الخميس، 21 أغسطس 2008

إستقلت


ما تكلمت بالموضوع في الـBlog لأن ماني مصدقه إن بصير ، انا من أول ما إشتغلت بالوزارة و انا ودي أطلع و أشتغل في قطاع خاص . و الحمد الله قابلوني قبل لا أسافر و إنقبلت . فردتي الكويت مبجر كله عشان لويت الإستقاله . أول يوم (الأحد) ، خلصت الفحص الطبي و اليوم الثاني ( الأثنين ) رحت البنك و عقبها إدارتي و كتبنا الكتب إلي أحتاجها عشان أوديها إنتهاء الخدمه بالوزاره ، الثلاثاء و الأربعاء كملت شغلي بإداره إنتهاء الخدمه ، وهذا إلي مكتوب تحت نموذج عن الأيام إلي طافت عشان أطلع ورقة الإستقاله :


اليوم الرابع و الأخير ( الأربعاء)
1- الرواتب (السرداب)

2- الحسابات عند البنات فوق الطابق الأول

3- التدقيق

4- بو علي المراقب

5- الخزينه

6- الرواتب ( مره ثانيه)

8- الغرفه إلي يمهم عشان الختم

9- الدور الاول توقيع المدير

10- إنتهاء الخدمة (الدور الأرضي)

11- طباعه (السرداب)

12- إنتهاء الخدمة

13- توقيع رئيس قسم العلاوات

14- إنتهاء الخدمه

15- العلاوات

16- السجل العام

17- إدارة التنمية البشرية

18- السجل العام

19- الرواتب

و أخييييرا بعد عناء طويل إطلعت الإستقاله ، واااااي تعبت وايد من الفراره ، أشوه الأيام إلي كنت فيها بالوزاره كانت معاي رفيجتي فضيعت الوقت معاها بالسوالف . من التعب قضيت يوم الخميس كله نايمه ، ما سويت وله شي مفيد ، الصبح و العصر كله نوم ، حتى ألحين عيزانه بس أحاول أقاوم . إنشاء الله راح أبدي دوامي اليديد يوم الأحد


Can't wait :)

هناك 13 تعليقًا:

Om MoD يقول...

أول شي ألف مبروك على الوظيفة اليديدة ولو إنه ما ودنا نفارقج بس اللي يحب شخص يتمنى له الأفضل وأنا أحبج عشان جذي مستانسة لج وايد ...وثاني شي الرسمة حدها خطيرة وايد حلوة طلعتي مو هينه بالرسم :)..

موفقة من ل قلبي أقولها لج والفال لنا يا رب قولي آمين :)

we will miss u واااااااايد :):):)

kAiKa-MGroMa يقول...

الله الرسممممه حدها تشوق

بس لاااااا مابي :\

انا مو معاكم بالدوام بس احس ضاق خلقي :(

يالله القطاع الخاص احلى واحسن وفي انتاجيه هذا احلى شي .. مو بس تأدية من غير هدف .. موفقه مستووره وعقبالنا انا وام مود :>.

master يقول...

الله يبارك فيج أم مود ، و كيكه مقرومه تقولي أم مود إنتي ضايق خلقج أكثر من الفيونكات جنج إداومين معانا :) و عقبالكم إنشاء الله

غير معرف يقول...

الله ايوفقج ان شاء الله..بس لا تحرمينا من كتاباتج..
ومثل ما قالوا الرسمة خطيرة..

جاردينيا 2000 يقول...

لا الرسمه ..اتعور القلب والله ..ليش جذي ..انتي طلعتي من الدوام بس ماراح تطلعين من افيونكات ..لازم ترسمين رسمه ..ثانيه .. ومربوطه بالسلاسل معانا ..الله يسر امورج

Mr. Solutions يقول...

الله يوفقج انشاءالله

Unknown يقول...

الله يوفقك انشالله بدوامج اليديد- ومثل ما قالوا الخوات - لا تحرمينا من شوفة البلوقات الحلوه

ودنا نطرش حلو وبوكيه ورد ، بس وين دوامج ؟ ;)

fatto يقول...

وااااي الصوره اتشوق وتينن :) عليج افكار عجيبه :)

ومبروك على الوظيفه اليديده ..يا الله فتكيتي من بلاوي الاداره ومافيها :)

لنتواصل :)

Pearl يقول...

الرسمة عجيبة وايد ..:)
بس وايد وايد يعز علي فراقج و الشغل معاج من صج ..
من صج حبيت الشغل معاج :( و راح افقد طلتج الصبح و سوالفج..
بس أكيد أتمنالج التوفيق و الابداع بالدوام اليديد و تورينهم شطارتج بالشغل :)
good luck my dear

master يقول...

زين إعجبتكم الرمه

تره مفكره أحطها فوق بالمدونه يوومو الأحد إلي إهوه بداية شغلي اليديد، فيونكات إقروا (منو إحنا) غيرته وقولوا لي رايكم

جاردينيا 2000:
أكيد ما راح أطلع من الفيونكات

Kuwait:
حلوه :) وين شغلج؟ :)


Fatto:
صاجه بفتك من سوالف الدوام ، إنشاء الله ما يطلع لي خزعبلات بالدوام اليديد

Pearl:
عورتي قلبي ، لمه قلتي بفتقد سوالفج :(
صج أنا أحب أسولف لكم كل يوم الصبح

Om MoD يقول...

master :


ودي أكتب جم كلمة غيرهم إنشاء أكتبهم وأبلغج فيهم اوكي حبيبتي ...

JuVeNTiNa يقول...

الله يوفقج ان شاء الله

Om GhaMaZaT يقول...

woow!!!!