وصلنا

طيارتنا كانت مريحه ، طلعنا من البيت الساعه 5:00 الفير ، المطار كان صخه ، ماكو أحد ، بس إحنا و إلي يشتغلون ، أنا توقعت بشوف الهنود نايمين بالطريج ، بس لا ماكو أحد .

إستغربت أكثر لما طارت الطياره على الوقت ، الساعة 6:35 ، الكويتية كله متأخره ، وصلنا الساعه 12:30 ، وايد ممتاز ، يمدينا نروح مكان :) . أمي و أبوي ستقبلونا بالمطار ، بس وصلنا البيت حطينا أغراضنا و طلعنا ، آآآآآه راحه ما بعدها راحه ، الجو وايد حلو لا برد و له حر معتدل ، تغدينا و حلينا و بعدين ردينا البيت على الساعه 4:30 العصر .

حاولت أدخل على الإنترنت بس مو راضي يشبك ، تعبت و أنا احاول ، أبي أنام مالي خلق ملاقة الإنترنت ، بروحي مو نايمه عدل ، إنسدحت شويه و قلت بحاول في بعدين .

فتحت عيني !!!!!

ظلمه

شنو الساعه جم ؟

دورت تلفوني وله الساعه 4:30 الفير ... طالع !!!!؟؟؟

خلص اليوم ، أووووه شنو طافني ؟؟؟؟

شبسوي ألحين متأخر الوقت ، خلاص أرد أنام ، عبالي بقعد بروحي و تريق :) ، كلش مو موديلي ، قعدوني من النوم و كانت الساعه 10:30 .

أنا يعني لو عايشه بروحي ، الساعه جم أقعد ؟

حسبت إشكثر نايمه ، إلا أنا نايمه 16 ساعه ، طلعت تعب الأيام إلي طافت كلها .

رحنا جنيف و بدأ التسوق :)