المشهد الثاني من رحلة مشهد :)

مطار مشهد

باص الحملة اللي وصلنا من المطار لما الفندق

غرفتنا

مفتاح الغرفة

الحرم الشريف من بره ممنوع التصوير داخل

وصلنا بالسلامة إيران ومثل ما قلت لكم بالتحديد مشهد خذينا الحقائب ( لوووووول يعني كوووول ) وطلعنا من المطار وكانت وحده واقفه توزع ورد قلت بقلبي ( يحليلهم يستقبلون السواح جذي ) بس للأسف من غير أي ابتسامة والورده نوعها جوري أحمر ولما صعدت الباص أثاري طلعت دعاية حق منطقة شانديز ولمطعم بديدة بالخصوص ( بديدة هذا أسم المطعم اللي قاعده الحلوه توزع ورد عشانه وأنا عبالي استقبال حق السواح ) المهم حدنا هلكانين من التعب ركبنا الباص وحركنا على الفندق ( فندق الغدير الجديد ) بس طبعا حده متواضع يعني خدماته على قده وزعوا الغرف ورقم غرفتنا كان 153 وقبل ما نستلم مفتاح غرفتنا زوجي العزيز راح شرى لنا غدى لأنه كنا بنموت من اليوع وغدانا كان عيش وكباب واااااااااااو خوووووووووش غدى عاد من صعدنا ما نطرنا حتى حقائبنا على طووووول طبينا على الغدى حتى ورعاني كانوا ميتين يوع كلينا والحمد الله استمتعنا بالأكل عقب حطينا راسنا ونمنا ما قعدنا إلا على صلاة المغرب وبالنسبه حق الفندق قريب على الحرم يمكن نمشي مدة 10 -15 دقيقة بس ما نخطر ولا شارع يعني نمر على المحلات الموجودة بطريجنا في محلات ملابس وعصاير والمشهور واللي نشربه تقريبا كل يوم ( شيري موز ) يعني حليب موز ..واليهال يحبون البستني هو عبارة عن بريد مع طبقتين بسكويت حمودوه يسميه سندويش :) ويعني محلات متنوعة منها زعفران وغيره ..كنا كل يوم نروح الحرم برفقة الحملة ( حملة الثقلين للتذكير فقط بأسم الحملة :)) الساعة 10 بالليل وتوقيتهم يفرق عن الكويت ساعة ونص ..المهم السيد ما قصر معاناطول الأسبوع كل يوم يقرى لنا الزيارة وأدعية والله خوووووووووووووش سيد الله يعطيه الصحة والعافية اسمه سيد علي الحداد..واليهال يلعبون ويركضون بالحرم مو مصدقين يشوفون مساحة كبيرة جذي بس نقولهم بروح الحرم يقولون إي بروح نركض ..وطبعا الجو حده حلو وعجيب لا بارد ولا حار بس الفير إمبلا في برودة :) وللحديث بقية ............المشد الأول