الافنيوز والكيكة العيد ميلاد المفاجأة

قبل جم يوم رحنا أنا وزوجي حق مجمع الافنيوز نبي نتمشى ونتعشى فدقيت على رفيجتي snow white علشان تيي هي ويا زوجها جان تقولي أوكي بس شوفيلي مطعم يقدم كيكة عيد ميلاد حق محمد زوجي بفاجأ لان اليوم الساعة 12 عيد ميلاده قلتلها أوكي ورحت أنا مع زوجي ندور مطعم يقدم كيك أول شئ رحنا حق مطعم أتالوز ( مطعم إيطالي وايد أكله لذيذ ) جان يقول ماعندي إلا كيكة صغيرة عبارة عن قطع اقدمها لكم ما رضنا ورحنا حق fridays إلا زحمة حدة وإنتظار جدامنا 5 طاولات , قلنا وايد راح ننطر ماتسوى ردنا حق صاحبنا ( بيني وبينككم قلت أحسن أنا مشتهيه أكله واييييييد) وقعدنا ويت رفيجتي وخلينا زوجها يقعد على الكرسي إلي صوب المجمع ولا يطل على المطعم علشان مايشوف شئ من التحضيرات إلي بنسويها وقمت أنا معها نتفق على التحضيرات قال أن أقدر أقدملكم كيكة جيس كيك موجودة عندي قلنا أوكي راحنا قعدنا شوي رد ينادينا رحناله جان يقول شنو أسم إلي عيد ميلاده قلناله محمد بعدين رحنا قعدنا بعد شوي نادانه جان يقول محمد أنتو شنو عندكم كل شوي قايمين وقاعدين جان أقولة أنا بوريها أغراض كانت رفيجتنا master قايلتلنا عنها ( طبعا علشان نشيل الشك عنده قلناله جذي وهو يعرف طبعا master ) رد نادانه مره المليوووووون وقال أن سعر الكيكة 22 دينار قلناله شدعوة كلها كيكة جيس كيك ماتسوى قال خلاص أنا راح أقدمها لكم مجرد show وبعدين أقدمها قطع لكم قلناله أوكي ورحنا طلبنا وكلينه وبعدين يه موعد التحلية أشرناله ويابها مع شمعه مفرقعة وايد حلوه وعلى جنب الصحن مكتوب أسمة وتفاجأ وايد واستانس بعد وقال علشان جذي أنتوا قايمين وقاعدين , كانت لحظات وايد حلوه .عندي صور وايد حقه مع الكيكة والشمعه بس مو راضي أحطها علشان جذي راح أحط صورة القطعة الوحدة بس