الثلاثاء، 29 يونيو 2010

30Burger




صباح الصيف و الإجازات و الوناسه ... أكيد من بدى الصيف و من قبل شهر .. و احنا نخطط شنو مشاريع هالصيفيه
الي راح يسافر عليهم بالعافيه .. و الي _ زي حالتي :) _ قاعدين .. ما لنا الا اندور بهالمجمعات و المطاعم و ناكل :)
شفتلكم مطعم يديد حدة .. في أسواق القرين .. يم المقاهي .. أسمة ( 30Burgers ) يبيع كل انواع الميني برجر و إضافه الى انواع ( الباستا ) .. و المشروع من صنع أيادي كويتيه .. شباب طموحين و ( شقرديه ) .. و الله يوفقهم .
و تقيمي بالنسبه للطعم لذيذ.. و النظافه 100% ..


هذا رقمهم 67050363 وبالنسبه لخدمه التوصيل (coming soon ) انشاءالله .

الأحد، 27 يونيو 2010

BBQ @ HOME



شغل عدل وزقرت الصراحه :)
منقول من ايميلي







الجمعة، 25 يونيو 2010

تلوين ورسم بس مو على ورق



على الحصى رسم وتلوين وناسه اطلعو حلوين ..بس اصير عندي وقت راح ارسم واتوسع في الرسم على الحصى ..كانت تجربتي الاولى لابأس فيها =)
وكنت ماخذه كميه من الحصى شايلته على قلبي وزن =) من صلاله من شاطئ مغيسيل .

وفي حصى الوانه حلوه مايحتاج الا ورنيش .

انتعاااااش


مادري يديد قديم مادري
مو من كثر روحاتي حق بادي شوب بس أمس كنت ماره يمه وله أشوف في شنطه صغيره حق السفر فيها أغراض السباحه مع العطر فخذيتها.
وله أشوف هذي المجموعه بالانعناع حق القدم ...سنفره وكريم وسبري وشنطه للبديكير ..حبيتهم وجربتهم واي نعناع وريولي تنتفس ومنتعشه وناسه =) إنتعاش الصيف

الخميس، 17 يونيو 2010

Corn Dogs








لايطوفكم الصراحه وايد لذييذ .. الدرزن ابـ 2.500 هذا الـmini أما الكبار القطعه ابـ 750 فلس وإيي معاه 8 أنواع من الصلصات ورقمهم
66607115

الجمعة، 11 يونيو 2010


صباح العصافر الي تغرد على اوتار اشعه الشمس الذهبيه

صباح كله حب وحنيه

صباح الاصحاب والاحباب والاهل ورفقه الي من غيرهم انا فقيره ماني غنيه

الجمعة، 4 يونيو 2010

سمعتوا عن .....!!!!


أمسي عليكم أول شي واقولكم شلونكم وشخباركم وتراكم حدكم واحشيني ...بس الفيس بوك أخذني منكم ...وألحين يايبه لكم موضوع يمكن يكون قديم عند بعض الناس وبعضهم بيكون لهم شي يديد ...سمعتوا عن شي إسمه الفطر الهندي...؟؟؟؟
وبالإنجليزي ( الكيفير Kefir ) ...


تقدون تتعرفون عليه وعلى فوايده من خلال هالموقع .. وتقدرون تستعينون بجوجل للبحث والتعرف زيادة عليه :)

وهذي طريقة إعداده ..
عقب ما نكون حاطين ( الفطر الهندي ) بالحليب الخالي الدسم السائل ( على كيفكم أي نوع حليب ) ..لمدة 24 ساعة في مكان مظلم ..
نشخله بمشخال بلاستيك ...( إي وما قلت لكم لازم الدولكة تكون زجاج ) والقفشة هم بعد بلاستيك ...هذا شكلة عقب ما شخلناه وغسلناه ...لقطة ثانية حقه مع الحليب ...هني عقب ما صار الحليب لبن من الفطر الهندي ...واللي يحب يزيده شويه ملح :) طبعا هذيل عقب ما ردينا ثاني مره جهزناهم ...يعني نرد نحط الفطر + الحليب ..نغطيهم بقطعة ململ ( اسم الخام ) وسير عشان ما يتخمر ..يالله جهزوا عشان يدشون الكبت ...أو الكرتون ...وتنطرون مرة ثانية 24 ساعة عشان تردون تشروبنه يوم ثاني وعليكم بالعافية وترى فوايده وايده ...

