إندور أثاث

اليوم الجو بديع ... ما طلعنا مبجر ، طلعنا الظهر ، و رحنا لوزان ، البحث عن أثاث ، السنه راح ننتقل إلي بيتنا اليديد في فرنسا ، فأنا قاعده ادورلي على أثاث حق داري اليديده ، وودي أسوي داري كلها أبيض ببيض ، حتى شريت سشوار أبيض من الكويت ، قاعده احاول كثر ما أقدر أقاوم الالوان .

في محل بالطريج علي لوزان إسمه Schilliger عندهم أثاث القديم أو إلي جنه كونتري ، يسمونه بالإنجليزي (shabby chic ) ، ما لقيت إلي أبي ، ما كان عندهم تسريحه حلوه و له كومدينا موووت ، و المكتب إلي عجبني (بالصوره تحت ) نوعا ما أصفر ، مو أبيض أبيض ، فبعد ودي أشوف اماكن ثانيه . أنا بعد ودي أخلط القديم مع المودرن بس ما جني أقدر مع هذا النوع من الأثاث .

بعدها رحنا أيكيا ، أهلي كانوا يدورون على شي معين ، و إحنا نتجول داخل ، عجبني الكبت إلي تحت ، بس حسافه ماكو إلا أصفر و أسود ما كان أكو أبيض .

بشوف شنو راح نلقا في الأيام القادمه ...