السبت، 7 يونيو 2008

حفله تفوق للبنات




اولا احب اشكر فاتو وسنو وماستر وبيرل عزيزاتي شكرا لمساعدتي في تجهيز الحفله ..الحفله وايد حلوه واستانسنا كلنا كبار وصغار.

صار كل شي مثل ماابي تقريبا ..الساعه 7 صفيت البنات طابور ونزلتهم وهم يصفقون ويرقصون على الصوت المسجله.

اول ماينزلون من الدرج راح اشوفون طاوله فيها الهدايا والبلايز الورديه والسوفنير، عطيت وحده وحده البلايز على حسب اعمارهم وراحو يبدلون تيشيرتاتهم.
طبعا رقصو شوي بنات لازم ..وبعدين بديت المسابقات، مره للامهات ومره للبنات ، بينهم استراحه للرقص وفي جوكلت بار سويته وخليته مفتوح عليه نافوره الككاو ومستلزماتها و نفيش وحلاو مصاص وجاي قهوى وماي .
وبعد تعبنا من تنقنق والرقص واللعب على الساعه 10 خليت فقره حق صديقات بنتي الي حابين يقدمونلها الهدايا جدام الكل .وبعدين حطينه الكيكه والعشى ..اطلعت الكيكه حلوه وايد حبيتها على شكل كب كيك علشان مابي تقصص وتنجب ..والعشى كان من بيتزا هت .
بعد ما اتعشو انا كنت حاطه بلونات اكبار فيها ترتر ورق مقصص اصغار وحطيت البنات كلهم تحت البلونات وبطيتهم ونزل الترتر عليهم ..تعالو شوفو وناستهم ..واخر شي قبل مايروحون عطيت الامهات ككاوه والبنات هداياهم مع كلمه شكر لتلبيتهم الدعوه .

هناك 6 تعليقات:

Pink GirL يقول...

مشاء الله خووووش حفلة
واحلى شي انها بييينك لوني المفضل
وعطيتيني افكار حق عيد ميلاد بنت اختي ان شاء الله
والف مبروك نجاح بنيتج عقبال ماتسويلها احلى حفلة بتخرجها من الجامعه :)

SNoW White يقول...

ماشاء الله عجيبة الحفلة يعطيج العافية حبيبتي أكيد تعبتي عليها وايد :)
و مبروك نجاح بنتج , و الصراحة الحفلة وايد حلوة جان زين انا كنت موجودة معاكم p:
و عليكم بألف عافية حبيبتي ذوقج وايد حلو :)

Om MoD يقول...

وايد وايد حلوة الألوان ..مبين إنها حفلة تفوق بنات صغار ..الله يعطيج ألف عافية ويوم ما تسوين لها حفلة تخرجها من الجامعة وتجهزينها حق عرسها :)

master يقول...

شكله وناسه وايد
و أحلى شي عجبني التي شيرتات الورديين
عسى ما الأمهات زعلوا لبستيهم وردي و هم مكشخين بناتهم؟

غير معرف يقول...

ماشاء الله علييج الحفله باين انها واييد حلوه
عقبال ما تفرحين فيها عروس

غير معرف يقول...

حبيبتي حبيت فكرة البلايز الورديه بس بجم خذيتيهم ومن وين ؟!!!!