الاثنين، 4 أغسطس، 2008

جزيره قاروه

طبعا أنا أموووووت على شي اسمه بحر .. عندي هالمكان أحلى مكان بالدنيا .. فأمس رحنه ( جزيره قاروه ) وهذي ثالث جزيره انروحلها .. أول مره رحنه ( كبر ) وبعدين ( فيلكا ) .. وناوين انشاءالله انشطب على كل جزر الكويت ال 9 :) فكانت الرحله جدا جدا ممتعه .. كان الطريج ساعه ونص والجزيره حدها اصغيره بس مايتها اتينن من كثر ماهي صافيه جنكم ابحمام سباحه .. والسمج الي فيها ماشاءالله الوان وارناق .. صدنه اسمجتين ووقفنه عقب قلنه حرام هذا سمج زينه مايسير ينصاد .. ومن كثر ما احنه مستانسين راحت المايه وتوهقنه .. ولازم اندز الطرادين الي يايين فيهم بالعميق عشان المكاين تشتغل لأن تحتنه كلا صخر ..ونزلنه من الطرادين عشان يسيرون اخفاف .. وتحتنه كلا صخر وشوك البحر الاسود نسيت اسمه ولصبيان مساكين اتزلقو تزلق من الصخر وحتن شوك دش فيهم.. وبعد ساعه وربع من لمعابل ياله بعدنا الطرادين بالعميق ..حدهم اتعبو الي يدزون مساكين .. وتخيلو رحنالهم سباحه .. حدنه خقينه.. لو ماكان انعرف نسبح جان رحنه فيها .. بس الحمد الله وصلنه بالسلامه . وعقب قطو سناره فيها طعم وقاعد نمشي بالطراد اشواي اشواي .. هالشي جنه اسمونه ( امشاخط ) او شي جذيه ..عاد يالشباب صلحولي :) المهم السناره تلت معانه وله جان تنقز اسمجه كبييييييره والله طولها يمكن فوق المتر ونص مادري اشسموها لي .. فيها حرف ( ج ع ن ف ) عاد انتو ركبو الاسم :) .. بس حسافه من كبرها انقطع الخيط .. وهذي رحله امس .. وسوري طولت عليكم بالحجي . الجزيره

اخوي لصغير ( mun mun )

هذا اخوي لكبير صاد لسمجه بالمسدس على قولتهم

حدها اتشوق صح

طبعا لازم ( الموَش ) :)

هناك 15 تعليقًا:

master يقول...

واو المايه عجيبه ، صج مثل ما قلتي صافيه
بس مساكين السمج إسويتوا فيهم الله يهاداكم ، جان زين مراويتنه صوره حق اليخت إلي ياين في ماني متخيله شكبره

fatto يقول...

طراد ترى مو يخت :) عدلت عل الكلمه :)

master يقول...

إي ok :)

The Talker يقول...

اوف لا ما شا الله الجو حلووو والمايه وايد روعه .. صج يبيله روحه .. عاد الموش شهاني وايد .. بقى شي ؟ : (

kAiKa-MGroMa يقول...

ياااي فاتوو امبيه وناسه

صج شكل البحر والسمج خيال جنه مو بالكويت
أنا أول مره ادري انه في بالكويت سمج جذي :>

نايس نايس نايس.

fatto يقول...

the talker :

لوول .. كله راح ببطونه :)

Organic Kuwait يقول...

garoh is always fun, although i was wondering if you are going to eat these fish or ur going to through them back after killing them..

Q8-MaNaL يقول...

واي صفاء لون الماي يزوغ القلب

و السمجة الاولى روعة ماشالله بس حرام ليش موّتها اخوج خو هذي الانواع ما تنوكل،عورني قلبي :(

Sara يقول...

خووووش رحلة وناسة شوقتيني وذكرتيني بايام حلوة مضت :)

عليكم بالعافية الرحلة بس حرام السمج اللي مات وما ينوكل ..

Om MoD يقول...

حمد الله على سلامتكم أول شي ..ثاني شي شكل المكان روعة وحده حلو وعليكم بالعافية الموش ...:)

joy يقول...

فتو اخووج هذا انا مسميته المجرم مو حرام صايد اسمجة ابهالحلات
هذي مو رفيجة نيمو النساّية؟؟؟؟


وعليكم بالعافية وصج صج خوش شي اتغطوون الجزر كلها عفية عليكم والله

وااااااااااااااااي حلوة الطلعة امبين عليها
:)

fatto يقول...

جوي

لووول .. صدناها وتحسفنه :) مايخالف وحده ماتضر انشاءالله :) بس عشان الصوره :)

JuVeNTiNa يقول...

حده شوقتيني .. ان شاء الله بنروح هالاسبوع ..

ما خذيتوا رقيه معاكم ؟؟

fatto يقول...

juventian

من صجج .. اكييييييييييد خذينا وكانت الرقيه باااااااارده اتينن اتسرسح عل القلب :)
يا الله انشاء الله انشوف اصوركم :) لاتنسين جكجكي كل شي :)

Q8ya يقول...

عليكم بالعافيه وناسه..:)