الأربعاء، 2 يونيو 2010

The StoneGrill



صباح الخير والجوري والنوير :) تعشينه امس في هالمطعم .. الصراحه وايد عجبني لأن في شي مميز .. انكم اذا طلبتو ستيك ايبولكم (stone ) صخره مربعه حاره تشوون فيها .. وتختارون نوع اللحم او الدياي او الربيان الي تبونه مع درسنغ وتشوونه بروحكم .. وناسه مو ؟ :)

موقع المطعم : أمنيه سنتر .. الدور الثاني ..جبال ليلى جاليري بالضبط .

طبق مقبلات ( مشروم ) لذيييذ


هذا اللحم الي انا طالبته



طبعا لازم اول شي يلبسونكم (سدريه) :) عشان تشوون على الراحه بدون لااتلقمط هدومكم :) مو خوفكم مثل (ام مود) استيكها 16 مره يطيح بره وترده فلازم السدريه حق لعليميه :)


وختامها كان مسك .. فاجئوني الفيونكات بعيد ميلادي :) موعبالكم يايبيلي مزهريات على ورد .. ترى هذا كيك اوريو .. ...حركات :)


أشكر الفيونكه : pearl + snow white + stella + om mod + gardenya على هالمفاجئه والعزيمه الحلوه .. الله يخلينه لبعض يارب .. بس كان ناقصنه ( ام علاوي و master )

التاج السلطاني


وصلني هالواجب من Being one مادري ليش حسيت اني طالبه بالمدرسه و being one أبلتي p;


أولاً : قوانين التّاج السُلطاني
اذكر اسم من طلب مِنْكَ حلّ الواجِب : Being One


ثانيا : القوانين المتعلقة بهذا الواجب :

1. تحّدث عن ستّة أسرارٍ قد لا يكتشفها من يُقابلكَ للمرة الأولى .
2. حوّل هذا الواجب إلى ستة مدوّنين و اذكر أسماءهم مع روابط مدوّناتهم في موضوعك .
3. اترك تعليقاً في مدوّنة من حوّلت الواجِب عليهم ، ليعلموا عن هذا الواجِب .


اجابه السؤال الاول :


1. ماراح يدري هالشخص اني اتنرفز واعصب وماجامل في بعض المرات عبالهم بس هاديه واضحك :)

2 . إذا انا بالبيت وبتعشى لازم لازم اطالع التلفزيون وما تطب لقمه بحلجي الا لمن يطلعلي برنامج او مسلسل يعجبني :)

3. انا number one بلعناد .. الي براسي اسويه p:

4. احب الترتيب بشكل موطبيعي .. لوكنت بنام واشوف قوطي لكلنكس متحرك اشوي من المكان الي انا حاطته اقوم واعدله على زاويه معينه ههههه

5. احب أعاشر الي دمهم خفيف .. لوتلاحظون رفيجاتي كلهم دمهم عسل :)

6. واخر شي اذا كنت بالسياره وقاعده اتكلم بالتلفون كله امشي سيييييييييييييييده وذا سكرت التلفون تلقوني واصله قلعه وادرين P;



اجابه السؤال الثاني :


dodoq8

fishah

طز بالرجاله

artful

شخبوطه كويتيه

شاي الضحى


عاد ماجيكت واصلهم الواجب من قبل لا احولهم ويلا لأ :)


توقتو اني جذي ويلا لأ ؟؟؟؟؟

الثلاثاء، 1 يونيو 2010

أول مره أسويها ....التاج السلطاني

بصراحة أول مرة بحل هالواجب واهو التاج السلطاني من الحلوة Shaymooona...
وقوانينه :
1- اذكر اسم من طلب منك حل الواجب ؟؟
2- تحدث عن ستة أسرار قد لا يكشفهامن يقابلك أول مرة ؟؟
3- حول هذا الواجب إلى ستة مدونين واذكر اسمائهم ؟؟
بسم الله نبتدي ....
إجابة السؤال الأول ...
SHimoOoNa
أما الثاني ..
ستة وايد ...بس يمكن اللي يشوفني ما يدري إني حدي طيبة وعلى نياتي ( حدها مصدقة عمرها :) ) ...
الثالث .....
Bhr.qadsaweya
bent eldera
Life after Marriage
sn3a
lazy dazy
...
وهذا أنا أديت وعدي ...وحليت الواجب ..:)