الأحد، 29 يونيو 2008

المشهد الأول من رحلة مشهد :)





طيارتنا كانت الساعة 8 صباحا يوم السبت 21-6-2008 ..وايد عجبني وقت الرحلة قلت عشان ناخذ اليوم بطوله وما يكون ضايع علينا بس للأسف الورعان خربوا كل شي ..خليتهم ينامون الساعة 9:30 عشان يشبعون نوم بس تجري الرياح بما لا تشتهي السفن جنهم حاسين إن وراهم سفر قعدوا الساعة 12 بالليل توني حاطة راسي بنام جان يفزون وبجي وحالتهم حاله يبناهم ينامون عندنا قلنا لو شوي بس إنام بس ماكو مو راضيين يبون يقومون ..قام أبوهم مسكين معاهم وقعد بالصالة ألحين يدوخون شوي ينامون لا صار الفير والحلوين قاعدين قمت لبستهم وريقتهم وإحنا بعد لبسنا ويلا على المطار أول ناس وصلنا الساعة 5:30 الفير حتى قبل راعي الحملة ..طبعا كان شي حلو إنه أحنا اول ناس لأنه صار لويه بعدين وناس وايد ، بس تعبانين وفينا النوم واليهال يتسببون على أي شي لأنه فيهم النوم وماكو رحنا تريقنا أنا كليت من ستاربكس وزوجي العزيزو اليهال من دجاج نايف ( يقول ريلي إنه صمونة البيض عندهم حلوة ) المهم أنا ريوقي كان ( فربتشينو كارميل + مازورولا بانيني بالعافية على قلبي ) .وماكو رحت بشتري حق اليهال دوا حق اللوعة قالي الدكتور مخلص إخذي لهم دوا حساسية عشان ينامون .أبوهم ما رضى وقالي أهما دايخين وراح ينامون وعاد صج من ركبنا الطيارة يدوب طارت أثنينهم حاطو راسهم وناموا ..وللحديث بقية :) شفوا الصور

هناك 6 تعليقات:

kAiKa-MGroMa يقول...

loooooool

حلات المشاغبين

Mr_CHoCoLaTe يقول...

ههههههههههههه

ماشاءالله يحليلهم

ذكرتيني بعيال اخوي نفس اللبس دايماً

و هذا بو مصاصه لا تعودونه اسم الله عليه

نفس ولد اخوي المصاصه ما تفارق حلجه اسم الله عليه هي هي

ليش ما رحتوا ويا حملتنا هي هي

عليكم بالعافيه

عاد أي طيران انا قبل دايماً اما آسمان وأما الايرانيه علشان يفرون براسناخخخ

باي

غير معرف يقول...

رحلة مشهد على طيران آسمان من السبت للسبت شامل الأقامة بالفندق مع الصبحانه بمبلغ 114 دينار .

خدمة آسمان وايد زينه ومتساهلين بالوزن خاصة عند الرجوع للكويت .
بعكس طيران الجزيرة وايد يتشددون بالوزن عند العودة للكويت حتى الهاند باك يوزنونه .

زيارة مقبولة وخوش آمديد

Om MoD يقول...

kaika-magroma :

شفتي عيال إختج شسوين :) محروسين من العين يا رب :)

mr-chocolate :

لله يسلمك ..عاد أنا ما أحب ألبسهم نفس الشي بس حمودو هالأيام كله يقول لي ليش مو شاريه لي نفس يسور من جذي قمت أشتري لهم نفس بعض ...كبروا وقاموا يتنون بعد محروسين يا رب ..وبالنسبة حق المصاصة دامه يمصها ويريح ويرتاح خله يمص وبالسفر زاد المص لأنه كله مقعدينهم من النوم ومو شبعانين :) ..

وشنو حملتكم وعساهي زينه بس والله إحنا ارتحنا مع الثقلين :)
واللع يعافيك ..طيران الجزيرة :)

غير معروف :

يمكن آسمان أحسن من الجزيرة بس أنا كان ودي أجرب طيرانهم بس استغربت طيارتهم تتخضخض وايد ..وعلى الوزن معاكم حق خذوا منا مع أنه ماكنا شاريين شي ..

fatto يقول...

وااااااي حتن وهم نايمين اشوقون بسم الله عليهم :)

Om MoD يقول...

:)


بعد عمري فاتو مشكورة..