الأحد، 29 يونيو 2008

ما أحلى العودة للوطن :)

في انتظار صعود الطيارة

في البداية ..ولهانة عليكم وايد يا فيونكات وحدي ولهانة على البلوق من أول ما طبيت الديرة وأنا أقول يا ربي شكثر البوستات اللي ما قريتها شمسوين الفيونكات بالبلوق وشلونه بدوني :) ؟؟؟؟..

أمس الظهر وصلنا بالسلامة من إيران وبالتحديد مشهد المقدسة الساعة 2:03 ظهرا على طيران الجزيرة وهذي الرحلة كانت الثانية عشان حبيب القلب محمد كان وده يروح يزور الإمام علي بن موسى الرضا عليه السلام وما خليناها بخاطره بس أهو دايما حاط في باله إنه بروح ويشوف شخص يدامه أحس يضيق خلقه لما يوصل لحد المكان وما يشوف غير القبر الشريف يعني مثلا لما رحنا المدينة المنورة كان متشوق ويشوف رسول الله صلى الله عليه وآله وسلم ولما وصلنا يسأل أبوه وينه أبوه قاله نايم طلع وقالي يماه أنا رحت بس أهوا كان نايم ولما رحنا عند الإمام نفس الشي تدرون شنو قال يماه اهوا كله نايم قلت حبيبي والله إي يمه بس إنت سلم عليه ويوصل سلامك حقه :)...الحمد الله هالسنة توفقنا برحلتين لأماكن مقدسة والفضل يرجع حق توفيق رب العالمين وحق محمد المشتاق حق هالزيارتين .. ( اللي يحب يشوف رحلتي الأولى )

إنشاء الله بوستاتي الياية راح تكون عن رحلتنا حق مشهد ..مدة الرحلة كانت أسبوع من 21-28 /6/2008 برفقة حملة الثقلين..

ما أبي أقولكم طبعا شتان بي الجو هني وهناك روعة جوهم بارد وحلو وشحلات التمشي بأي حزه ..بس مثل ما قلت لكم ما أحلى العوده للوطن ..ولو درت الدنيا ولفيت ما ألقى مثلج يا بلادي :) أحبج يا كويت :)

هناك 11 تعليقًا:

Mr_CHoCoLaTe يقول...

عليكم بالعافيه

والله بخاطري اروح من زمان مو رايح

اذا حصلت فرصه مناسبه هالصيف ان شاءالله نكون مناك

و الحمدلله على السلامه ^_^

باي

Om MoD يقول...

الله يعافيك ..وإنشاء الله ..الله يكتب لك زيارة وتحصل لك فرصة.. والله يسلمك ..:)

kAiKa-MGroMa يقول...

welcome back om-mod @@

w taqabal allah :] w7ashtoona

oo w7shtna sowalefch .. shno '3dakom? :P

غير معرف يقول...

الحمدلله ع السلامه
وتقبل الله زيارتكم ..لغريب طوس أنيس النفوس...
ماقلتينا قبل لا تروحين نقلدكم الدعاء :( مستر كاكاو اذا رحت لا تنسانا بالدعاء

جييرز ......
محبه ومتابعه لكم :)

master يقول...

طالع !!!!!
انا مادري إن بتروحين مشهد ... طول هذي المده عبالي إنتي بالكويت ، و انا أدززلج مسجات ، و أقول ( إي ما ترد على بونه إجازه مالها خلق سوالف الدوام )
على العموم الحمد الله على السلامه

Om MoD يقول...

kaika magroma :
مشكورة حبيبتي ..والله يسلمج ..

غير معروف :

حبيبتي ..كنت حدي لاهية ما قدرت بس إنشاء الله كنتوا مشروكين لأني دعيت حق الكل اللي أ‘رفه والللي ما أ‘رفه يعني جميع المؤمنين والمؤمنات ..إي صج مو تنسانا مستر جوكليت :).

master :

صج والله ..انا عيل حق شنو ماخذه إجازة ..قلت لكم بس إنتي الظاهر ناسيه ..ما عليه ..الله يسلمج حبيبتي وراجعة لكم في القريب العاجل كلها يوم وبداوم :(

sun shine يقول...

el 7emdellelah 3ala el salamah oo tagabal allah

Mr_CHoCoLaTe يقول...

ان شاءالله ما ننساكم بالدعاء ^_^

Om MoD يقول...

sun shine :

الله يسلمج حبيبتي ومنا ومنج :)

mr-chocolate :

اي وانا ابي دعاء خاص حقي وحق عيالي :)

fatto يقول...

واااااااااااااي ولهااااااااانه عليييييييج وااااااااااااايد :) حمدالله على سلامتكم .. لازم لازم اشوفج .. احس ابي المج :)

Om MoD يقول...

وأنا اكثر حبيبتي ..اليوم داومت والداوم ما يسوى ما في أحد حدي ضاق خلقي ...يالله نشوفكم على خير الايام تركض بسرعة :)