سويت شي كنت ودي أسوي من زمان

رحت السينما بروحي :)

أنا عندي دوره هذا الأسبوع مثل ما قلت لكم في برج الحمام ، و نطلع من الدوره تقريبا 11:30 - 11:45 ، فبالليل حجزت تذكره لفلم Iron man الساعه 12:15 الظهر لثاني يوم (الاربعا) بالأفنيوز ، و الله كان ودي اغير عن الأفنيوز بس محد يعرض الفلم الظهرإلا أهمه ، و كنت وايد مستانسه ، متشوقه أروح، و بعد بقعد بروحي أشوف الفلم ، احسن و احسن ، عشان ما احاتي إلي معاي إن يكون مو عاجبه ، و له يعيب على الفلم ، أنا ما استحمل، اختي كله تتطنز علي و تقولي : "شنو إنتي المخرج ؟ ليش يضيق خلقج ؟ هذا راينا " أنا جذي... مليقه . المهم خلصنا اليوم مبجر ، اطالع ساعتي وإلا كانت 11:30 قلت زين يمدي ، قعدت اسولف ويه الدكتور لمه صارت 11:45 ، الحين يمديني أروح و اصلي بالافنيوز و ادخل الفلم بالوقت (بعد الدعايه قصدي)، يوم ركبت سيارتي و شغلتها إلا الساعه كانت 11:55 ، ساعة إيدي متاخره 10 دقايق noooooooooooooooooooooooooooooooo

أحاول ما اسرع بالطريج، ما يسوه اموت عشان فلم ، و ماسكه نفسي غصب لمه اشوف سياره جدامي تمشي صفر ، ودي أذبحه ... الحمد الله وصلت ، كانت الساعه 12:20 بدا الفلم و خلص ، عاد انا ما احب يطوفني ولا دقيقه ، بس شسوي ، لازم أصلي صلاة ربي (على قولة اختي) . سألتهم وين المصلى ، قالوا لي (تحت) لالالالالالالالالالالالالالالالالالالالالا ، و انا البايخه ما تصلطت إلا اليوم و لبست كعب ، اعلى كعب بالتاريخ ، آآآآآي ريلي تشلعت ، أشوه صليت ، و نسحكت ريلي على ما وصلت السينما ، آآآآآه ...أخيرا.دخلت وأشوه شكله توه بادي، اكيد كان اكو دعايات قبل . طبعا كرسيي أخر السينما و حسافه كان يمي بنات ، تمنيت أقعد بروحي بالسطره كلها ، قعدت و شفت الفلم و خلص، و ما عجبني :( . وايد الناس سوو منه خبه ، توقعته احلى من جذي و عبالي في هواش اكثر ، بس كان جدا عادي . بس الصراحه الطلعه كانت حلوه ، خلص الفلم الساعه 2:30 و هو الوقت المناسب إني ارد البيت و نتغدا . راح اعيدها إنشاء الله مره ثانيه

التقييم للفلم 2/5