الخميس، 30 أكتوبر 2008

مبروك ما ياج


ألف الحمد الله على سلامتج يا بنت الخال وتتربى بعزج الأمورة الكتكوتة الصغيرة وعقبال ما تشوفينها عروسة صج إنها وايد متأخرة بس تدرين كنا لاهيين باستقبال الغاليين ...حبيت تشوفون السفونير وايد حلو طبعا بنت الخال ذوقها لا يعلى عليه ما شاء الله عليها :) وهو عبارة عن هالكوشية العنونة على قلب حب معاها كاكاو وعلبة صغيرة شفافة فيها أكثر من نوع كاكاو وكلمة بيبي بالإنجليزي صغار والجيس فيه عطر وايد حلو ما أوصيج سوفونيري الياي على ذوقج كيفج عاد فنتقين لي..وتشكرين مقدما حبيبتي ( اللي يسمع يقول باجر بولد لووووووووووووول ) :)

الأربعاء، 29 أكتوبر 2008

العمى


رواية تجعلك متيقظا منذ الصفحة الأولى..
ومنزعجا من الازدحام المروري الشديد وأبواق السيارات التي تستغرب بقاء هذه السيارة واقفة بعد أن أضاءت الإشارة الخضراء..يرون سائقها يتلفت ويحرك يديه بطريقة عشوائية، وحين اقترب منه البعض لمساعدته ولفهم سبب وقوفه، سمعوه يردد: أنا أعمى.. أنا أعمى.. وهنا كانت المفاجأة..كيف أصيب بالعمى فجأة، ربما يتوهم العمى.. ربما يعاني من مشكلة ما.. تقرأ لتفهم كيف أصيب بهذا
الرواية انا قاريتها من 3 سنين اقدر اوصفها انها عجيبة و حلو الحين و لي مونسني :))) ان حولوها لفلم وااااااي فانشالله يكون الفلم بنفس مستوى الرواية و تستمتعون فيه

الثلاثاء، 28 أكتوبر 2008

وأخيرا افتكيت منه :)


وأخيرا صار اليوم اللي افتك فيه من التقويم وأقرم بالتفاح على كيفي ما أدري ليش أول ما شلت التقويم سألت الدكتور هالسؤال : عادي ألحين آكل تفاح ...
رد علي وقال :إي عادي ..كل شي عادي ...
طلعت من عند الدكتور وأحس حلجي فاضي ناقصة شي مستانسة وبنفس الوقت خايفه على أسناني شلون باكل عليهم تعودت على التقويم وأحسه حاميهم وبنفس الوقت ارتحت لساني تشلخ وتشقق ولوعة جبد ...وألحين وصلت لفترة التقويم المتحرك ويع شسوي بعمري جبدي تقلب منه ولازم البسه 24 ساعة ما أشيله إلا وقت الأكل والتفريش الله يكون بالعون ولازم أظل على هالحال سنه وااااااااي ...لو أدري إنه السالفه جذي جان تميت على ضروسي وخلقت ربي المشكلة أسناني ما كانت خربانه وايد بس بني آدم يحب يجرب كل شي ...دعائكم لي بالصبر وتعدي الفترة على خير وأسناني ما تخترب واتحسف على حطت التقويم :)

!! GUESS WHO

..الإنسان ابطبيعته اذا حب شغله يعتز فيها وتم اسنين معاه ..
قصه قصيره :
تونه طالعين من الدوام وكل وحده ركبت سيارتها ..وانه كنت صافطه جدام وحده من الفيونكات.. وأشرتلي بيدها .. كانت بتقول شغله ويلا بتقول باي باي الصراحه ماني ذاكره ..لأني الي أذكره اني مت من الضحك عليها .. الله يسلمكم لابسه ادسوس من مادري اي قرن امطلعته ويوم سألتها قالتلي من ( 5 اسنين ) عندها :) لووول وتعودت عليه وعاز عليها اتغيره .. اتهقون منو هالفيونكه ؟؟؟؟
وذا عندكم أشياء اتعزونها اتضحك ذكروها :)

