طائرات ورقيه بالمسيله

اليوم العصر و إحنه رادين من الشاليهات و له نشوف أشياء إطيربالسما ، مو مبين شنو ... أول شي عبالنه دعايه حق محل وله مطعم ، قربنه أكثر وله ناس قاعدين إيطيرون طائرات ورقيه ، طبعا أنا كنت قاعده أسوق ما أشوف وله شي ، قلت لهم (بوقف أبي أطالع عدل شنو هذا ؟) كانوا في براحه يم المسيله ، وقفنا و قعدت أصور ، وله الطائرات مو ورقيه كانوا من قماش على أشكال حيوانات ، شكلهم إيشوق ، ألوانهم وايد حلوه ، مادري منو هذوله الناس القاعدين إيطيرونهم ، بس ونسونه و الله . و شكلهم عجيب من الشارع .