الخميس، 12 يونيو 2008

وأخيرا :)

تذكرون يوم أقولكم بروح العمرة صار وقتها أتوقع حمودوه يقول وأخيرا :) حبيبي عيز وأهوا ينطر إنشاء الله بعد ساعات قليلة بنحرك ونروح ..الرحلة راح تكون بالسيارة إنشاء الله ..الله يسهل علينا ويسر دروبنا ...أفراد الرحلة :
- الزوج العزيز..
- والدة زوجي الغالية وجدة أولادي ( خالتي يعني )..
- طبعا أنا ..
- وبنت حماتي ..
- أولادي ( محمد وياسر )..
- ما أنسى شغالتي المتعاونة :)..
المهم شوفوا الصور وهذي كانت التجهيزات قبل السفر



رحنا الجمعية وشرينا اللي ناقصنا
شريت هذي الجنطة وحدها عاجبتني وسعرها 3.5 دينار كويتي بس
وهذا شكل الجنطة من داخل هذي يسمونها غبرة عشا نحافظ على السيارة من الصخر اللي بالطريج وما تتسحك :)
دعائكم لنا نروح ونرد بالسلامة إنشاء الله .:)

هناك 12 تعليقًا:

Mr_CHoCoLaTe يقول...

بالسلامه ان شاءالله

لا تنسونه بالدعاء ^_^

الله الحافظ

master يقول...

تروحون وتردون بالسلامه إنشاء الله

fatto يقول...

اتروحون وتردون بالسلامه انشاءالله .. ديربالكم من الطريج .. والله يحفظكم :)

kAiKa-MGroMa يقول...

يحفظكم الباري ودرب السلامة

راح نفقدكم وايد اليوم باليمعه :(

غير معرف يقول...

ليش الشخابيط والرسم على الطوفة؟
يحروني ودي اكفخهم

غير معرف يقول...

اشترولهم اوراق دفاتر رسم ترس الجمعيات على ربع دينار

sun shine يقول...

ترحون و تردون بالسلامة لا تنسونا بالدعاء و الزيارة

Pink GirL يقول...

تروحون وترجعون بالسلامة ان شاء الله

ولا تنسونا بالدعاء

joy يقول...

تروحون وتجون بالسلامةوتقبل الله طاعتكم جميعا
ولاتنسوننا بالدعاء

غير معرف يقول...

bel salamaaaaaaaaaaaah :****

Pearl يقول...

اللة يحفظكم و يسمح دربكم ..
و ديرو بالكم على الصغار عدل .:)

Om MoD يقول...

مشكورين كلكم ..وإنشاء الله ما نسيت أحد بالدعاء ..

وبالنسبة حق الشخابيط والله أنا موفره لهم كل شي من سبورة طباشير ...وايت بورد وأقلامها ..دفاتر تلوين وألوان خشية وشمعية ورصاص وكل شي بس الرسم على الطوفه عند اليهال أحلى شي :)