New i phone 3G مفاجئة



التلفون العجيب وايد أحبه و خاطري فييه من زمان و لما نزل اليديد مت عليه زيادة أنا وايد حبيتة و خصوصًا أني خاطري بتلفون تجج (باللمس) .... و مرة زوجي قاعد يسولفلي عنه و شنو فييه و شنو أقدر أسوي فييه يعني اهوة يتكلم و انا أتشوق علييه زيادة آخر شيء ما تحملت قلت له خلاص انت قاعد تشوقني زيادة انا بروحة خاطري فييه من زمان أو أبيه اليوم قبل باجر و كل يوم كنت أدخل على موقعهم و أشوفة الله وناسة وهو رايح مستن يقولي انه قاعد يسأل ربعة عنه و شنو فييه لان اهمة عندهم منه بس القديم و انا اتشوق زيادة و و سكتنا فجأة مع زحمة الشارع ما وعيييت إلا حط التلفوون بحضني واااااااااااااااااااااااااااااااااااااي وناسة حدة استانست أثاري قاعد يشوقني علييه و اهوة شارييه خاشة وراي بالسيارة و انا ما شفتة مسويلي مفاجئة وناسة حدي ما توقعت و طوول الطريج انا مو مستوعبة بس قاعدة و اتعبث بالتلفوون أمبييه حدة عجييب و خصوصًا انا خاطري فييه حبيته زيادة و لان مفاجئة من زوجي صار أحلى و أحلى و نااااااسة :))))))))))))))))

الاثنين، 27 أكتوبر 2008

cafe blanc


كل يوم الواحد يكتشف شي بالأفنيوز
تدرون إن Cafe Blanc موجوده بالأفنيوز ؟
الموقع : phase 2 - وين كاريبو كافي طلعوا من الباب الإلكتروني على بره تلقونها
و تطل القهوه على نافوره وايد حلوه (بالصوره)

الأحد، 26 أكتوبر 2008

Krispy Kreme


كرسبي كريم فتح داخل جمعيه اليرموك

صار له تقريبا شهر

السبت، 25 أكتوبر 2008

دعوة

وصلتني هالدعوة من أحد المدونين على الإيميل وطالب مني النشر ...واللي يحب يشارك هذي الدعوة واضحة

تسريحه

بدأ موسم العروس و بدت حوسة البحث عن بدله و جوتي و جنطه و الأصعب و إلي كل بنت تحاول تفنتق في ، تسريحة الشعر . ذاك اليوم قاعده أطالع عرض Karl Lagerfeld لصيف 2009 و عجبني إلي حاطينه بشعرهم ، شي جنه دانتيل ، بس مادري من شنو مصنوع ، مادري إهو يلد و له حديد ؟؟؟ مو مبين قلت لازم ألقه شي يشبها و أسوي نفسهم ...


ضاق خلقي يوم شفت أصاله حاطه على راسها شي يشبها في إغنيتها اليديده (ولا داري) ، بسم الله ، متى إنتشر الموديل ؟؟؟ نطروا شوي .

LAMIS NAIL BAR & SPA

تجربتي مع " LaMis NaiL Bar & Spa "
حست على ما ليقته واللي حاب يروح أهو بالسالمية وبالضبط بشارع البحرين وبنفس العمارة اللي فيها صيدلية ( دريم البحرين )
عند المصعدداخل الصالون الديكور ألوانه كله برتقالي وبني
صوب أصباغ الأظافر
بديكير ومنيكير
غرفة المساج شكل الورد يشوق وطبيعي المكان إضاءته وايد أقل من جذي الصورة مع فلاش
وليش إني بسوي حمام مغربي خيروني شنو نوع الشاي اللي أبيه وأخترت (شاي أبيض )
قدموه لي مع قطعة كاكاو من Patchi طعم الشاي حلو
وعقب دشيت وسولي حمام مغربي وأول ما طلعت مجهزين لي عصير برتقال طازج تجربة تستحق الإعادة :)
عقب ما خلصت عطوني هالبروشور
هالصالون توه فاتح ما صار له مدة تقريبا 4 شهور وألحين عندهم عرض بس بـ 90 د.ك :
20 جلسة مساج ..5 جلسات بديكير ومنيكير ..5 حمام مغربي ...5؟؟؟؟؟( شغل حريم )...والعرض لمدة محدود
للإستفسار : 65141614


