المشهد الرابع من رحلة مشهد :)

هذا السديري الجلد اللي شريته حق اليهال :) من طرقبة
قائمة الطلبات من مطعم بديدة :) في شانديز بوفيه السلطات ..الروب عندهم شي مو طبيعي
في وايد أشياء حلوه مثل هذا التمثال وحمودوه حب يصور هني :)

واكمل لكم المشوار وبغيت أخبركم شي يمكن البعض راح يستانس منه هذا البوست بكون قبل الأخير حق رحلتنا حق مشهد ...

وماكو والله ترتيب الحملة حق الرحلات وايد حلو وحتى وقت زيارتنا حق الحرم كان مناسب حده المهم ما أطول عليكم اليوم الثالث كان free يعني كل واحد حر وين بروح وين بيي عاد رحنا تمشينا في بازار رضا وهو يعتبر جنه سوق شعبي تلقون في المسابيح وسوالف أحجار ما أحجار وخواتم يعني أشياء وايد بس تغير علي المكان أنا كنت رايحه قبل 7 أو 8 سنوات من زمان يعني تغير علي المكان وبازار رضا وايد قريب من فندق أطلس عاد تسوقنا وخذينا مكسرات وسوهان وقمردين وسمسمية وحرمل وهذا اللي متذكرته ما ادري شنو شرينا بعد احنا كنا رايحين هناك ندور محل يبيع كفرات حق اليهال حلوين بس ما دليناه :) ..واليوم اللي بعده رحلتنا كانت من الصبح رحنا زيارة ياسر وناصر إخوان الإمام الرضا ( ع ) ورحنا طرقبة وهناك سوق كبير فيه أشياء وايد شريت من هناك سديري جلد حق يسور وحمودو :) حق الشتا ويقول راعي المحل إنهم جلد أصلي :) ..وشرينا بعد فواكه مجففة حلوه حدها ( خذينا تين /كيوي/تفاح ) واو لذيذ لا تذكروني بالكيوي وايد حلو :)..وخذينا زعفران من هناك حق الوالدة وخالتي أم زوجي ويدة ريلي :)..وعقبها رحنا تغدينا في شانديز آآآآآآآآآآآآآآآآآآآخ أكل لذيذ وروعة ولا الحكوك شي مو طبيعي :) القعده حلوه و الجو أحلى وعيال الكويت بدعوا هناك من تحذف الصخر في النهر الصناعي واي بس ما يقدرون يتكلمون دافعين وايد لووووووووووول وبس ردينا الفندق عقبها :) وللحديث بقية :)