ذاك الاسبوع رحت منتجع هلتون البدع فسويت جلسه مساج حق اريولي وكان الزيت المستخدم رحته حلوه وقالتلي الممسجه انه طبيعي واريح الجسم ويعطيه نعومه ..اي هذا الي ابيه مع الصيف والحر الجسم كله ناشف ماكو الا ازيته دايما علشان يترطب . وانا طالعه من السبا مريت على المحلات التابعه للمنتجع فشفت هذا المحل ..للعنايه بالجسم فقلت خلني ادخل واشوف 
زيت بريحه الورد وخاص حق المساج بعد ..وحتى اتزيتين فيه بعد السباحه عادي ولا يضر اقعد فيه بس طبعا بكميات قليله مو كثيره مو مثل لما اتحبين تتمسجين فيه . اصراحه استخدمته للمساج للريولي خاصه ..وادهن فيه جسمي شنو وناسه لمعه والجسم رطب انزلاقي ياسلام ..حبيته .
وبعد في اشياء حلوه وايد هذا المحل منه معطرات للسياره والكبت والغرف وبعد الي استانست عليه اكثر في ماء معطر للئوتي البخار اتحطينه بدل الماي وتطقين ملابسج بالبخار المعطر .. حبيت ريحه الياسمين قويه ومنعشه ..وطبعا اشياء وايد اكريمات وصابون وورد مجفف وشموع وكريمات حلاقه للرجال ..طبعا كل شي طبيعي ومعطر ..لازم اتروحوله وتعيشون جوى الطبيعه .(خوش دعايه للمحل )
هناك تعليق واحد:
شوقتيني لازم أروح .. على جم جلساتهم :)
إرسال تعليق