الأحد، 22 يونيو 2008

وشاح

أنا و إختي من النوع إلي ما نحب نلبس لفات ملونه ، كله أسود ، نحس الواحد يالله يركب له لبس ، بعد أفكر باللفه ، وااااي عباله ، بس السنه قررنا إن نغير ، لازم نبتدي نلبس ملون . صعب والله صعب ، فقلنا خل نبتدي بالألوان الساده و الهاديه مثل ( البيج ، الرمادي و الأوف وايت ) و لي يكون لهم ويهين (ملوت my fair lady) أمي تعرف بيت يبيعون في هذوله اللفات ، و تقول من كثرهم ما تدرين شنو تشترين ... ورحنا ، البيت بالجابريه و لمه وصلنا إطلعت إعيونا ... صج ما تدرين شنو تشترين ، يفتر راسج ... طاوله جبيره متروسه لفات من جميع الألوان . هذوله اللفات إلي خذيناهم بـ 13 دينار .




و غير الطاوله أكو كراسي كله عليها اللفات إلي فيهم ستراس ، حتى لفات حناين عندها .

البيت بالجابريه قطعه 5 شارع 2 منزل 37

إسم المحل (وشاح)

رقم التلفون : 9102828 أو 9360328

ترقبوا يا فيونكات التغيير

هناك 9 تعليقات:

kAiKa-MGroMa يقول...

امبيييه ما تصدقين تونا انا وامي بالجمعيه شفت وحده لابسه شيله عجبتني ( نفس آخر صوره انتي حاطتها اللي لونها رمادي) قلت بروح اسألها بعدين تفشلت .. وعيزت رحت محل الشيلات اللي بالمرينا والفنار والمثنى مو لاقيه نفس اللي بخاطري .

يااااي امبيه فديتج مشكوره مشكوره انا حدي استفيد من بوستاتج كل ما يخطر شي على بالي واكون محتاره من وين اييبه .. ادش بلوقكم القاج حاطه جنج تسمعيني :**

بس الساعه حدي توهقت ماعرفت شلون اطلبها لما ترجع أم مود ضبطيني :*.

master يقول...

كيكه مقرومه:
وناسه أحد يستفيد من بوستاتي
روحي كيكه و راح يدور راسك من الأشياء إلي عندها شي مو طبيعي و أظن هذوله إلي عليهم ستراس أسعارهم حول الـ 37 دينار

kAiKa-MGroMa يقول...

اي والله ماستر :>

صج زينه اسعارها نفس stylish corner اللي بالمرينا ..

معنه شيلاتها احلى وفي ألوان وايد وفيهم ستراس اكثر.

"صج سوو يوم اسمه new look وخل كل وحده تغير بنفسها شي P:،بعدين صوروا أهم شي"

sun shine يقول...

انا اعرف صاحبة الوشاح انا متعامله معاها من 3 سنين و عندها عبي وايد حلوه بعد وشي عدل

sun shine يقول...
أزال المؤلف هذا التعليق.
Pink GirL يقول...

بنت خالتي تشتري منها من فترة ولفاتها مشاء الله كل وحده احلى من الثانية
من زمان اقول بمرها بس ما الله كتب بس الصور شجعتني بصراحه

مشكورة وايد ماستر كنت ادور لفات وذكرتيني وشوقتيني :)

Pearl يقول...

عن تجربة .. من صج أي لون راح تلقين عندها . في احترت ادور لون يمشى مع بدلة عندى أمبيه .. بس رحت اهناك طارت @@ من كثر الألوان :)
نصيحة روحو و شوفو .

|:| DUBAI |:| يقول...

La Chee Ybaalha Safra le Q8

!!

master يقول...

Dubai:
ya7ya allah bhal dubai