الاثنين، 30 مارس 2009

يارب إزيده ويرحم عبيده


أخيرا مطر إبرد الجبد ...ياالله ..اغسل قلوبنا ..واجسادنا من الهموم ..والامراض

السبت، 28 مارس 2009

موقف لا احسد عليه :)


الصورة غريبة مو ؟؟ سمعو سالفتها :) ..
صباح يوم الجمعة .. بعد الوناسة و السهر بعرس اخوي الغالي .. الله يتمم عليهم و يسعدهم و يرزقهم الذرية الصالحة ..
الي صار ان كنا حاجزين في نفس الفندق الي كان في العرس .. و بعد ما اصبحنا و تريقنا و عينا من الله خير ..شلنا قشنا و اغراضنا .. و سبقتني أمي و خواتي . و خذو أغلب اغراضى .. و سلمت عليهم على اساس اني راح الحقهم .
انا و زوجي العزيز :) .. بس الي صار ..ان قعدنا اشوى .. و يوم يعزم الزوج الغالي انا نمشى قالي ياللله سرينا ..
و فجأه تصير السالفة ..
ادور على اللفة ( حجابي ) ما لقيته قمت ادور بكل مكان بالغرفة و الجنطة .. ماكو شيء .. و قامنا ندور و ندور .
و يوم اتصلنا في امي اسالها وين لفتي .. تقولي انها خذت كل شيء و من ضمنهم كل لفاتي ..
و صار ما عندي لفة اطلع من الفندق فيها :)
ولا اطول السالفة عليكم عقب كل الاختيارات .. ماكو الا خيار واحد ماكو غيرة .. شنو تتخيلون ؟؟
الغترة :) غترة زوجي .. سويتها جنها لفة و لبستها .. و طيران من الغرفة لي السيارة .. و لبسة النظارة .. علشان يبين الشكل طبيعي :)
بس من صج كلش مو امبينه انها غترة .. لان لونها ابيض .. بس صج موقف :)

منو ذايق اكل هذا المطعم ؟ وصلي هذا الاميل من بنت عمي والمطعم موجود بشرق مقابل مجمع دسمان .
اخليكم مع الصور هذا من داخل المطعم :)

اولا نقدم المقبلات



ثانيا الاطباق الرئيسية






والحين نقدم لكم السوييييييييييييييييييييييت




والصحة والعافيه اشرايكم انشالله عجبكم ، ترى انا مو ذايقه اكلهم اذا في احد مجربه يقولي لاني ودي اجربه صور لاكل تشوق .



الجمعة، 27 مارس 2009

Matthew Williamson for H&M


ماثيو راح يصمم مجموعه خاصة لـH&M
وراح تنزل في 21/4/2009
نحن في الإنتظار ، عاد أنا وايد أحب ماثيو
الصوره من مجموعة ماثيو الخاصه به لصيف 2009
المصدر : style.com

الخميس، 26 مارس 2009

Pick your color


pick your color at pick your tag

الثلاثاء، 24 مارس 2009

الاثنين، 23 مارس 2009


ورشة
" كبسولات الإبداع " .... من أمتع الورش التي تفعل دور المتدرب وتجعله مشارك ومتفاعل ومحاور... من خلال تطبيق التمارين والتجربة للحصول على النتائج، بهذا تكون مادة الورشة سلسة جدا للمتلقي.
بعض النقاط التي سيتم تناولها في الورشة:
هل تريد ان تستمتع بكل يوم في حياتك ؟
- ما هو الإبداع !
- أين مخك ؟
- كيف أكون إنسانا مبدعا
  • اكتشف نفسك ... إن كنت تملك صفات المبدعين.
    كيف تولد أفكار جديدة وتحل المشكلات بطريقه جذرية
    - كيف أبني بيئة إبداعية بالمنزل \ بالعمل \ بالمدرسة.
    - كيف أخلق فكرة جديدة ؟ و أطور عملا ما.
    - كيف أحصل على أفكار إبداعية مميزة.

