرسام إسمه ( محمد شمس ) شغله مرتب وحلو واتركم مع الصور ....وعليك بالعافية يا حسين :)

وهذا رقمه : 97883266

الخميس، 20 نوفمبر، 2008

يابخت من في راسه قمله :)


ان القمل علاج لمنع حدوث الجلطات بالراس لان القمل وهو يتحرك بالراس يقوم بعمليه تدليك لفروه الراس ويقوم ايضا بامتصاص الدم الفاسد...


ليتغذى عليه وبذلك تجدد الدوره الدمويه... ولايحدث جلطات بالراس وبحثت بعالم النت عن العلاج بالقمل وجدته معروف وحقيقه ووجد الانسان المصاب بالقمل ذكي لان القمل يمتص الدم الفاسد .

اذا تبون قمل ترى ينباع بالحواي بالجهراء .. القمله الوحده اب 5 د.ك

بيتزا هت بالجوا البارد

طبق السبانخ

اشتهيت طبق السبانخ طبعا اللي يسويه بيتزا هت لانه لذيذ وما اقدر اقاومه مع انه اغلب اللي اعرفهم يقولون مايعجبهم لانه ما فيه حموضه ، فودي اذوقونه وانشالله تعجبكم .
صج لمه قالوا الناس اذواق :)

المهم هذا امس كان عشانا بالمطعم وبعد العشا قلنا انلعب بتوتتنا لانها الحلوه الله لا يحرمني منها من اول ما وصلنا المطعم وهي عينها على الألعاب فابوها ما قصر اخذها ولعبها بس المسكينه من ثقل اللبس مو قادرة تتحرك لانه وقتها كان درجة الحرارة 16 بس الجوا عجيب مع انه برد بس بنوتي ما قصرت بالألعاب وطبعا الاعناد شي مو طبعي عندها لدرجها ريلي قصب شالها ودخلها السياره ، صج الياهل لاتعطونه ويه لانه راح يحركم على كيفه وماراح اتخلصون من طلباته.

هذي بنوتي بالألعاب الله يخليها لي حياتي

ومن ناحية برد الكويت عاد صج لين قالوا برد الكويت يدخل بدون لا يطق الباب ، هذي البدايه الكبار متعودين بس باجر الله يعين اليهال شوفوا جم قطعه انلبسهم اللي بعد مايقدرون يتحركون :)
عاد مو تنسون ازهبون اللبس الشتوي بس مو الفروا ؛)

الأربعاء، 19 نوفمبر، 2008

حزر فزر


حزروا فزروا منو bloga هذا ؟؟؟؟
ضغطوا على الصوره و تطلع الـ blog
توني أدري إن أقدر أحط link بالصوره :)

تقليد جوتي marni


ألحين أنا خابه عمري أو واقفه جدام فترينة mango و أصور لكم الجوتي إلي يشبه marni ، و يوم دخلت المحل، يقولون لي خالص ؟؟؟؟ ولاه تره خالص من كل محلاتهم على حسب كلام البياع ، عاد إنتوا كيفكم شوفوا الجوتي غصب ، بس ماكو منه و له ادري جم سعره ، جان تبون تروحون تفصخون المانيكان ، هذا شي راجع لكم ... و سلامتكم و سلامة الحاضرين .

marni fall collection 2008