تشوهت إيده بعد عمري وصارت تعور القلب ..كله والسبة هالمسدس الخطير ..ويوم إني دقيت على محامي وبغيت أشتكي قالي الغلط على مودو قلت له صغير شعرفه مسكين ..جان يرد علي ويقول الغلط عليكم إنتي وأبوه هذا كلام بالله عليكم..هل يعقل إنه إذا شي مرخصته وزارة التجارة وكل اليهال إستخدموه وما صار فيهم شي يكون ما لنا حق نشتكي ..أنا مستغربة الصراحة يمكن حزتها كنت وايد محترة على مودو بس يوم قعدت فكرت قلت حرام عيال الناس هالمسدس لحد ألحين موجود وينباع ويشترونه اليهال ...لو بره جان رفعوا قضية وجنه العيد يكسبونها لكن هني ...............................ما أقول إلا الله يسامح اللي كان السبب ..مودو بدت إيده تتعافي بس ما ادري بترد مثل قبل ولا لأ ..إدعو له كل ما أشوف إيده قلبي يعورني ما يستاهل بس شقول غير الف حمد وشكر لك يا رب على اللي صار ..الي يحب يشوف الموضوع اللي فات ( إيد حمودوه احترقت )
هذي إيد مودو عقب أسبوع تقريبا من الحادثة
هذا صبعة الثاني هم بعد عقب أسبوع من الحادثة
هذي إيده عقب 3 أسابيع تقريبا من الحادثة
هناك 11 تعليقًا:
راح تروح وكأن شي ماصار
ما يشوف شر ان شاءالله
و ان شاءالله تروح
جربتي تشتكين عند حماية المستهلك
باي
ناصر الكويت :
مشكور وإنشاء الله كل شي يروح..
mr_chocolate :
الشر ما ييك ..
والله يسمع منك..
لا والله ما جربت خليني أجرب وأشتكي عندهم يمكن ينفع ..
حبيبي والله حمود ..انتشاء الله يكبر وينسى .. وبالنسبه حق الحقوق الي عندنا والشكاوي ... ما أقول الا حسبي الله ونعم الوكيل
ما يشوف شر
بس سوري المحامي اللي انتي داقة عليه زبالة
خربوطة دوري غيره
سلامات انشالله ما يشوف شر
واي حبيبي حمود ما يشووف شر بعد عمر والله ما يستاهل بس لا تخافين ان شاء الله يرووح و ما يبقى أثر , و على قولت القايل يكبر و ينسى :)
a777777777777777777
7abeeebi . that hurts !
مشكورين كلكم ...مودو متعود على الإصابات حبيبي بس هذي وايد جايدة..وأكيد بيكبر وينسى ..
joy :
حبيبتي قولي الحقوق هني عندنا خربوطة يعني الحق ضايع ..بس أنا دقيت على أكثر من واحد وكانوا كلهم نفس الكلام ن جذي قلت خلاص الحمد الله إنها يت على جذي ..
إرسال تعليق