- معوقات الإبداع وكيفية تفاديها.
- أساليب تنمية الإبداع
o أداة سكامبر ( الأسئلة الذكية)
o آلة الإبداع
o العصف الذهني
o الاسترخاء
o الخريطة الذهني

وهناك أساليب أكثر
ماهي عوامل الذكاء الابداعي وكيف أمتكلها
كيف تتدفق الأفكار...

-------
الورشة مليئة بالتمارين الإبداعية الممتعة بجو ايجابي إبداعي مبتكر
سيحصل كل متدرب على ( كبسولة الإبداع ).
المقاعد 16 فقط
مقدمة الورشة : المدربة \ أ.حصة عبد الرحمن الحشاش – مدرب معتمد من اتحاد المدربين الخليجيين.
الورشة ستقام في صالون الكويت الثقافي – الزهراء – ق 6 – ش 44 – بيت 5
في يوم السبت 28-3-2008 من الساعه 5 الى الساعه 8 مساءا
السعر 15 دينار
للاستفسار 99599767

تجارتي ... هوايتي


إضغط للتكبير

السبت، 21 مارس 2009

HAPPY BIRTHDAY BLOGNA


اشرايكم باللوك اليديد انشاءالله عجبكم ؟.. هذا اللوك بمناسبه مرور سنه على افتتاحنه للبلوق :) وأنا أشكر الفيونكه PEARL على اشرافها لديزاين لبلوق وأشكر كل الي يشتغلون في شركه BOX LINK وأشكر كل من ساهم على نجاج البلوق .. شكرا يابلوقرز وشكرا يا غير معرفين وشكرا يالمشاهدين :) .

الي بشوف أول بوست لنا يضغط هنا .

ولي بصمم عند ( BOX LINK ) يدش موقعه هنا .

وشرايكم فيني .. انا الي لابسه وردي أناقز :)

وقت فراغ

بما إني ماقدر اطلع من البيت ..بسبب ولدي مريض ماقدر اطلعه (الطبيب قال ماطلعينه كلش لحد ماتخف حساسيه صدره )
ومنو محبوس وياي بنتي حبيبتي ..أنا امشركتها مع لجنه الورود يوم الخميس يوم الي اطلعت فيه بس ...ما احب اخليها جذي ضايق خلقها ..فأنا ما أحب اللعب ...أصلا ما أعرف ..بس أعرف أشياء أتشارك معاها فيها ونحبها ...يعني كل يمعه انسوي شي ...مره سوينا كوكيز ..لذيذ قضينا عليه كله أنا وياها ..وخلينا وحده حق ابوها علشان بس إذوق ...ومره اللوان الزجاج ...يا كثر اقلاصات الجبن ..لعبنا فيهم لعب ..وأنا إستلمت درايش غرفه الخدامه ودريشه الدرج ...
بس أمس قالتلي يله يمه شنو إنسوي اليوم ...قلت خليني اندور بالنت ...وفعلا شفت صوره الكوب هذي ..قلت لها يالله
وسوينا أشياء وايد وأحلى شي طلع الكوب الزجاجيصوره الكوب من النت
مابقى ازرار ماحطيناه ..وقلوب الحج قطعناهم ..وقلوب اللولو..وبعدين قالت يمه إشلون بابا يشرب جايه ...وييييييييي هذا كوب بابا ..راح يذبحنه ...قلت ..إنقوله راح ناعطيكياه ..بس إتشوفه ..بس ..وحطينه شمعه إبداخله ..ونطرناه =) لما يرجع


ضحك اشوه ما قال شي ..=)


