موقف يخرع و يضحك بنفس الوقت

أمس كنا أنا وزوجي رايحيين السينما بليل متأخر يعني الفلم كان بادي الساعة وحدة بليل يعني ما خلص الفلم إلا الساعة 3 الفجر و على ما وصلنا البيت ... المهم واحنا تونا داشين البيت عند باب السكة انا مالي خلق أمشي والله العظيم ان من كثر ما انا مالي خلق أمشي غصب اشييل ريولي من الأرض .. انا ماشية وجدامي بمسافة طويلة زوجي احنا الحين دشينة الحوش وزوجي قاعد يبطل الباب عشان ندخل البيت , و انا قاعدة أمشي ما سمعت إلا صوت يقوول (اممممممم) انا بس سمعت الصوت أصلا ما شفت وراي ركضة سيييدة داخل البيت صرت أسرع من لفشقة لووول و أول ما دشييت سكرت الباب وراي أهوة الباب شفاف من زجاج مزخرف يعني يبين بس خيال الي برة المهم يوم دشيت و سكرت الباب ما شفت الا خيال أبيض طق الباب وراح بسرعة شنو هذا ما ادري ؟؟ ... المهم لا تشوفون شكلي و انا منحاشة مكبرة خطوتي بس ابي اوصل داخل البيت والله ان انا ما حسيت بنفسي إلا داخل البيت لا و الي ضحكني أكثر وييه زوجي اشلوون اخترع و دش داخل قبلي و اهوة يقوول انا ما اخترعت من الصووت اخترعت منج شلوون ياية تركضيين لأن اهوة حاط في بالة انا مالي خلق أمشي غصب قاعدة أمشي يقوول بس لفيت ويهي ولا انتي عندي يقوول شلون وصلتي عندي بسرعة ما أدري لووول ..... المهم ليما استوعبنا الوضع طلعنا برة الحوش بنشوف شنو هذا الي طق الباب و راح يوم نطلع ولا ماكو احد و الحووش فاضي و صخة ,, يوم ما لقينا احد صعدنا شقتنا و احنا ميتيين من الضحك على شكلنا و نفس الوقت قاعدين نفكر شنو هالشي الي طق الباب و راح و بعد عشر دقايق من المشاورات رن تلفوون ريلي ........ تتوقعون منو ؟؟؟؟؟

تدروون شنو آخر شي طلع هالصووت لوول ....هذا زوج عمتي كان قاعد يخرعنا و اهوة نفس الي اتصل علينا تلفوون قاعد يقوول شنو هالدبجة (هالركض) يسوي نفسة برئ أول ما اتصل لووول ...... بس اخترعت خووش خرعة :) .