الأحد، 27 يوليو 2008

منو كله بردان مثلي ؟


أنا أكره البرد ، أثلج بسرعه ، أنا حتى بالصيف أشغل الدفايه ، مو الدفايه الغاز لأ ، الهوا ، اكو بعضكم عمره ما شافها ، بس هذي إلي أستخدمها ، عندي و حده بالدار و بالصاله و بالدوام . فبما أنا ما أحب البرد أدور أي شي يدفيني ، و واحد من الأشياء إلي تحميني من برد الشتاء ، وقت ما أركب السياره و أسوق ...الدسوس . و إلي يتابعون المودا و يبون يعرفون شنو دسوس الموسم ، أقولكم ( الدسوس الطوال ) . أيا كان نوع الخام ، جلد ، صوف ... المهم طوال . شلون بنلبسهم مع جم طويل ؟ مادري ، بس راح نسوي المستحيل في سبيل المودا .

هناك 4 تعليقات:

ناصر الكويت يقول...

شخصيا

ماعرف اتسبح الا بماي حار بالصيف

joy يقول...

لا لا لا
حلو البراد بس مو البرد
وصراحة الله يحفظج ماستر لا اغط عنكم يوم ايطوفني وايد وما يمديني اعلق
انا قبل اسمع فانيسا بارادي مو اهيا مرت جوني ديب؟؟
نزلت شي يديد؟؟
وشكلها حلوة لوزان

master يقول...

joy:

إي إهيه مورت جوني دب ، و نزلت ألبوم يديد ، و هذي الأغنيه حاطتها من الألبوم اليدي ، بس مادري شنو إسمه دوري في amazon :)

Ļa ƒéммé يقول...

انا كله بردانه عشان جذيه اهم شي عندي لدلاغات والأرواب الثقيله للبيت وللثروات ضروري تكون موزعه بغرفه المعيشه وعندي نفس الدفايه من مركز سلطان عجيبه لي قمنا من النوم الصبح وطلعنا من دفا لفراش اشغلها وقت تجهيزي ،وفي مطاره الكترونيه على الكهربا نفس مطارات قبل اللي نحط فيها ما حار ..عجيبه اشغلها اول ما اروح سريري لأنه هم اول ما اندش السرير ايكون السرير بارد