الجمعة، 30 مايو، 2008

طائرات ورقيه بالمسيله

اليوم العصر و إحنه رادين من الشاليهات و له نشوف أشياء إطيربالسما ، مو مبين شنو ... أول شي عبالنه دعايه حق محل وله مطعم ، قربنه أكثر وله ناس قاعدين إيطيرون طائرات ورقيه ، طبعا أنا كنت قاعده أسوق ما أشوف وله شي ، قلت لهم (بوقف أبي أطالع عدل شنو هذا ؟) كانوا في براحه يم المسيله ، وقفنا و قعدت أصور ، وله الطائرات مو ورقيه كانوا من قماش على أشكال حيوانات ، شكلهم إيشوق ، ألوانهم وايد حلوه ، مادري منو هذوله الناس القاعدين إيطيرونهم ، بس ونسونه و الله . و شكلهم عجيب من الشارع .





هناك 10 تعليقات:

kAiKa-MGroMa يقول...

ee walaah shklhom 3ajeeb ;]

Mr_CHoCoLaTe يقول...

هذيل اذا مو غلطان

يتبعون حق فريق الفارسي للطائرات الورقيه

و كان عندهم مشاركات في هلا فبراير

طيروا وايد طيايير ورقيه

هذي عناوينهم

http://www.alfarsikites.com
http://www.flickr.com/groups/alfarsikites/

و كل جمعه يطيرون اعتقد

الله يعطيهم العافيه

غير معرف يقول...

ماستر لو سمحتي شنو موديل كاميرتج ؟
ومنين شارتها وجم سعرها بلييز اتمنى الاجابه ع سؤالي
لان مبين انها ممتازه وانا مفكره اغير كامرتي لانها غاثتني :(

وشكرا

master يقول...

mr_chocolate:
شكرا على المعلومه ، شفات السايتات

غير معروف :
وي كامرتي حدها قديمه ، fuji شاريتها يمكن من 7 سنين أول ما هبوا بالديجيتال من بوشهري ، و لأن وايد قديمه فكانت أسعارهم غاليه ، ماخذتها بـ230 دينار
تره طالبه انا ألحين كاميرا ؤشىخى من الأمازون ب40 دينار ، خفيفه عشان تنحط بالجنطه . أهم شي إذا بتشترين كاميرا لا تاخذين sony أو panasonic او casio مو مجالهم تصوير هذوله الشركات ، بالتحميض راح إيبين عندج لونهم أحمر و مو ذاك الوضوح الفتاك :)
إنشاء الله فدتج .

غير معرف يقول...

وااو ماستر ماشاءالله قديمه بس تصويرها ممتاز :)
اشكرج

fatto يقول...

واي لو أدري جان رحت .. عاد انا احب هالسوالف

Om MoD يقول...

شكلهم حلو إذا كل يمعة عيل بودي اليهال يتفرجون ..

master يقول...

om mod:
أنا هذي اول يمعه أشوفهم فيها يم المسيله ، إظاهر كل يمعه في مكان مو دايما إهناك

غير معرف يقول...

واي كلامكم كله حركات .. صج كويتيين .. بس مو مثل ملوت قبل .. بس على فكرة ماستر ما تعرف شي عن الكاميرات وأنا مصور محترف من سنين وعندي كاميرا سوني سايبرشوت الصغيرة .. طبعا هذي وحدة من الكاميرات .. بس وايد سهلة وخفيفة وخصوصا حق الباج أقصد الجنطة قطيعة تقطع الجناط وسنينها.. وبانسبة حق الطيارات اللي تظحك اللي الله يستر منها لأن الناس إذا طالعوها بالشارع يمكن يندمجون ويدعمون بعض .. بس حركات !!

master يقول...

يجوز والله يا محترف cybershoot أحسن من باجي كاميرات السوني . أنت مو من الكويت ؟ تقول كلامنا كله حركات؟ ما فهمت!!! شنو يعني؟ بدليات قصدق ؟ :)