إسم الله على الكتاكيت فديتهم أنا والله ..أحبكم وايد ..صج إنكم تأذوني وايد بس ألف الحمد الله إن الله ما حرمني من العيال ...صج وجودكم وايد مهم بحياتي والبيت من غيركم ما يسوى ..طبعا أنتوا مع أبوكم الغالي ..
حبايبي عيالي أنا لحد ألحين أعاملهم جنهم يهالوا صغار وعبالي ما يفهمون ..طبعا يسارش حبيبي صج ما يعرف يتكلم عدل بس يقدر يوصل لنا شنو يبي وألحين قام يقول جمل ( واااااي حبيبي ) لوتشوفونه ينادي ماديشا ..حمووو مختصر الموضوع يعني الحين مستصعب الدال ..شايلها من الإسم ..لووووووول..يحفظك ربي
أما ماديشا كل يوم يفاجئني بشي ..طريقة كلامه وأسلوبه حبيبي جنه أنا اتكلم ..نفس كلامي بالضبط..وساعات أحتار شنو أرد عليه (يحرجني يعني؟؟) وبعض المرات يحرني (لأنه ما يهمه التهديد) بعد عمري تفداك عيوني..
هاليومين أبوهم الغالي شاري لهم أشرطة مسرحيات منها ( الواوي وبنات الشاوي) وحماديشا جاذبته وايد واللي أستغرب منه إنه حفظ أغانيهم ..عاد أنا أموت على هدى حسين ومسرحياتها القديمه ..
والعادة لما أرجع من الدوام يركضون مودو سورش حقي اليوم مجابلين التلفزيون ولا دروا عني ..كانوا حاطين فلم حق بارني مع يهال على mbc3..وكانوا مندمجين حدهم اللي ما سألوا فيني ..حمادووه غرامه (بارني + تلي توبيز )..طبعا توم وجيري بالمقدمة وألحين هاب لي بالمسرحيات ..صج كبرتوا يحفظكم الباري وأشوفكم رياييل :)
هناك 3 تعليقات:
انشالله تفرحين فيهم
لازم البلاك بحلجه
و الله يخليهم و يحفظهم يا رب
مشكورين :)
الله يسمع منكم
إرسال تعليق