أمس يينا من فندق ومنتجع ( سيشل ) .. ( كمبنسكي سابقا ) الصراحه وايد حلو وستانسنا .. شاليهنا كان يطل على الحمامات السباحه .. والبحر كان ابعيد عنه اشوي.. بس حسافه ماتسبحنه بالبحر والا ركبنه الجتسكي والا الموزه .. لأن كان اغبار يوم اليمعه والسبت وهوا .. بس اتسبحنه بالحمام السباحه .. وعندهم صاله العاب فيها بلياردو وتنس طاوله والعاب فيش .. وريوقهم كان حلو ..وفي بعد حمام سباحه خاص للحريم امسور وفي جاكوزي بعد .. وفي قاعه اجتماعات امسوينها سينما بس مارحنه .. وعزمنا كل خالاتي وعيالهم يوم اليمعه وشوينا وستانسنا وخليكم مع الصور .
شاليهنا اسمه ( الجود ) يعتبر اكبر شاليه فيه 4 غرف نوم وغرفتنا كان فيها جاكوزي :) + غرفه خدم + ه حمامات + صاله + مطبخ + غرفه طعام
حمامات السباحه
البحر
حمام سباحه الحريم فقط
المطعم
هناك 11 تعليقًا:
ماشاء الله واضح انها رحلة رائعة
بالتوفيق يارب
عليكم ابالف عافية
عاد حسافة اكيد الغبار عفسكم
بسالج انا كنت ناوية احجز بس استغربت انه نفس اسعار كمبنسكي على اي اساس
اهما اسحبو منهم الوكاله عالاقل ينزلون اسعارهم
مادري اذا هالصيفية نزلو اسعارهم او لا
تقدرين تقولينلي ابجم خذيتو الشاليه؟
ما شاء الله وايد حلو
والجو بعد شكلة زين ليش اسمع يقوولون كلا غبار عيل؟؟
:(
بس عليكم بالف عافية
:)
عليكم بألف عافية حبيبتي شكله يشوق الشاليه ....:)
عادي يدخلون كاميرا عند مسبح الحريم :)
جوي : احنا خذينه هالشاليه اب 280 بالويك اند ,, والايام العاديه أرخص اب 10 د.ك .. بس هالسعر احنا ماخذينا ابخصم من الجامعه عن طريق امي يعني بدون خصم 350 د.ك تقريبا .
منال : الجو أول يوم ( الخميس ) كان وايد حلو .. والجمعه والسبت كان اغبار بس مو وايد اشويه لأن المكان صاد وفي شير فيمسك الغبار مو نفس مكان مفتوح .
ام مود : اي عادي قاعده اصور وماقولولي شي :)
صج تعالي فاتو..شنو ماكو أحد أشوف المسبح فاضي حده :)....؟؟؟
ام مود :
كل البنات قاعدين ياخذون ( تان ) :)
عليكم بالعافية
احنا صارلنا 4 سنين كل صيف نروح
وايد حلووو وهادي
بس هالسنة مع الاسف تأخرنا بالحجز ولما راح الوالد قالوله فل لي اخر 8
إرسال تعليق