Toy Watch

حطيت هذي الساعه من قبل في بوست ( حب من أول نظره ) و صج كنت مغرمه فيها ، آآآآه يليتني لم أقع في الحب ، طلبت الساعه من اول ما شفتها ، و إنصدمت لما وصلت ، كلش كحيانه ، صاجين لما سموها toy watch ، صج صج لعبه ، بلاستك ، وايد خفيف ، شوي و تنكسر ، كلش ما تستاهل ، أستحي حتى أقول سعرها و إهي جنها لعبة يهالشاريتها من بقاله ، تدرون بجم ؟ 57 دينار ، بصييييييييييح :(

غصبن علي بلبسها حلوه وله مو حلوه ، و هذي صورتها تحت ، شفتوا لونها ؟ مو نفس ما إهما حاطين بالصوره إلي فوق ، لونها فاتح ، أنا مت عليها عشان كان لونها مبين غامج ، طلعت الصوره خداعه ، ياي على طلبات الإنترنت .

عبالكم بتوب ؟ ماكو فايده ، احب المغامره ، راح أستمر أطلب :)

ملاحظه : هذا تحذير حق إلي مفكر يشتريها ، تره كلش ما تستاهل ، 10 وايد عليها