الجمعة، 20 مارس 2009

امي ثم امي

اهداء:
الى من اوجدتني في الحياة
الي ملاكي الحارس
كل عام و انتي بخير


تهنا = ضيعنا

قبل جم يوم رحنا أنا و fatto و pearl عشان نسنع أظافرنا في N-style طبعا أنتوا ما تدرون شلون قررنا نروح وعقب ما حنيت ورنيت شكثر ..عيزت وأنا أحن وأقول أظافري قامت تتكسر خلونا نروح ..كل يوم يقولون لي باجر ..المهم عقب ما حددنا اليوم تيمعنا إحنا الثلاثه.. بعد ما كنسلوا روحتهم ويانا لظروف خاصة snow white و stella ..
موعدنا كان الساعة 7:30 بالليل وصلنا إحنا الساعة 8 إلا عشر تدرون ليش على ما لقينا موقف نصفط فيه.. المهم قعدنا وسولفنا و كل وحده فينا شربت لها شي اللي طلبت شاي أخضر واللي طلبت قهوه خلصنا بالضبط الساعة 9 حاسبنا وطلعنا ..وإحنا طالعين شفنا جدامنا اللي ياخذون السيارة ويصفطوناه وقعدنا نضحك على روحنا ولا وحده شافته :)..

ركبنا السيارة وصلنا fatto بيتهم وطبعا طفنا لفت بيتهم ضعنا شوي بس الحمد الله وصلنها إلحين اللي ظل بالسيارة أنا وpearl وإحنا ثنتينا الله بالخير ما نعرف ولا ندل شي دشينا لفة غلط وعشان نسلم على عمرنا شفنا لافته حق ضاحية حطين قلنا خلينا ندش على الأقل منطقة نعرفها وظلينا نحوس داخل جنوب السرة مو دالين شارع دمشق ومافي أحد ما وقفناه عشان نسأله وين الطريج ..؟؟

حالتنا حاله وميتين ضحك على عمرنا شلون ما نعرف ..وكل وحده تقول حق الثانية أنا متعوده على الضيعات ما أطول عليكم أدري أني طولت لووووووووووول ..

أنا وصلت البيت الساعة 11 إلا ربع تخيلوا إحنا متى طالعين من المحل تقريبا ساعتين على ما وصلت البيت طبعا كل وحده فينا حصلت لها توبيخ من زوجها ..

لووووووووووول نعيش وناكل غيرها :)هذي والكويت صغيرة وضعنا لوإحنا بديرة ثانية جان شصار فينا ؟؟؟؟ !!!!!!

first day




مودو حبيبي أمس كان أول يوم يروح يتدرب على الكاراتيه حبيبي حده مستانس.. عسى ما يطبق اللي يتعلمه على أخوه يسور ... بروحه مو مقصر فيه :) ..الله يحفظ عمركم حبايبي :)

More than a Trend

هذا الإفتتاح الغير رسمي لمحل fortune cookie في بيت كاريزما - بجانب مستشفى الأميري
الأشياء إللي معروضه معظمها من سايت pick your tag.com و أكو أشياء ثانيه مثل نفانيف وtraining suits . المحل حده عجيب لازم تزورونه. يوم الأثنين بصير في معرض بس ماني متأكده حق منو ، لما أعرف أقول لكم ، فرصه تشوفون المحلات الثانيه بعد الموجوده هناك .

بوريتو

أمس ريوقنا بالدوام على حساب sun shine والمناسبة كانت قدوم خدامتها المصون بعد غياب دام لمدة شهرين تقريبا وما قصرت يابت لنا ريوق من مطعم مكسيكي إسمه " بوريتو " مكانه ببنيد القار.. وطريقته حق تقديم الأكل تشوق يصف السلطات بالكبوس المكسيكي المشهور وكانت طالبه لنا كبوس سلطات والثاني عبارة عن سندويشات متنوعه وتوست ( مرتدلا بالجبن -نقانق-لبنه....و..) ..كلينا وشبعنا وحق sun shine قلنا كثر الله خيرج وبالأفراح دايما يا رب ..:)
اللي يحب يطلب هذا الرقم : 22525143
وعندهم رقم ثاني بعد : 22552233
بالعافية على قلوبنا وإنشاء الله تجربونه ويعجبكم

