الثلاثاء، 3 يونيو، 2008

شكرا صديقاتي الفيونكات

اليوم عيد ميلادي ال ( 26 ) وفاجئوني بنات الدوام بعيد ميلادي .. وكان العيد ميلاد وااايد حلو والصمونه العملاقه الي يايبينها لي أحلا .. من داخل امقسمه 4 أنواع ( جتني + بيديان + جبن أبيض + حلوم ) .. وشكرا يا فيونكات على الهديه الجميله الي اهيا ( بوك ) الصراحه وايد استانست لأن بوكي انتهت مدته :). ورفيجتي ( ام علاوي) يابتلي دعوه حقي وحق زوجي في منتجع النخيل ( عشاء أو غداء) وفكره الهديه واايد حلوه .. وشكرا يا ( أم علاوي ) ... وموبس الشكر حق الفيونكات حتن حق ( ام حسين نور العين + ام علاوي+ ام زهره + شاين) ..

ملاحظه : الي يبي يطلب الصمونه العملاقه يدق على 6930796 اتوصل ليل البيت

هناك 12 تعليقًا:

kAiKa-MGroMa يقول...

كفو صديقاتها و نِعم الصداقه :>

توا توا دقيت على ام الصمونه العظيمة مسكره جهازها .. عاد باجر الريوق علي ومحتاره شطلب لهم .. عجبتني فكرتها يديده مدرستنا يحبون هالفناتك ..

بجم؟
وتكفي شكثر تقريبا؟؟
واذا عندج اقتراح مطعم حلو (غير سباقو ومنجيرو) حق ريوق اكون شاكره لج :>.

fatto يقول...

(يا كيكه) هالصمونه العملاقه تكفي حق 30 شخص .. الي بالجبن 20 د.ك واللحم 22 د.ك .. وفي 25 د.ك بس مربعه مو دائريه .. وأعتقد ماستر راح اتحط المنيو بالبلوق .. لأن عندها بعد ساندويشات وسلطات . والطللبات تكون قبل الموعد ب 24 ساعه .. والحد الأدنى للتوصيل 5 د.ك ورسوم التوصيل 1 د.ك

fatto يقول...

يا كيكه بالنسبه حق الريوق والله يمدحون مطعم اعتقد اسمه ( خضر ) مادري تأكدي منه جنه ابحولي .

kAiKa-MGroMa يقول...

حبيبتي مشكوره وايد وايد فاتوو يعني راحت علي :\ ..

خلاص باجر اخذ رقمهم من البداله وادق اسئلهم شنو عندهم واطلب .

joy يقول...

حادي بادي يويو
حادي بادي يويو
حادي بادي تو فاتو
حادي بادي يويو












كل عام وانتي بخير وبصحة وسلامة انتي وعائلتج الكريمة

fatto يقول...

مشكوووره جوي وايد :) لووول

Om MoD يقول...

تستاهلين أكثر يا fatto :)

fatto يقول...

والله اني أحج يا ( أم موود )@_@

fatto يقول...

طلبي يا ( كيكه ) وقوليلنا اشلون المطعم .. لأني ولا مره ضقته :)

snow يقول...

حبيبتي fatto تستاهلين كل الخير وانت وحدة غاليه على قلوبنا يالحلوه :)

kAiKa-MGroMa يقول...

فاتو حبيبتي ما طلبت ..

تدرين من وين طلبت لهم ؟؟

دومينوز بيتزا .. لأنه المُدرسه الوحده=أسد ..

يعني سوالف فلافل وبيديان ما توفي معاهم لازم شي في شراسه .. انشالله نطلب يوم يمعتنا أنا وأم مود لول .

fatto يقول...

لووووول ضحكتيني يا kaika