الثلاثاء، 19 أغسطس 2008

وصلنا بالسلامه :)


الحمد الله ( اعتمرنا ) كانت الرحله حدها اتينن والحمد الله ماتعبنه وايد بالسياره .. عقب 8 ساعات نمنه في ( استراحه ساسكو ) كانت الساعه تقريبا 10 بليل كان المكان نظيف ومرتب وحركنه عقب صلاه الفير .. وبعد 3 ساعات تقريبا وصلنه ( مكه ) كنت حدي متشوقه أشوف ( الكعبه المشرفه) أول ماقطينه اغراضنه الفندق على طوول رحنه الحرم .. أشوه الفندق لازق بالحرم .. سكنه ابفندق ( دار التوحيد - انتركونتينينتال ) وايد راقي وحلو.. وعقب مانزلنه من الفندق دشينه الحرم وعتمرنه الحمد الله وأمس بليل وصلنه .
هذي المسافه بين الكويت ومكه


وبالطريج كنت قاعده أقره أحكام العمره ( الخطوات الي انسويهه )

هالبعير طلعلنه بالطريج قاعد يخطر الشارع.. أشوه ان كان سفر ونتبهنه عليه



الحرم



الكعبه وفندقنه وراه جان اتشوفونه



فندق دار التوحيد



مدخل الفندق غرفتنه

هناك 8 تعليقات:

Q8-MaNaL يقول...

الحمدلله على سلامتكم و عمرة مقبولة ان شالله

ادعيلي الله يكتب لي عمرة قريب

جاردينيا 2000 يقول...

تقبل الله طاعتج ..عقبالنا

JuVeNTiNa يقول...

تقبل الله طاعتج و الحمد الله عالسلامه

fatto يقول...

q8-manal :
الله يسلمج .. ومنه ومنج انشاءالله
وانشاءالله الله يكتبلج عن قريب

جاردينيا :
منه ومنج .. انشاءالله

juventina :
منه ومنج .. الله يسلمج

مشكوووريين وماقصرتو :) انشاءالله الكل يروحلها عن قريب لأن الصراحه مكان يخليكم اتحسون انكم متقربين حييل عند ربكم

Om MoD يقول...

ألف الحمد الله على سلامتكم وعمرة مقبولة يا رب ونورت الكويت :)

fatto يقول...

الله يسلمج :) واله اني ولهانه عليكم .. الاحد انشاءالله اشوفكم

kAiKa-MGroMa يقول...

حمدالله على السلامه

قرت عينااا فيج :>.

fatto يقول...

كيكه مقرومه :

الله يسلمج :)ابويه نبيج :)