الثلاثاء، 27 يناير، 2009

مجوارب & اللكونات


لا تعليق الصراحه :)
update: قصدهم جوارب و كولونات

الاثنين، 26 يناير، 2009

شربت زقاير


أنا اذا كنت نايمه وعطشت ابنص الليل ما أروح اشرب ماي .. لأ .. أشتهي شاني أو بيبسي .. لوووول مادري ليش اتصدقون هالشي فيني من زمان :) المهم أمس بليل عطشت فقمت رحت الصاله عشان بشرب ماي هالمره.. عندنا ثلاجه اصغيره .. جان أشوف بالطاوله بيبسي ( بيرقر كنق ) قبل لاينام زوجي كان طالب منه ..قلت الله ..يا ابوقتك .. جان أجيك عليه بارد ويلا حار ويلا أشوه في ثلج .. يعني ليل حين بارد .. ويوم شرب .. ويلا أحس في أشياء فيه مادري شنو .. ويوم أبطله وطل فيه .. ويلا الصدمه الكبرى ويلا أثاري زوجي قاط زقاره فيه .. لاعت جبدي صج بمعنه الكلمه.. الماي أصفر وحثاريت الزقاير ابكل مكان .. والله جبدي قامت تقلب .. ولقيت مكسرات بالطاوله قلت خن اكل عشان يروح الطعم .. واكل واكل واكل وروح اتمظمظ وفرش أسناني ..وييييييع ونفس الشي بموووت من لوعه الجبد .. وماقدرت أنام عدل لين الصبح .. دقيت على أمي قالتلي شربيلج حليب عشان اتخف لوعتج .. واااي الله لايوريكم الي صار فيني :( وقول حق زوجي الله يهداك مالقيت الي البيبسي اتطفي زقارتك فيه :) جان يقولي قلعتج أكو أحد يشرب بيبسي ابنص الليل و صارله جم ساعه بعد :) لوووول

الأحد، 25 يناير، 2009

online shopping training


وصلني بالإيميل
إضغط على الصوره للتكبير

عبدالوهاب

يايتلنه دعوه من خالي على مطعم لبناني اسمه ( عبدالوهاب ) اهدمومطعم ( فدركرز ) وبنو هذا بداله اهو مطعم لبناني .. الصراحه أكله حلو كل شي يابولنه من غير ما احنه نطلب من المقبلات الى المحلبيه :) .. ومحد يقدر يروح هالمطعم هالفتره لي اخر الشهر الا الي عنده دعوه .. وفي ناس يايين مادخلوهم لأن ماعندهم بطايق دعوه ..اكسرو خاطري طاقين درب ومتعنين اخر شي مادخلوهم .. شكلهم كل الي مادخلوهم راحو ( لونوتغ ) :).. وأشكر خالي على هالدعوه الحلوه الصراحه ماقصر عزم كل العايله من اخوانه وخواته وعيالهم وحريمهم .. حتن أهل زوجي عطاهم بطايق.. الصراحه الأكل ابلاش لذيييذ وونس :) لووول .

الجمعة، 23 يناير، 2009

استايلي


اموزعين على السيايير هالموقع حق الملابس والجناط وغيره .. الصراحه عجبني وهو كله ماركات في تقليد وفي أصلي .. اهو موقع كويتي وأحلا مافيه إن تدفعون لمن يوصل البيت .. أنا ماحب أدفع عن طريق الانترنت :)

إضغط هنا لدخول الموقع .

الحياة و الموت ... من وجهة نظري

.... الحياة و العمر خطان متوازيان يفصل بينهما الموت ....هذه الخاطرة تجول في ذهني منذ اكملت 24 سنه و مع نهاية السنة و بداية سنة تجدد السؤال: الى متى ساعيش حياة بهيمية اكل اشرب نوم بدون هدف ...الى متى سيمتد عندي الامل بالحياة ... متى يكون موعد الرحيل ...

