الأربعاء، 25 أغسطس، 2010

قرقعتوا ..وله لا


ربي إخلي فيونكات يالله =)

السبت، 14 أغسطس، 2010

بسولف لكم عن شهر الخير



شهر البركه شهر العفه ..شهر نتشوق لصومه ..شهر الخير ..والغفران والطاعه

اللهم بلغنا باقي رمضان وقيام ليله ...اللهم بلغنا ليله القدر وتقبلها منا


مادري رمضان إونس ..الصبح كل واحد ماسك قرآنه وقاعد في زاويه ويقرى... وله اتشوفه ماسك تلفونه يبارك ...وله يسلم على ربعه والكل ممبتسم فرحان مرتاح ...والحريم على الساعه 12 الظهر بدى درس الطبخ ...تبادل افكار وطبخات وكل صار طباخ وفنان طبخ والمواهب تطلع كلها في هذا الشهر ..وبعد الدوام ويييه الجمعيات ماتندش من الزحمه ..كل واحد ماسك اورقته اشوف شنو ناقصه ...أنضحك ...=).

وبليل بعد التراويح ..تبدي الزحمه والشوارع اتسكرت ..الكل كاشخ الكبار واليهال ..وشوفو السنع الحريم بالدراريع والريايل بالقتره والسكبه ... وطبعا الكل مستانس ..من بيت الى بيت انبارك في هذا الشهر الفضيل ..والهدايا حق الخاله والام واليده وكل من يعز عليكم...وناسه اتشوفين البعيد والقريب .

والمسايد زحمه ..والمشايخ والقراء ماشاء الله عليهم ..كل واحد صوته أحلى من الثاني ..

خلص رمضان بعد اسبوع القرقيعان ..خلاص مسكنا أوله من باجر انصلي العيد .


إلي احاتيه برمضان وزني ..مع كل هل ابداع بالسفره وخصوصا اذا كنتي في بيت الحموله شوفي السفره مالها أول ولا تالي ..حتى مافي مكان حق قلاص الماي ...الله يزيدنا من خيره ..الحمدالله على هذي النعمه ...


وناسه ...اونس ..عاد سوو طاعات في هذا الشهر ماتنسون الصدقات وافطار صايم ..وحفظ القرآن

جهزتو حق القرقيعان =)

الأربعاء، 11 أغسطس، 2010

الأحد، 8 أغسطس، 2010

Y2Z Designs























مساء الخير والجوري والنوير :) هالموقع وايد عجبني .. أشكال ال wall stickers عجيبه .. حده يحلي المكان ويعطي لمسه جماليه بالبيت .. واسعاره حلوه :) لدخول الموقع اضغط هنا أو FB

الثلاثاء، 3 أغسطس، 2010

راس صداموه بلكويت



مساء الخير والجوري والنوير :) المفروض هالبوست يكون أمس مو اليوم بس الظروف ماساعدتني أمس .. المهم بمناسبه ذكرى 2\8 المؤلمه أدعو لشهدائنا الأبطال بالرحمه وأسكنهم فسيح الجنان واغفر لهم يارحمان .. وأقول لصداموه وربعه وللعراق ابكبرها حسبي الله عليكم ياظالمين وياغدارين وياخونه .. والي سويتوه فينه جزاتكم راح يكون عند رب العالمين بالدنيا والآخره .. ولن ننسى ولا راح ننسى .



ولي يبي يبرد جبده يروح ( متحف بيت الكويت للأعمال الوطنيه ) وراح يلاقي تمثال راس صداموه المجرم .. الجيش الأمريكي يايبه لنا من ( تكريت ) .. وسوو فيه الي تبون .. أهلي داسوه دوس وحتن بنتي الي مالحقت عالغزو والا تدري عنه خلوها تدوسه :) حسافه ماكنت معاهم جان يمكن كسرته P: بس جان زين صجي مو ثمثال عشان انعذبه مثل ماعذبنه لين يموت .. حسافه ان اشنقوه والله .. ماحس بالعذاب .. حلاته اييبونه لنه بقفص وكل شعب لكويت ترجمه ويلا اتنتفه بالملقط لين يموت . أنا شكلي عقب هالبوست ماسكتني الدوله وراح اكون بخبر كان لووول .. بس صدقوني ماراح اتراجع عن الي قلته :)


والله يحفظج ياديرتي الحبيبه ياكويت