أمس رحنه رحله بحريه عن طريق ( جمعيه الروضه ) مع قروب.. رحنه أول شي عند مركز سلطان الي عالبحر حق اليخوت ..وحرك اليخت الساعه 5 العصروكان يكفي تقريبا 30 نفر يعني راهي لو أعرف جم قدم جان قتلكم :) المهم الرحله اهي ان انروح حق مجمع الكوت ونتعشى اهناك ابمطعم ( ماجانا - لبناني )..والمناظر كانت خلابه .. وبالطريج كان في مسابقات وجوائز كان وناسه ..و وصلنا المجمع الساعه 7:30 لأن كان يمشي بطيئ.. وتسوقنه اشواي وتعشينه بالمطعم وكان الأكل حلو وديكور المطعم أحلى ( طبعا مادفعنه شي كلشي عليهم ) وحركنه الساعه 9:30 تقريبا ووصلنا بعد ساعتين .. حده افتر راسي بالروحه كنت اتمنى ان اي احد اييلي الكوت عشان اروح معاه :) بس كانت الرحله تسوه جنه امسافرين بره .. الي ساكن بالروضه يروح يسجل عن طريق الجمعيه . سعر لكبار اب 5 د.ك ولصغار اب 4د.ك لاتفوتكم الرحله اليهال حدهم راح يستانسون .
هناك 7 تعليقات:
عليكم بالعافية شكل الرحلة صج حلوة ..بس يمكن اللي صار معاج دوار البحر ..والحمد الله أهم شي إنكم استانستوا :)
عليكم اب الف الف عافية
صور وايد روعة
الله يونسكم بالخير فكرة الرحلة رائعة
ما توقعت سعره جذي ، وناسه ، تغيير
شي بديع P:
زين قاموا يفكرون بأشياء حلوه تنمي السياحه.
انا ابي بعد ..عادي اركب وله موزين
علي ؟
الحجز عند كشك تاجير العوامات ؟ وله وين عند مركز السلطان ؟
عليكم بالعافيه فاتو ..والتصوير حلو بعد
عليكم بالعافية
شكل الرحلة تشوق مشاء الله
واهم شي استانستي واليهال استانسوا :)
الله يعافيكم :)
جاردينيا :
الحجز مثل ماقلت ابجمعيه الروضه لازم يكون عندكم ( بطاقه العايله ) يعني انتي لازم اتكونين مساهمه بالجمعيه على ما اعتقد
إرسال تعليق