انا اعتقد ان الحياة و الموت عبارة عن رحلة لها محطات مختلفة اولها عند انعقاد النطفه بعدها بث الروح والولاده .... و المحطة التالية لا اسميها الموت لان معنى الموت موت الجسد و تحلله و لكن اسميها الانطلاق لان الروح تحرر ت و انطلقة لعالم البرزخ عالم الحصاد على مازرعناه في الارض و بعدها القيامة و الحساب......و النهاية الرحلة والمقصد اما الجنة او النار ..... ما معنى الحياة

الخلاصة و الاستنتاجات الي وصلت لها هي :

  1. التحول من الخوف من الله الى حب الله حب غير مشروط بالعطاء (و اكيد بسألني سائل شلون ما نخاف من الله و الجواب لا تعصيه فقط ) لان الانسان اذا احب و عشق احد ما يخلص يتفانى بالحب و العطايا له و يخاف ان يجرحه بقيد انمله و كيف بانسان يحول هذا العشق لعشق الهي ... فهني عرفت من خالقي.


  2. ان يكون للانسان هدف(شخصي -اجتماعي- عائلي-صحي -مهني-ديني) و يجب ان يكون الهدف مكتوب ليراجعه و يتاكد من تحقق الاهداف المبتغاة ..... فهني عرفت معنى وجودي.

  3. استخدام قانون الجذب و الى اهو النية ان اي عمل انوي ابديه ان تكون نيته خالصه لله يعني... التسليم و التوكل على الله و حسن الظن به فباذن الله....... راح اجذب الاشياء الايجابية و ابتعد عن السلبية....... في حديث قدسي " أطعني ياعبدي تكن مثلي، تقول للشّيء كن فيكون. فهني عرفت معنى الحياة

  4. عش يوم الساعه الدقيقه الثانية عش اللحظة لانها لان تعود .... كما قال الامام علي (ع) "بركة العمر في حسن العمل"....فهني عرفت معنى الوقت و العمر .

  5. اعمل لترك بصمة في الحياة وكن ممن قيل فيهم :وكن رجلا إن أتوا بعده ** يقولون مر وهذا أثر.

....اذن الآن أنا مستعدة للرحلة

الأربعاء، 21 يناير، 2009

18-يناير-2009

مشكورين يا فيونكات ويا زميلاتي بالدوام ولو إنها متأخرة .. مشكورين على الهدية الحلوة بمناسبة عيد ميلادي الميمون .. لووووووووول :)
حبيباتي ما قصورتوا وايد ونستوني ..
واللي صار إنه الجنطة لايقة مع لبسي فعلى طول كشخت فيها ..

البرد




الجو البارد مو مخلي أحد صاحي الكل مريض اللي كحة واللي سخونة واللي واللي واللي يسور حبيبي صار له جم يوم تعبان دعائكم له بالشفا حبيب قلب أمه..

الثلاثاء، 20 يناير، 2009

موسيقى للعقل الباطن


(اولا اعتذر عن طول الغياب لاسباب عائلية )

اليوم يايبتلكم موقع موسيقى للعقل الباطن او الا واعي تساعد هذي الموسيقى على قولتهم على الاسترخاء و تزيد الذاكرة و تساعد على سرعة التعلم و غيرها ... تكتشفونها اذا حبيتوا تدخلون الموقع و بعد في مقالة من احد المنتديات وايد اعجبتني تتكلم عن نفس الموضوع و فيها معلومات مفيدة

شكرا منال

جربت هالشوربة من بلوق ( أطباق سهلة ) للإخت MaNaL واللي شدني لون الشوربة لونها عجيب غريب و حلو ..ولأني من محبين الملفوف البنفسجي فقررت أسويها وجربتها والحمد الله الطعم طلع أحلى مما توقعت بس جنه لون شوربتها أحلى من لون شوربتي بس مو مهم الطعم كان ولا أروع ضروري تجربونها ..وتدرون منال شنو مسميتها ( شوربة البنفسج ) بالإضافة للشكل والطعم واللون الإسم حلو بعد ..
سؤال موجه حق MaNaL : شنو الغلط بشوربتي ؟

أحس الدهن وايد .. ولونها غامج مو على وردي ؟؟ شنو نوع الجبن اللي استخدمتيه وجنه كمية الجبن شويه ؟؟

الأحد، 18 يناير، 2009

مو معقولة ؟؟


مودو معطل صار له أكثر من إسبوع هل يعقل إنه العطلة تبتدي في 1/2 /2009 والناس تغيب من قبل إسبوعين تقريبا ..؟؟

حبيبي فديت خشمه قعدته من النوم ولبسته ودفيته ويلا على الروضة وإذا بالحارس ..لاحظوا حارس الروضة قبل ما يدش مودو قالي : ما فيش ولا طالب يا أستازة ..

