حفلة الخميس

الحمد الله خلصت حفلة أختي على خير ، و هذوله الصور

حطينا كل المزهريات إلي عندنا بالبيت و ترسناهم ماي و زدنا عليهم صبغ أخضر مال الأكل

و بما إن الصاله ظلمه حطينا ليتات صغار وراهم عشان يشبون

حاولنا نخلي الأكل كله أخضر ، و هذا إلي قدرنا عليه

صديقة أختي إهيه إلي كانت مسئوله عن الأكل ، مشكوره B

بالسقف ركبنا ليتين بس، لونهم أصفر (20 watt) عشان ما يصير وايد سفر

تحت القنفات حطينا ليتات الحديقه (يبيعونه بالمتر)

و الزينه المعلقه سويناها من اوراق A4

أراويكم في بوست ثاني شلون مسوينها

و عشان نسفر المكان شوي ، أختي سوت شي يشبه الأبجورات

قصصت ورد صغار و دبستهم مع بعض ، و حطتهم فوق قلاص ملفوف بورق و داخله تريك يد

الله يعافي الإنترنت و يوتيوب إلي علمنا كل هذي الأشياء

و للحديث بقيه...