قهوة الشميمري

رحنا ذاك اليوم قهوة الشميمري وهي قهوة يم سوق شرق استانسوا اليهال ولعبوا لعب واحنا قعدنا وطلبنا عشا وشاي وتدرون بالقهاوي الشعبية ييبون استكانة بونقطة عجيبة القعدة والجو حلو وبديع ..وعقب صلاة العشا صار لوية وخبة وناس يحطون إضاءة شوي جان يوصل المذيع ولا منو ( بركات الوقيان ) ومستضيف ( صالح النهام ) واليهال استانسوا راحوا صوبهم وقلت لهم روحوا صوروهم وراحوا صوروا وحمودو يايني يماه بروح أصور بالوطن قلت روح يمه.. طلع يايين يصورون برنامج ( في ضيافتهم ) وهذي الصورة صج مو واضحة بس ما عليه :)
لا يفوتكم مودو

الجمعة، 24 أكتوبر 2008

ألذ طبق بالعالم :)

بعد عمري بنت عمي دايما تتنقص لنا ما تتخيلون هالإنسانة شلون كريمة وشلون تذكر الناس يعني ما أقدر أوصف لكم كرمها شي يفوق الخيال إهي صج بنت عمي بس تقدرون تقولون إختي ليش إنها بنت عمي وبنت خالتي بنفس الوقت ووايد إحنا قراب من بعض الحمد الله ..والله لا يغير علينا ومحبتنا تدوم للأبد وشوفوا شنو مطرشه لنا على غفلة وبلا ميعاد وصل ألذ طبق بالعالم ومن قالوا منها وأنا ( سعابيلي ) قامت تسيل..ما شاء الله طباخها شي رهيب ( صلوا عالنبي ( ص)) الكل يمدح فيه ذويقة الله يحفظها ..مشكورة حبيبتي على هالنقصة .......تدورن شنو الأكلة ( محشي كوسا ) واااااااااااااااااااااااااااااااااي ولا أروع بالعافية على قلوبنا وتسلم إيدج يا بنت العم :)

واي لذيذ

امس احتفلت بولدي

امس احتفلت في ولدي ..بمناسبه تتطهورته ..واخيرا كل مره تتاجل صارلنا 3 اسابيع ..كل مره الاسبوع الياي ..بسبب بوصفار كان مرتفع ..واخيرا نزل الى معدل المسموح فيه ..وطهرناه ..كنت قاعده على اعصابي .. ارتحنا الحين ..ان شاء الله اتعدي على خير .. فشريت انواع بيض الصعو ...ومحشي بالككاو وفيه باللوز ..وسكر نبات ..وصفيته في صنيه عندي خشب ..صار عجيب ..شريته من مطحنه الفوز
استانسو عليه ..وشريت بعد صديق الاحتفالات ..ماكنتوووووش ..اعشقه ..افيونكات يدرون اشلون احبه ..بس خليت الناس ياكلون منه ..مو بس حقي ..





الأربعاء، 22 أكتوبر 2008

جنطة سهره



يمكن لو كانت أرخص جان شريتها

السعر : 240

للطلب إضغط هنا

تايرا مرت براك أوباما

عجبتني الفكره

تايرا مسويه روحها مرت براك أوباما لمجلة بازار

الثلاثاء، 21 أكتوبر 2008

ضاق خلقي :(


بعد غيبة طويلة رديت لكم كنت حدي لاهية بحفلة إختي الصغيرة بين سوق وغيره من تجهيزات مع إني ما أحس ساعدتها بشي بس كنت لاهية واللي ضيق خلقي ألحين عقب هاللوية ويوم قررت أقعد وأحط لكم المواضيع اللي عندي ما لقيت وصلة الكاميرا عشان أحط لكم الصور ما أدري وين راحت دورت ودورت ما لقيت إدعو لي ألقاها عشان أتحفكم بواضيعي الشيقة ( إي كيفي شيقة ) :)


وحشتوني :)

Laila Gallery SPA

من فتره و أنا أشوف دعايات حق هذا المكان في ليلى جاليري و أنطرهم يفتحون ، أمس كنا رايحين هناك قلت خل نمر عليهم نشوف شنو عندهم ، إنصدمت لما شفت ألف جهاز مشي و رياضه !!!!! شنو هذا مو SPA ؟؟ قالت المره إلي مسوية لنا التوور إن في سبا بس نطروا شوي . إلا المكان في وايد أشياء في أجهزه ، قاعات للتدريب على الرقص و اليوغا و في صالون و جاكوزي و أخيرا غرف صغيره للسبا . كلش مو مثل ما أنا متخيله ، أهو زين ، بس أنا وايد توقعته أكبر و أحلى و شي خيال ، بس كان جدا عادي . مسكينه المره قعدت قعدت تشرح لنا عن كل شي موجود بس أنا كلش ما شدني فما قعدت أسمع ، أغرب شي قالته ، إن ممكن أسوي مساج مره وحده بس ، ما أقدر أسوي مره ثانيه إلا إذا كنت عضوه بالنادي ... همممممم !!!! من بروح لهم عيل ؟؟؟؟

anyway إلي مهتم بالموضوع ، هذا رقم تلفونهم 1840555

ملاحظه : صالونهم Franck Provost ، أحلا شي يمكن كراسي الصالون

الاثنين، 20 أكتوبر 2008

حايرين أصحاب الملايين !!!