أنا : ؟؟؟؟؟؟؟؟؟؟ أي شي شكو تو الناس على العطلة ..

رد وقال : بآ كل سنة وإنتي طيبة وما فيش دوام إلا بعد أجازة نص السنة ..

أنا : أوكي ..بس تو الناس ؟؟

الحارس : إزا كنتي عاوزه تنزلي تكلمي الإدارة تفضلي ..

أنا : لا ..مودو إصعد السيارة ..

حبيب القلب لما صعد السيارة يقول : ماما وديني روضة ثانية ..لوووووووووووول

شكو أنزل اكلم الإدارة شقولهم تخيلوا يعني من عقب عطلة العيد ما دوام مودو أول شي صار في عقنقز عقب راح له يومين وكله ضم لما ما بقى أحد غيره بالروضة ..شنو هذا ولما سألت بنت عمي تقول عندهم بمنطقة حولي التعليمية ( الرميثية وربعها ) دوام عادي وما في أحد غايب يمكن توهم غايبين مو من قبل ألف سنه ..

منو المسئول؟؟؟؟؟؟؟؟؟

الأربعاء، 14 يناير، 2009

اخيرا ..صبغتها

هذي شريتها من مصنع الفخار الي في البحرين ..شهر يناير الي فات ..صار لها سنه ..وانا مادري شنو الونها ..وبما اني امجابلتها ..كل يوم اطالعها ..وافكر فيها ..أبيها اتكون موجوده بالصاله ..وهم اتناسب الالوان الصاله ..وبعد مابي اقطها أذا غيرت الالوان الصاله ؟؟؟
لازم اختار الالوان اتناسب كل الالوان الموجوده والي راح اتكون موجوده ..اتعقدت ؟؟ مابي بيج ما احبه ..أبي اخليها مودرن اشوي مع ان نقشتها او حفرها اسلامي ..تراثي ..بس مابي بحطها في الصاله ..غصب ..حبيتها ..والا احطها ..فأخترت اللون الابيض والرمادي ..وبس الحين أشوفها وجني راضيه عليها مابي أورنشها الحين ..يمكن ازيد لون او ..أغير فيها شي ..بخليها جذي ..اصبح فيها وأمسي ..وأشوف ..شنو ناقصها ..

أحس جذي كفايه ..وله أشرايكم ..ألون الوردات ؟..أزيد الرمادي ..المهم ..صارت حلوه ؟؟أنا حبيتها ..بنام وباجر بشوفها يمكن أغير رايي =)..يمكن أقلبها أسود كلها ..وأحط داخلها ليت أحمر أو برتقالي :/

ااااه يالأزرق


يمعنا بنات العايله ابيتنا وزينا السرداب بعلام الكويت ويبنا الدنابك والدفوف والبواريك لبسناها واسكارفات علم الكويت برقابنا وكبابيس اعلام الكويت هم لبسناها والمكسرات بالطاوله والماي رايح راد من كثر مانشف ريجنا من الصراخ والتشجيع وايدنا اخدرت من التطقطق بالدنابك ووصوتنا راح من التشجيع والأغاني عن الأزوق واعصابنا انتلفت وزهبنا الفومات حق المسيره .. وااااخر شي خسرنا نفس كل مره .. اففف الصراحه يأست يالأزرق والله ضيقتو خلقي .. ماقول الا يعطيكم العافيه عل اللعب .

