السبت، 31 مايو 2008

Missoni Hotel in Kuwait


ذاك اليوم قاعده أفكر ، ليش لكويت ما عندها أوتيلات نفس الاوادم ، بدبي كل يوم يطلع أوتيل أحلى من الثاني ، و إحنه ما عندنه واحد حلو وله غريب ، واااااي نكسر الخاطر ، بعدين جان أذكر أنا مره قاريه إن بسوون أوتيل Missoni في الكويت ، صج إصار علي ؟
قعدت أدور بالنت لمه وصلت حق جم معلومه ... يقولون ... إن راح يكون في مجمع إسمه (سيمفوني - symphony) بالسالميه ، مقابل الجامعه الأمريكيه ، و أن الأوتيل مكون من 20 طابق في تقريبا 200 غرفه ، و راح يكون في بعد مطعم ، نادي و spa . و في نفس المكان بكون في مجمع تجاري و بعد مكاتب . و يمكن يمكن يفتح في الربع الثالث من سنه 2008 .

و هذوله بعض الصور عن شلون راح يكون شكل الاوتيل من داخل





و الصوره الأخيره حق مجموعة missoni للمنزل ، وايد أحب ألوانهم و تركيبه الأشكال الهندسيه مع بعض

هناك 3 تعليقات:

fatto يقول...

شكله حلو أنا أمووت عل الفنادق أنا قايله أول مايبطل فندق الافنيوز راح اروحله .. والحين صار فندقين .. فلازم أروح حق هالفندق .. ومادري منو راح يفتح أول !!

غير معرف يقول...

و منو اللي بيسكن في هذا الفندق؟ ديفيد بيكهام و لا بينيلوبي كروز؟ يمكن مايكل بلومبرغ؟ أو يمكن السياح الذين يدخلون الكويت افواجا؟

joy يقول...

انا اول ما سمعت بالخبر قلت انا اول من يحجز فيه
ابيه استجمام وراحة
لاني كنت منقهرة ابي اروح فندق بولغاري وارماني
واي ميسوني ستايله عجيب



واسمحولي ارد على غير معرف

وزعلان ليه لو نجح عليه بالعافية ولو خسر مش من فلوس ابوك