وسط مخاوف من حدوث كساد اقتصادي عالمي وأنباء متواترة عن عمق الأزمة المالية العالمية، أقيم معرض للمليونيرات في مدينة ميونيخ الالمانية
المصمم ألفردو باولو مع وسائد يبلغ ثمنها 300 ألف يورو.. السبب في هذا السعر المرتفع هو أنها موشاة بالماس.

سيجار مغطى بالذهب الخالص..!!


عارضة تلتقط صورة مع آلة للتمارين الرياضية مغطاة بالأحجار الكريمة. السعر 44 ألف يورو فقط


أحذية إيطالية مصنوعة من نوع نادر للغاية من الجلد


أما هذه السيارة الرياضية الايطالية فيبلغ ثمنها مليون ونصف المليون يورو. السبب أنها من صنع مازاراتيوفي النهاية اختارت هذه السيدة أن تلتقط لنفسها صورة تحت شعار المعرض وهي تحمل لافتة كتب عليها باللغة الايطالية: شابة، عازبة، فقيرة، وتبحث عن مليونير..!

1600 باندا في باريس

إحتفالا بالذكرى الـ 35 للمنظمة الفرنسيه للحفاظ على الحياة البريه (WWF= World Wildlife Fund for Nature ) . صنعوا 1600 باندا من الورق و عرضوهوم في باريس . إلي ماني فاهمته ...ليش إنعرضوا مرتين ، مره جدام أوتيل إسمه l'Hôtel de Ville de Paris في شهر 7 جنه و أمس على ما أظن جدام برج إيفيل بالساحه . المهم إنعرضوا أمس و له من زمان ... شكلهم إينن ، و هذا كله عشان يذكرونا بالحفاظ على الباندا الـ 1600 الصجيين الموجودين بالعالم ألحين ( جنه شويه) و بعد الحفاظ على أي حياه بريه ممكن تنقرض .


مصدر الصور:

china - info

flickr

و هذا فيديو عن شلون سووا الباندا من ورق ... إصغط هنا

الأحد، 19 أكتوبر 2008

Beeeeethoven


Ambush ماركه يابانيه مطلعين سلاسل و خواتم على Beethoven
سعره 59 دينار كويتي
عيزت و انا ادور منو يبيعه بالنت ، ما لقيت إلا هذي السايت
للطلب إضغط هنا
شكلي بدور ألعاب يهال يشبهونه و بلبسهوم
كلش ما يسوه سعره

الجمعة، 17 أكتوبر 2008

Prada sliding keyboard

بينزل في أوروبا بنهاية السنه

متوقعين سعره فوق الـ 200 دينار (طبعا)

و يقولون في كاميرا 5 ميغا بكسل

عمري ما شفت كاميرة تلفون تصويرها واضح

لو توصل مليون ميغا بكسل ... تظل كاميرة تلفون

المصدر

عقد



يعطي البدله روح
وايد حلو من net-a-porter.com و مسوينه مخصوص حقهم
ماركة : Day Birger et Mikkelsen
للطلب : إضغط هنا
السعر: 45 دينار كويتي

شرايكم ؟


إسمي :)
أحطه logo حقي ؟

الخميس، 16 أكتوبر 2008

مسلسلات مراهقتي الجميلة ؛)

Sliders
عجيييب

The Fresh Prince of Bel Air

أكيد الكل كان متابعه

blossom

يونس
boy meets worlds
( كنا يوم الاربعاء اذا تجمعنا مع بنات خالتي نسمع الحلقه لوووول)



One Million

1 million كلونيه رجاليه من Paco Rabanne

شميتها وايد عجبتني ، قويه مو خفيفه
ذكرتني بـ lolita lempica النسائية

الصوره الثانيه في الأفنيوز ، حلوه الفكره ...

مو لأن الكلونيه على شكل سبيكة ذهب ؟

فمسوين خزينه داخلها السبائك :)