الاثنين، 14 يوليو 2008

مكان كلكم اكيد راح اتحبونه


رحنا ذاك اليوم الى مرينا كريسينت ودخلت بنتي واخوي الى هذا المقهى استديو السراميك والفخار
وهذا المقهى تقدر تاكل فيه من غير ما تختار الفخار او الاثنين معا ..بس كل شي بحسابه
طبعا بعد ما تفرجنا على ركن وارفف الفخار الكثيره والمتنوعه باشكالها واحجامها ..اختارت بنتي حصاله على شكل شنطه واخوي كوب على قولته لشرب الحليب الصبح .
اختاروا الالوان من ركن الالوان ركن كبير متنوع بدرجاته وهناك بعد في ادراج فيها قطع من السراميك او الاحجار اذا انتي حابه اضيفينهم على الفخاره . وركن الالوان مفتوح تاخذين منه اي لون تحتاجينه .
تروحين بعدين للكاشير وتحاسبين قطع الفخار +الالوان لشخصين واختاروا فخاربـ 5د.ك وطبعا في اسعار متفاوته . المهم طلع الحساب من غير الاكل = 16 د.ك


وهذي الحصاله الي اختارتها بنتي

ولما تخلصون تخلينه عندهم لمده اسبوع علشان يدخلونه الفرن ويطلونه بالورنيش ..وبعدين يكون بهذا الشكل .

هناك 5 تعليقات:

غير معرف يقول...

مساء الخير ..
بصراحة هذي اول مرة اكتبلج واعلق على بلوقج .. بس مو اول مرة ادخل عليه وبصراحة وايد شدني وحبيت طريقتج بالعرض واسلوبج حلو ومميز وخفيف وبصراحة يحليلج صج "نصوح" على قولتهم مو نحيسة وماتعلمين ولا تعلمين غلط :)))))
المهم حبيت اهنيج على هالبلوق المميز وياريت تقبليني صديقة !!!

هنوفي

master يقول...

مشكوره على التعليق

تره إحنا 8 بنات نكتب بالبلوق تقدرين تشوفين إسم كل وحده تكتب قبل البوست :)

و أكيد نقبلك صديقه للبلوق

جاردينيا 2000 يقول...

اشكرك ..وهذا تعليق فخر لنا كلنا وانا اشكرج عن الجميع .
ومثل ما قالت صديقتي احنا 8 بنات نتعاون على انجاح هذا البلوق.
وحياج الله اخت عزيزه وغاليه .

joy يقول...

انا ناقعة هناك احفظونننا


ورونا انتاجكم عقب

Om MoD يقول...

شكرا هذا شي يفرحنا أكيد...

شكرا مره ثانية وحياج الله صديقة لنا وبلوقنا أكيد ينجح بتواجد الأصدقاء ..

وعشان joy ما تزعل نقولها إنتي مشكوره بعد من الرواد المعتادين على شوفة تعليقاتهم وفقدناج وايد يوم سافرتي ..:).

وجاردينيا 2000 :
شي وايد حلو إنج قاعده تونسينهم وتقضين وقت فراغهم بهالصيف الحار والله يعطيج لف عافية :)