المسدس الخطير
أحلى إيد محترقة
إبتسامة مع ألم حبيبي فديته والله ..تعمدت أحط هالبلوج عشان كل أم وأبو يديرون بالهم من هذا النوع من المسدسات اليهال غرامهم شي يطق طق ولا يعرفون الأخطار ..بصراحة أنا ما هقيت إنه بصير جذي بس عاد الحمد الله دام يت على جذي :(
أقولكم القصة :
تونا رادين من الأفنيوز عشيت اليهال والحمد الله ماكو شي ولو إنه رحيل " بابا سعد " ضايقني الله يرحمك ويغمد روحك الجنة عرفت عن طريق إتصال من إختي..المهم عاد أقولكم ماديشا راح ياب هالمسدس يمااه حطيلي الجراقي وطق وطق وأنا روح بعيد وخره عن أخوك وخره عن ويهك وكل هالتحذيرات و لا أكو فايدة وقع القدر المقدر توني مسويته حقه عشان يطق فيه ما ادري شاللي صار ما سمعت إلا جنهم كلهم تفرقعوا مع بعض مره وحده وقام يصرخ مودو ..أنا اختبصت العادة طبعا قمت أصرخ والحمد الله إنه أبوه بالبيت قمت أصرخ وأناديه تعال وشلت ماديشا وريولي مو شايلتني خر من إيدي يي أبوه وقالي بس لا تصرخين ويساري يبجي إنعفسنا وحالتنا حاله وأنا لحد ألحين ما أدري شنو صار بالضبط حق قلوبي المهم أبوه غسل إيده بماي بارد وطرنا في الجراحة ولفوا إيده وعطوه مضاد حيوي وأدول ومرهم وغيار كل يوم بالمستوصف ..فديت الجمال والإيد والله ..يعله فيني ولا فيك حبيبي ..خنت حيلي قلبه مكسور ويونون آآآآآآآي يماه إيدي تعورني ..آآآآآآآآآي يباه إيدي تعوني ..خطاك السو والحمد الله يت على جذي ...ديروا بالكم منه على عيالكم :( وبس ألحين جمالي نايم يعله نوم العوافي وما يقعد كل شوي مخترع حبيبي ..
هناك 17 تعليقًا:
ما يشووفوون شر حبيبتي , و الحمد الله يات على جذي مو شي ثاني , خطاكم السوو
الشر ما ييج حبيبتي مشكوره..
إي والله هذا اللي أنا أقوله جذيه ولا أجيد مو ويه ولا شي ثاني إسم الله على عمره ..
خطاج اللاش..
حمدالله على السلامه حبيبي ..اخترعت عليه الله يعينه الحرق مو هين
صارت فيني لما كنت كبره تقريبا الله يحفظه ..
كنت العب بالمسدس ..
و أطلقت طلقة داخل جيس متروس جراغي مثل هذا الأحمر اللي بالصورة ..
و صار انفجار صغير حرق جزء من ايدي بس اشوة مو مبين وايد الحين ;P
اللي عرفته بعدين انه كان جو الجيس ملغوم بالبارود ..
و هذا اهوا سبب الإنفجار الصغير اللي صار ..
خطاكم السو :) ..
امبييه @@ حبيبييي!!
فديته ماوكلي فتى الادغال .. وانتي بس هذي حالة عيالج من اصابه لي اصابه أجيد!
ولا لاعبين ريال مدريد لوووول .. يالله ما عليه هذي اصابات الوكيحين ما تكون عاديه .. بس ديري بالج عليهم وخطاه السو :*****.
سلامااااااااات يا حمود وماتشوف شر الي يلعب بالنار تحرق اصابيعه :) يكبر وينسى عدة على خير
جارينيا :
الله يسلمج حبيبتي ومشكوره وايد..
majid :
لا تخرعني يعني ممكن الحرق يترك أثر ؟؟؟
وخطاك اللاش ومشكور ..
kaika magroma :
الحمد الله عدت على خير ...شفتي خنت حيلي عيالي ..الله يحفظهم :) وخطاج اللاش ..
غير معرف :
الله يسلمج من الشر يارب ..وحبيبي كان قصده يلعب :)
حبيبي والله .. غدا الشر .. *: وهذي بوسه على اصابيعه الحلوه
اجر وعافيه انشاالله و ماتشوفون شر
fatto :
الله يسلمج حبيبتي :) وتسلمين يا قلبي ..
mr.solutions :
الله يعافيك ..والشر ما ييك :)
خطاكم السو . و ماتشوفون شر .
ُثاني حادث مسكين .. أقري عليهم
يا حبيب قلبي أشوة يت بأيده ولا وجها
:( ..
الله يحفظه أنشاء اللة .
خطاج اللاش ..والشر ما ييج ..
ومشكوره وايد حبيبتي ..وتسلمين والله أنا أقرى عليهم بس مو دايما ..بس شكلي من اليوم وراي على طول ما راح أخليهم ..
الحمد الله على السلامه ومايشوف شر صديق ولدي وان شاء الله في إلي يكرهونك
بعد عمري مشكوره والله يسمع منج بعدويين الغالي حبيبي :)
خطاكم السو حبيبتي مع انها متاخرة وانشالله ماتتكرر ويدير باحبيبي ما يستاهل :*
ما راح يكون له أثر واضح للعين بأذن الله :)
sonw :
مشكوره حبيبتي..وخطاج اللاش ..إنشاء الله..
majid :
صج والله طمنتي الحمد الله ..بس حمودوه إيده ألحين وايد متشوهه وأنا مفكرة أرفع قضية :) أشوف إيده واتحسر وقلبي ويتقطع حبيبي والله هالولد :)
إرسال تعليق