الثلاثاء، 17 مارس 2009

Car boot sale


إضغط لتكبير الصوره

معجزة الماء

يوم الخميس 12\3\2009 حضرت امسية " الماء مراة الكلمات" للعالم اموتو
كانت امسية ممتعة و مفيدة من الكمية المعلومات
الي طرحها عن الماء و شلون الكلمة او الصورة او الصوت
تاثر في الماء و لكن تعتمد بالاساس على النية الخالصه لله و الحب و الشكر
و ثاني شي الي صج اثر فيني ان جسم الانسان عبارة عن كلمات لان جسمنا يحتوي على 70% من الماء
و المخ فيه 3% يقول تخيلوا ان لو صار ان كمية الماء في المخ 100% نكون عباقره
لو تفكرون راح تكتشفون ان هذي المعلومات مو جديدة و اهي موجودة عندنا في الدين الاسلامي (وهو اعترف بهذي النقطه)
فما اقول الا : شكرا لله ...شكرا لله ..شكرا لله
شوفو الفيديو .... و انا متاكدة ان نظرتكم للماء راح تغيير....



كالنور في جنح الظلام جاء النبي للانام

اهدي لكم هذي القصيدة بمناسبة المولد النبوي :)

مقطع مؤثر لطفلة تركية تلقي قصيدة للرسول صلى الله عليه و على اله و سلم

الاثنين، 16 مارس 2009

wash your dishes in style

Dishwashing gloves

وصل اللي طلبته

طلبت جم غرض من موقع pick your tag أمس الضحى وتوقعت يوصلون لي عقب يوم أو يومين بس اللي صار إني قعدت من النوم العصاري ولقيت عندي جم miss u الرقم ما أعرفه شوي ولا يدق مره ثانية ..لوووول بتقولون شفيهم الفيونكات يايتهم حالة الطلب من الانترنت :)
أنا : ألو ... المتصل : ألو ... أوخ صوت هندي ويتكلم إنجليزي .. جان أقول أكيد الموقع اللي طلبت منه المهم قالي إنه يقدر يوصل لي الطلب ألحين ..عاد قلت له أوكي ...وصل الصندوق ...
الأغراض اللي طلبتها إهي ( Love on Toast + To-Do-Tattoo + Cool Ice Glass Maker )
شوفوا الصور :


أنا عجبني شكل التغليف حلو بس على سعره وايد غالي تخيلوا هالصندوق سعره 7 د.ك ..مجرد صندوق على قولت زوجي العزيز جنه من سوق الصفافير :) بس أنا كنت حدي أبي الاغراض اللي طلبتهم وناسة خصوصا مالت التوست تونس حدها ..اللي يحب يطلع على الموقع يضغط هني..

الأحد، 15 مارس 2009

منقبات في البلوكات

أربع منقبات دخلوا محل الأقمشه ...
زعيمتهم تقول للبياع: شدعوه المتر بـ 17 دينار ، نزل
البياع : لالالالالالا هذا تنديل فرنسي
الزعيمه : إحنا كل يوم عندك ، نزل بعد
البياع : لا لا ما يقدر ، أخر شي 15 دينار
الزعيمه : بعد هذا و إحنا كل يوم عندك ما حفظت وجييهنا ؟؟ نزل لنا يالله

ثبتوا البنات كلهم منقبات ... شلون بيحفظ وجييهم ؟؟؟؟!!!!!
مع إحترامي للمنقبات :)

be-unique-q8


أوجه شكر خاص لصاحبه بلوق (BE UNIQUE) على شغلها الحلو :) شغل ايد 100% تسلم ايدج .اليوم طلبت منها شغلات ويابتهم ابنفس اليوم يعني خدمه سريعه ماشاءالله عليها :) اهي اتبيع تيجان وبروشات وقلوب وكل واحد احلا من الثاني . الصراحه أنا أشجع هذي المواهب الحلوه الي عند بنات الكويت لدخول البلوق اضغط هنا .

