اليوم بسافر

اليوم بسافر :) و أخيرا

ما بقه إلا ساعات و راح أكون في فرنسا ، أتمنى ما أكون ناسيه شي ، ألحين بصك الكمبيوتر و بسوي جنطة إيدي .

شفتوا الصوره إلي فوق ؟ عشان ما أنسى شنوا بحط و عشان ما اودي هدوم وايد و يصير ماكو مكان بالجنطه صورت هدومي إلي أبيهم وحطيتهم كلهم في صفحه وحده و بعدين كتبت تحت كل صوره شنو بلبسهم معاه (أي بنطرون و أي بلوزه أو تنوره ) و بعد كان عندي لسته حق الفتافيت ، مثل شاحن ، عدسات ، كريمات ، لو شنو أحاول أخفف ، تظل الجنطه متروسه ، إنشاء الله ما اتوهق لمه أرد ، خصوصا إن بنشتري شتوي ، يعني كل شي ثقيل .