رحنا الأبراج

تذكرون يوم قلت لكم أنا و أختي عندنا لستة أماكن بنروح لها ؟ اليوم رحنا واحد منهم ...أبراج الكويت ، والله وناسه، صج تغيير ، قعدنه بالمطعم مو في الكافيه ، الأكل المقدم من البوفيه ، كان عادي بس السلطات كانت حلوه ، صاجين البنات لمه قالولي إن أحلى شي ، طبعا سلطه الكول سلو ، كانت حدها عجيبه ، وايد وايد حلوه ، جنها سلطة كنتاكي (إللي انا امووووت عليها) بس هذي أكثر فرش ،حطيتلي مرتين :) و بعد كان عندهم ماكي :) ما توقعت ، كاليفورنيا ماكي ، لذيذ مع الجنجر ،بعدها كلينا ربيان و كالاماري و دجاج بس مو حلو ، عقبها حلينه ، بس مو موت ، عادي ، حطيت كيكتين وحده كاكاو و الثانيه تيرامسو ، الكاكاو جدا سيئه مع ان شكلها إيشوق ، إلي غامجه جنها متروسه شيره و لذيذه ، طلعت العكس تماما ، حتى مالت الجمعيه احلى ، و التيرامسو يعني زوينه ، تمشي الحال ، متروسه كريمه إللي بسرعه تذوب بالحلج. بس يالله مره بالعمر منوا برد مره ثانيه .

بالمطعم كان عندهم واحد قاعد يدق موسيقى ، مسكين اول ما يينا كان اعد يدق موسيقى كئيبه كئيبه ، جنه قاعدين في حلقة محظوظه و مبروكه لمه صاروا يغنون في النادي ، إللي يدقون على الأورغ ، أشوه بعدين رحمنا و قام يدق على العود ، إي جذي زين ، جنه أغاني العرس وقت العشا (الطرب الأصيل) يحليله حتى دق لنه أغنية (الاماكن) حق محمد عبدو.