من يومين كان ودي اني أرجع أيام الطفوله .. اني اكل من hungry bunny الأصلي .. فوداني زوجي السعوديه ( الخفجي ) عشان انتعشى منه .. كنت حدي مستعيله اني اوصل عشان أذوقه وتذكر وحنا يهال لمن انروحه في كيفان :) .. المهم وصلنا تقريبا الساعه 12 بليل وكانو السيايير الي سافطين أغلبهم لوحاتهم ( الكويت ) كلنا طاقين درب عشانه .. طبعا في بابين واحد للشباب وواحد للعايلات .. طلبت أنا همبرجر بالمشروم وزوجي همبرجر بالجبن .. ورحنا اندور طاولات ويلا مافي طاولات .. طلع كباين !! حدي استغربت بس تذكرت اني بالسعوديه .. ويت اللحظه الي راح ارد فيها أيام الطفوله .. كليت قرمه من الهمبورجر وانه امغمضه عشان استمتع بالطعم .. وفجأه .. ما قدرت أبلع القرمه .. ويييييييييييييييع طعم الهمبورجر ( خروووووف حي ) لاعت جبدي موحلوه معنها مستويه الهمبورجر.. وريلي عطاني مالته قال اخذيها وعطيني مالتج .. ونفس الشي موحلوه .. ظاق خلقي :( طاقين درب عالفاظي.. كليت بس البطاط وهو عنده مافيهم شي كلاهم ثنتينهم ( مادري اشلون ) معني مو أول مره اكل منه بس هالمره .. الله يزيد النعمه ( جان زين مافكرت بأيام الطفوله )
هناك 8 تعليقات:
لووووووول حده..بس ما عليه غيرتوا جو :) شوقتيني ودي أروح بس طبعا ما راح أطلب اللي أقصده الكشتة حق الخفجي شكلها حلوه :)
اي وناسه .. لازم اتروحين وخذي اليهال معاج راح يستانسون .. ودوهم البحر في العاب وسحلاقيات حقهم :)
وسحلاقيات ....لووووووول ..أهم شي
صج والله توني أدري ...وترى إسمهم زحلاقيات :)
لوول
ضحتيني فاتووو عاد خروف حي مره وحده
جان جربتي الارنب الجائع التقليد اللي بحولي خواتي يمدحون الجيكن فيلية مالتهم :)
عاد كنت ناويه اروح مع ريلي هالويك اند .. بس عقب اللي قريييته هونت
لو الحميضي يفكر شوي و يعيد افتتاح الأرنب الجائع السابق صدقوني راح يربح
بس ما ادري شنو اللي مانعه
و عارف شنو الطعم اللي كليتيه لان في مطعم بالكويت نفس القصه لول لحمه طعم خرفان هي هي
ur kidding me
@@
going 2 '7afji fot a hungry bunny meal
i will never do it
ur cool walla
:)
LooooooooooL
yAAAAki 5aroof 7ay=ta3beer balee'3 7sait 63am e9amona 6ali3 mn e9ora wl kelma :P
إرسال تعليق