السبت، 14 مارس 2009

6 شهور ..أمومه


خلاص خلصت

إجازه الامومه ...وحبيبي مسكين مريض بس شنسوي العمل ينادينا ...الله يشافيه علشان اعرف اشلون اداوم ..مادري اشلون اداوم 6 شهور لاصق فيني اتعوت عليه ..راح احس بشي ناقصني ...مساكين هل يهال والله ابتلشو في جذي امهات ...يالله ..الله احفضهم وين ماكانو ...انا أمنته على حضانه ..بس الحين علشان مريض في رعايه ماما الله اخليها لنا

هاااااااااااااااي افيونكات راجعه لكم =) موانا لوك جديد ... لا انتو ابي اشوفكم بلوك جديد ..من مديركم ...الى البوتر (عزيز) =)

خوووش تقمبر

أهل البحر اهم الي يعرفون وحبون التقمبر .. وهذا الحين موسمهم وانه اموت على شي اسمه تقمبر حده وناسه بس ما أحب آكلهم .. توني يايه من شاليهنه وماشاءالله صدنه قباقب اشكثرهااا ولحد يتعب نفسه وروح يصيد الحين , ترى خلصنه القباقب :) وفي بعضهم مايعرفون شنو تقمبر والتقمبر اهو صيد القباقب والأسماك والخثاثيق حين تكون المايه رايحه :)


وهذي الله يسلمكم عده التقمبر .. الليت اذا كان بليل . وبوت البحر . والكابر . والسله حق اتحطون فيها صيدكم


وهذا اهو صيدنه .. اشرايكم فينه :)


وعقب قسلناه من الرمل والوصخ



وهذا الأصفر الي لازق بالقباقب اهو بيضهم فلازم اتشيلونه
وعقب حطوهم بالجدر وترسوه ماي وحطو كل البهارات الي عندكم بالمطبخ .. وفي طريقه ثانيه بس بالصلصه يقولون لذيذه بس اهي عباله اشوي وتطول.. فكانوأهلي يواعه فمالهم خلق ينطرون مده اطول فطريقه البهارات اسهل واسرع. ونطرو لمن يسيرون برتقاليين نفس الصوره


وذا شفتو القبقب قاعد يخز هالخزه يعني نضى القبقب :)


وهمن صدنه خثاق .. وهذا اخوي حمني اخيرا رضى انحط صورته بدون لا أغطيه نفس كل مره :)


وهذا اهو الخثاق بعد التقطع والحماس مع البهارات :) وانشاء الله استانستو معاي ابرحلتنه

الخميس، 12 مارس 2009

منو صار له هالموقف ؟


أمس وأنا رادة من الدوام كنت محتاجه جم غرض من الجمعية ورحت وصفطت بالمواقف وطفيت المكيف وشلت جنطتي وموبايلي ونزلت.. دشيت وخذيت الأغراض اللي أبيها وأنا أحاسب قلت خليني أطلع المفتاح من الجنطة قبل ما أطلع أدور ..أدور ماميش ماكو شي يا ربي وين حطيته ..عاد قلت حق الكاشير بخلي أغراضي أنا بروح شوي.. وأروح الأماكن اللي شريت منها أغراض قلت يا سبحان الله يمكن حطيته مكان وأنا باخذ شي لالالا مو معقوله سألت اللي يم الرفوف ما شفتوا مفتاح سيارة.. محد شافه ورديت مكاني عند الكاشير وأحوس بالجنطة ماكو ولا شي.. مسكين الريال ما قصر دور داخل الجياس هم ماكو شي أنزين شلون أرد البيت ألحين ..عاد قمت وخذيت أغراضي قلت أكيد نسيته بالسيارة وأنا طالعه يدامي سايق يسألني شنو سيارتج هذي.. ترى تشتغل أنا يقول داخل إنتي شنو يدور مفتاح سيارة بس إنتي ما يسمع .. مو مني من اللي فيني محتارة وين وديت المفتاح .. جان أقول بقلبي : وي شصاير فيني عمري ما سويتها شلون جذيه ناسيه المفتاح بالسيارة ومخليتها تشتغل لاحول ولا قوة إلا بالله العلي العظيم الظاهر الزهايمر بدى معاي مبجر :) وظليت أضحك على نفسي وشلون سويت جذي ...