الأربعاء، 18 يونيو 2008

2008/6/13-17..وصلنا بالسلامة

بيت الله ..الله يكتب حق اللي راح واللي ما راح زيارته :)
شفتهم بالطريج وعجبوني وصورتهم لكم :)


رفيقنا بالطريج على الله وعليه أهو اللي ودانا ويابنا :) حمودو بالإحرام
من التعب شلتهم من الفراش وغاطين بالنوم طبعا عمرها ما صارت :)
حلم وتحقق
وقت اللعب ترست لهم البانيو وهات يا لعب وطبطبه :)
توني أدري إنه المدينة المنورة ومكة المكرمة مكان خاص خاص وما يدشه إلا المسلمين بس ما في أحد إجيك على الديانة:)قبل ما ندش
هذي صورة فندق أنوار المدينه موفنبيك

وهذي صورة فندق زمزم جراند وقعدنا فيه ليلتين مرتب وحلو والأهم إنه بوسط الحرم :)

رحلتنا حق العمرة وايد كانت حلوة صج متعبة بس تعب حلو ولذيذ..يوم وصلنا عند الرسول صلى الله عليه وآله وسلم كل التعب طار وراح وصلنا هناك على العصارى طبعا إحنا حركنا من الكويت الفير..المهم عاد قعدنا بالمدينه المنوة ليلتين سكنا بفندق ( أنوار المدينة موفنمبيك )حلو الفندق وقريب وايد على الحرم ...عقب شدينا الرحال ولبسنا الإحرام وتوجهنا حق الميقات وأحرمنا وركبنا السيارة وعلى مكة المكرمة على طول وصلنا هناك على المغربيات وحجزنا كان بفندق ( زمزم جراند ) ننزل ولا إحنا بالحرم ...وماكو من وصلنا صلينا وخلصنا لبست الكتاكيت إحراماتهم بس يسور مو راضي كل ما ألبسه رد فصخ المهم ما لبست يسور بس حمادي و رحنا تعشينا وعقب رحنا بيت الله وهذي كانت اللحظة الحاسمة حق مودووووووش شاف بيت الله واستانس وكان قايل لي إنه أول ما بشوف بيت الله بصلي بس إحنا خليناه يطوف قبل... عاد الحمد الله طفنا وصلينا وسعينا وطفنا وصلينا ما كان وايد زحمة حمادي ويسور تضايقوا شوي مو متعودين على المدازز بس الحمد الله ..أما ياسر نام بالطواف الأول أبوه شاله أول شي و بعدين أنا شلته تشلخت وانكسر ظهري عاد عقب ما خلصنا من الطواف الأول أجرنا لهم كل واحد عربانة وزوجي العزيز يدز وحده وأنا وشغالتي تناوبنا على وحده الحمد الله يوم خلصنا قلت واي صج ما أصدق توقعت صعوبة أكثر بس الحمد الله السهالة من الله ...وطول الوقت كنت مصبره نفسي واللي معاي بالجملة هذي ( الأجر على قدر المشقة ) ويا محلاها من مشقة وصلنا واعتمرنا يارب لا تحرمنا من زيارة هذه الأماكن الشريفة ..طبعا هذي بعض التفاصيل والله يتقبل :)

هناك 18 تعليقًا:

joy يقول...

تقبل الله طاعتكم وغفر الله ذنوبكم وقبل الله دعواتكم وجعلها مستجابة


الله يهنيكم

غير معرف يقول...

فرق بين موضوعج وموضوع الي تحتج

Noor يقول...

:)

تقبل الله طاعتج
و حمدالله علي السلامه

والله يهنيج إن شاء الله

Mr_CHoCoLaTe يقول...

الحمدلله على السلامه

و تقبل الله

و ان شاءالله الله يكتب لنا العمره هالسنه

master يقول...

ولهنا عليك يا أم مود

fatto يقول...

عمره مقبوله حبيبتي سامحيني انا من زمان مادشيت البلوق فما أدري انج ييتي من يومين .. عالعموم حمدالله على سلامتكم حبايبي .. والحلم الي كان حمود يحلمه تحقق والحمدالله :) والفال لنا انشاءالله .

Om MoD يقول...

joy :

مناومنج حبيبتي ..ويسمع منج الباري..والفال لكم يا رب :)

غير معروف :

؟؟؟؟؟؟

noor :

نا ومنج حبيبتي ..والله يسلمج ..والفال لكم يا رب ..

mr_chocolate :

الله يسلمك ..منا و منك..إنشاء الله يكتب لكم عمرة وحجة يا رب ..:)

master :

توله عليج العافية حبيبتي وأنا أكثر :)

fatto:

حبيبتي منا ومنج ..مسموحة يا قلبي ترى أنا توني واصلة أمس ..يعني ما تأخرتي ..وأدري فيج راعية واجب وما تقصرين ..والفال لكم يا رب ...وعلى قولتج حلم مودو تحقق:)

rajjal يقول...

الحمدلله على سلامتكم ... و عمرة مقبولة انشالله .

جاردينيا 2000 يقول...

تقبل الله طاعتج ..وحمدالله على السلامه عقبالنا

stella يقول...

الحمدالله على السلامة وتقبل الله طاعتكم وإن شاءالله يحجج حمود وتشوفينة ترس هدومة وماسكج ويطوفج الكعبة

Om MoD يقول...

مشكورين كلكم ومن ومنكم قبول الأعمال يا رب والفال لكم يا رب :)

kAiKa-MGroMa يقول...

welcome back ya 7lween

taw ma nawarat l kuwait ;]]]]

:***

snow يقول...

تقبل الله طاعتج والحمدالله على سلامتكم.
والله لج وحشه يا om mod :)

غير معرف يقول...

تقبل الله وانشاء الله الفال لنا انروح بيت الله مافي احلا من هالسفرة راحة وعبادة في نفس الوقت

sun shine يقول...

تقبل الله و حمدلله على سلامتكم

Pink GirL يقول...

تقبل الله طاعتكم
والحمدلله على السلامة

Pearl يقول...

الف الحمداللة على السلامة .. و تقبل اللة طاعتج حبيبتي .. حدى ولهانة عليج .

Om MoD يقول...

تسلمون حبايبي كلكم..وأنا وايد ولهانة عليكم يا فيونكات :).....وكل من قال لي تقبل الله أقوله منا ومنكم والفال لكم كلكم ولنا إحنا بعد ...