يحيى بن زيد استشهد وعمره الشريف 18 سنه
ياسر نايم بالباص فديته التعبان :)
مطعم قريب على الفندق
وهذا غدانا :) وعقب ما زرنا الساعة 10 بالليل الإمام علي بن موسى الرضا عليه السلام..ردينا وتعشينا بيتزا من فندق الغدير بس للأسف ما صورتها لكم كل مرة نطلب أنسى أصور والله خوش بيتزا تيي حار بحار وعندهم أنواع بعد ( بيبروني ومخصوص ومرغ ..... وغيرها ) و طلبنا معاه شبس بس كان حده مأساوي ما عجبني مو مقلي عدل ..بس اليوع كافر كلينا كل شي :) وعقب رحنا نمنا..
اليوم الثاني كان عندنا رحلة الساعة 4 العصر ( الوقت حده مناسب ) حق يحيى بن زيد وهو حفيد الإمام زين العابدين ( علي بن الحسين عليهما السلام ) مدة الرحلة تقريبا بحدودالساعتين روحه ورده ..وماكو اليهال تعلموا على النوم بأي مكان بس نصعد الباص ينامون ..وبس الحمد الله زرنا وردينا ومن وصلنا طوالي على المطعم هالمره رحنا مطعم يم الفندق أسمه ( رستوران صبا ) وكالمعتاد طلبنا عيش وكباب وزيادة مرق قيمة ( عبارة عن مرق لحم + بطاط ويكون ثقيل ) وبعد شيش طاووق كلينا وردينا الفندق نريح :) .........وللحديث بقية
مليتوا ولا أكمل :)
هناك 4 تعليقات:
جيلو كباب P:
لايوقف .. لايوقف :)
خوش مطاعم في مشهد منها :
مطعم بسران كريم متخصص بأكلة مايجة .
مطعم معين دربار متخصص مشويات .
مطعم رزايات متخصص مشويات .
مطعم حميد بلبل في طرقبة وذلك بعد زيارة ياسر وناصر وسوق طرقبة للتسوق .
زيارة مقبولة
kaika magroma :
لوووووووول ..
fatto :
صج يعني ما تمللتوا :) ؟؟؟؟؟
غير معروف :
جان زين قبل ما أروح عرفت هالمطاعم ما عليه بروح لها إذا الله كتب لي زيارة ثانية :) و مشكورين :)
إرسال تعليق