الأحد، 11 يناير، 2009

موووووووووووووو زين

يا كره دعايات

يا ويلكم إن قلتولي هذي الدعايه حلوه

ليش عبدالكريم يوم دق التلفون ما رد علي ؟؟؟؟

بالله شركة زين من وين بطلع فلوس إذا محنا رادين على التلفون لأن قاعد معانا الزين؟؟؟

الهبة


أنا أتكلم عن الهبه العالميه مو الهبه بالكويت و بس ، قعدنا أنا و أختي نعدد جم شي إنتشر بشكل مو طبيعي و صار من ضروريات الحياة و ما نستغني عنا، و هذا إلي طلعنا في:
1- green tea
2- Spa - المساج
3- polo shirt
4- training
5- cup cakes
6- علم الطاقه
7- الأكل الياباني
أكو شي ناسينا تبون تضيفون على القائمه ؟؟؟

للأمهات ... فقط :)



بعد طوول غياب .. اتمنى أن يكون الكل بصحة و عافية ..
صج الي عندة بيبي ياخذ كل وقته .. تبديل و رضاعة و نوم و يضيع اليوم كامل و انتي امجابلته ..:)
بس يا زينة حبيبي " بيبي حمودي " صار عمرة الحين شهرين و بلش يناغي أقوووو :)
ودى أفيدكم عن شغلة ..
عاجبني سايت " babycenter.com " وايد حلوة و مفيد وايد .. و انا عن تجربة وايد قاعد استفيد منه يتكلم عن الأطفال ..
كل الي عليج انج تشتركين بالسايت .. و أدخلين بياناتج و بيانات البيبي المنتظر أو الي حاليا موجود ..
و بعدها راح يمشى معاج السايت خطوة بخطوة عن مراحله العمرية و كل عمر شنو الأشياء الي يسويها في بداية عمرة
و شنو احتياجاته ..
و اتوقع حق الي عندهم بيبي الأول وايد راح يفيدهم .
أضغط هنا :) .. babycenter.com و انشالله يعجبكم ..

الجمعة، 9 يناير، 2009

إتشوق


و لو إن عندي جنطه نفس اللون بالضبط
بس هم هذي إتينن
ليش يا مارك يا إبن جاكوب تعذبنا بجناطك العجيبه؟
السعر : 373 دينار كويتي
للطلب إضغط هنا

الخميس، 8 يناير، 2009

مخيم عيالي

عيالي الله يحفظ عمرهم يحبون البر بس ما نقدر نروح كل يوم والجو هالأيام بارد نخاف عليهم يعني لو نروح نرجع بسرعة ومن كثر حبهم حق البر أبوهم شرى لهم خيمة من السعودية يوم كان رايح الحج وحطيناها لهم وقالوا بنامون داخلها ومن يومها وأهم مخيمين بالبيت وينامون داخل الخيمة وأنا عيشتهم بالأجواء كل شي لون يعني بر لوووووووول حدهم مستانسين :)

الطفولة حلوة فعلا لحظات لا تعوض في حياة الإنسان لأن مفهوم الفرح يكون لمجرد الفرح وما يكون عشان شي ثاني ...

الله يخليكم لي يا رب ولا يحرمني منكم وبلغني فيكم :)

شفيهم ؟؟ ناقصهم حب ؟

الأربعاء، 7 يناير، 2009

سوق البشوت

البرد هاالأيام ( سحتني ) على قولتهم لسبوع الي طاف كنه في منتزه الخيران كان أبرد يوم الخميس بليل عقب المطر العجيب واليوم الي وراه كان أبرد اوصلت الدرجه عندنا بليل ( 2 ) ثلجنه مهما تلبسون ماتدفون .. الي لابس مليون قطعه هدوم ولي يتمشى بلحافه .. اما احنا كنه لابسين ابشوت ..صج ان خرعنا الأوادم لان بعد كنا متلثمين بس اهي الوحيده الي دفتنا ابهالبرد :) انصحكم تشترون منهم الوانهم حدها عجييبه .. من الأحمر والوردي والبنفسجي والأخضر .. طبعا أنا قاعده أتكلم عن بشوت الحريم مو الرياييل :) راح تلقونهم بلمباركيه في سوق البشوت .

