طالعوا شنو إكتشفت في كاميرتي

أنا كلش ما قلت لكم عن كاميرتي إلي طلبتها من الـ Amazon . الصور في البوستات إلي طافوا من جم أسبوع كنت مصورتهم بهذي الكاميرا . الصراحه أنا ما عجبني تصويرها ، مو وايد واضحين ، توقعتها أحسن من جذي على بونه canon K مو sharp . بس إلي يغفر لها حجمها ، حجمها وايد زين ، تفي بالغرض (كاميرا صغيره و تصور على الماشي ) لمه أحطها بالجنطه ما تاخذ مكان و له أحس إنها ثقيله .

إكتشفت فيها و انا أقراه دفتر التعليمات إن فيها شي إسمه color swap ، أول شي ما فهمته بس لمه تعبثت فيها إستوعبت شنو قصدهم . ثبتوا الصوره إلي فوق ، هذي صوره حق عيال خوالي ، إلي على اليمين عبودي ( تي شيرت برتقالي ) و اليسار بدوري (تي شيرت أزرق ). أوكي ؟ ألحين في الصوره إلي تحت بتشوفون ثنينهم لابسين أزرق :)

هذا إلي إسمه color swap وهو إن تقول حق الكاميرا بدلي اللون البرتقالي بالأزرق ... شي عجيب ، طبعا و لمه يبتدي الإكتشاف ، يبتدي معاه اللعب ... شوفوا الصورتين الثانين :)

تره أكو بعد مميزات ثانيه ، بس بخلي كل ميزه في بوست . بعد ما كملت دفتر التعليمات يمكن لما أكمله ألقى في أشياء ثانيه ما أدري عنها ، و كل شي يديد بقولكم عنه .