بنت خالتي وبنت عمي q8girl غرامها شي اسمه تصوير كانت بدايتها مع كاميرة كانون بعدين حست انها ما تفي بالغرض قامت ودورت بالنت مواصفات الكاميره والعدسه اللي تبيها لما لقت وطلبتها ، وصارت كاميرتها السوده الكبيره نفس مالت المصور اللي تيي العروس .. وقامت وين ما تروح كاميرتها بيدها وتجرخ (تلتقط صور) حق كل شي يحبه قلبها ..
صارت تعرف تنتقي الزوايا الصح هذا غير لما تضيف تأثيرات وتصير الصوره اللي مصورتها بالبر جنها في ربوع بوستن :> (أول صوره،صورة علاوي لما كنا بالبر والأبيض اللي طاير هذا فلين صاير جنه SNOW ركزوا على السنسون أهم شي جنه صج)..
كل هالصور اللي شفتوها من إبدعها ماشاءالله عليها ، وللمزيد من الصورإذهب إلي q8girl
هناك 7 تعليقات:
لا تخترعين يا كيكه ، تره انا إلي أعدل على البوست ، أكبر الخط و أسوي متناسق سورري إذا عبالك إن بروحا يصير
wooooow
توا شفت صورها كلهم ، وايد حلوين و أحلى شي صوره الحشره على الورده الورديه ، و صوره بنايه في لندن ، عجيبه
والله المدونة مالتكم تفر الراس الواحد يضيع فيها ماشاءالله باليوم خمستعش بوست شنقرا شنلحق عليه..
الله يخليكم حق بعض لكن ماكوفايدة طبع بنات يسولفون كلهم بوقت واحد ماتدرى منو تحاجى منو ..
بس الشهادة ان مدونتكم حلوة ولطيفة لولا الزحمة الى فيها :)
إي ولله ..تصيرها عجيب لو ناخذ نفس لقطاتها تظل لها زاويتها الخاصة ..
ما شاء الله عليها عقبال ما تفتح لها محل تصوير ..ونودي عيالنا لها :)
تسلم ياKazmawy وحياك الله ببلوجنا ..
وإنشاء الله تكون موضوعانتا دايما مشوقة وحلوة :)
ما شاء الله تصويرها عجييييييييييييب
شكراً على المرور :> ..
لوول .. ادري لأنه في شغلات صح ماعرف لها وقلت بسأل أم مود ..
بس شفتج قمتي تلبجين الشخابيط اللي أسويها ..
عاد اتكلت عليج وتكيسلت p:.
إرسال تعليق