الثلاثاء، 6 يناير، 2009

حلو رجيم دشتي

يقولون رجيم دشتي بس عاد انا جاردينيا مااعرف اسوي اي رجيم ..لازم ابدع واخترع اشياء ..المهم حاولت اسوي حلو حق رجيم دشتي شنو من غير نشويات ولا حلو واي تعبت مع اني صارلي من يوم السبت اليوم رابع بس ههههههه ركضت على الثلاجه وطلعت جبن كيري وكنت ابي جبنه فيلاديلفا بس كانت امخلصه ..وحطيت فوق الجبن اشويه فانلا مع كم قفشه نسكفيه بدون كافايين مع شكر الرجيم وكريمه حمره وخلطهم بالخلاط اليدوي حتى صاريت مثل الكريمه وحطيتها في قلاصات اصغار علشان ما كثر يعني ..وحطيتهم بالثلاجه ..ابصراحه طعمهم مثل جيس كيك بس بدون كيك يعني جني ناسيه احط الكيك =) وبس ومادري اصير ولا بس هذا حلو رجيم دشتي

الاثنين، 5 يناير، 2009

الساعه جم ؟


يوم السبت رحنا الصالحيه عشان امي بتغير سير ساعتها ، غيرت السير و قالتلي إختي لبسيها مو إنتي قلتي تبين ساعه صغيره ، إي و الله صح صارلي فتره اقول لهم أبي أشتري ساعة الهنديه إلي ضعيفه وما تنشاف من صغرها ، عشان ما تصير ثقيله على إيدي ، ما قمت ألبس ساعه و السبه جذي. إستانست لما أستوعبت إن عندنا شي خفيف و لبستها و أنا أقول حق امي : شكرا يا ماما ....بعد فتره اطالع الوقت إلا الساعه 6:15 ، ، سألتهم الساعه جم ؟ قالولي 12:45 ، عدلتها و مشينا ، أرد أطالع الوقت إلا ليما ألحين الساعه 12:45 لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا ما تهنيت فيها ، الساعه باتريها مخلص ، و المحل صك ، منو له خلق يروح الصالحيه مره ثانيه . آآآآه ما ستفدنا مودينها.
المهم أنا فتاة الأفنيوز ، أكو محل شوبارد هناك عشان يركبولي بارتري ؟ بدال لا أرد الصالحيه ؟؟؟

و أنا قاعده أسنع داري ...




لقيت هذول الاوراق بين صفحات وحده من المجلات إللي كنت بقطهم :)
أول ما رسمت حق البلوق ، كنت قاعده أجرب شلون بكون شكل البنات مع الفيونكات

الأحد، 4 يناير، 2009

عندنا بيبي متوه


حبيبي فديت خشمه يسورو صاير كل ما أحد قال كلمه يردها وراه جنه بيبي متوه ..والله قبل كنا نترجاه يتكلم وكنت خايفه عليه إنه ما يتكلم ليش إنه وايد تأخر بالكلام غير أخوه مودو اسم الله على عمره تكلم وايد مبجر مع إنه البجر والأول فتوقعت يسور يتكلم ليش إنه عنده أخوه يسولف معاه بس مودو الله يهداه حبيبي كله يكلمه مو عدل يعني كلام صغار وكل ما أقول له كلم أخوك عدل ما يسمع يعني يكون أهو العود ..

بس ألحين حمد الله انطلق وكل شي قام يقول وسوالفه تينن الله يحفظ عمرك الظاهر إنه كان يخزن وبس أو إنه المصاصة أحد العوائق..

الله لا يحرمني من سوالفكم يا عيالي يا أحلى واغلى شي بدنيتي ..:)

الجمعة، 2 يناير، 2009

خليه نحل


اكتشفنه ان عندنا ابحديقتنه خليه نحل :) حدي استانست لأني أول مره اشوف خليه بالصج وحدي خفت لأن اخاف من النحل .. عندكم فكره اشلون انطلع العسل منها ؟؟