من جم يوم كتبت بوست عن video eyewear و من يومها و انا أقره بالانترنت عن هذي النظارات لمه مليت و توكلت على الله و طلب ... ما أقدر انطر أكثر من جذي ، أبي أجرب هذا الإختراع العجيب ، أحد القراء moodless إقترح علي أشوف vuzix و شفتهم و صج مثل ما قال إهي الرائده في هذا المجال ، بس لمه شفت كل المنتجات إلي عندهم ما عجبتني و المشكله إن السماعات ثابته و ما أقدر أدخلها بأذوني ، و انا إذا ما إنبطت اذوني من الصوت ما أستانس ، و انا قاعده أدور بـgoogle و إلا أطيح لي على ماركه ثانيه إسمها myvu . قريت تقاييم عن آخر جهاز عندهم crystal وأقنعوني ، إن هذي النظاره اوضح من أي نظاره إطلعت من قبل حتى أوضح من الـvuzix و طبعا احلى شي السماعات ،فيهم واير ، يعني أقدر أحطهم بذوني . الشي البايخ يمكن إلي المقيمين يشوفه زين إن أقدر أشوف دار مداري و ما اكون معزوله عن العالم ، بس الصراحه أنا أبي أصير معزوله ، بس فكرة هذي النظاره إن اقدر أستخدمها و انا أمشي إذا أبي ، عشان جذي لازم أشوف و إلا أدعم بإلي جدامي . فبدون تفكير دخلت سايتهم و طلبت و إنشاء الله تكون شروه موفقه .Update : نسيت أقول لكم إبجم خذيته ... طلع تقريبا سعره 80 دينار كويتي
crystal from myvu
vuzix
هناك 4 تعليقات:
اصلا من كتبتي البوست و انا مشتطه عليهم عفية شوفي شلون اذا زينين و لا لأ و بجم سعرهم
new bride:
إنشاء الله بس توصل راح اكتب رفيو عنها
و سعرها تقريبا طلع 80 دينار ، كان ودي بشي أرخص بس المشكله يصيرون مو واضحين إذا رخاص
السلام عليكم
بالصدفه و انا ادور بالنت شفت موضوعك
و لما دورت على الرفيو ما لقيته .. ففعلا حابه اعرف رايج فيه و يسوى نطلبه و الا لا .
و شكرا مقدما :)
غير معرف:
مرت خالي شرت واحد بس من ماركه ثانيه ، جربته و ما جبيته ، الصوره صغيره ، ما حسيت إني أطالع شاشه كبيره مثل ما يقولون، خفت اطلب ، فما شريت .
إرسال تعليق