الخميس، 28 أغسطس، 2008

يوم الخميس

أبيخ شي في دوامي إن الحمام بالسرداب و انا بالطابق الثاني ، فتخيلوا كل ما أبي أروح لازم أنزل بالأسنسير ، اليوم بالدوام دقت علي رفيجتي الظهر بس ما أقدر أسولف معاها فقلت لمه آخذ breack أنزل تحت و اكلمها . نزلت و كلمتها بعد 10 دقايق رديت مكتبي ، أنا معاي بنتين بالمكتب لمه رديت ما لقيت أحد ، هدوء ، وين راحوا ؟ قلت أكيد عندهم إجتماع ، كل ما إختفه أحد أسألهم وينه قالوا إجتماع . كانت الساعه 2:35 ، يعني بقى نص ساعه و نطلع أنا عادة أقعد زياده لمه أخلص إلي بيدي . فأطلع 3:30 . و أنا قاعد أشتغل علق على الكمبيوتر مادري شنو رعصت خربته ، ناديت الريال إلي يشتغل بالـ IT سوالي إياه ، بعدين جان يقولي إنتي شمقعدج ليمه ألحين ؟ أنا بس سألني جان أرد علي : لأ بليييز لا تقولي اليوم يطلعون مبجر !!!! الريال : إي يوم الخميس الدوام يخلص الساعه 2:30 . الله ... و أنا حظرتي مسويه روحي الموظفه المثاليه . و أشوف المكتب خالي و ليش محد قالي ؟؟؟

هناك 11 تعليقًا:

The Talker يقول...

لوووول بصراحه ابيخ شي
يعني حتى ماكو احد يشوفج انك شاطره
جان عبطتي على كاميرات المراقبه عشان يدرون انج موجوده لووووول

kazmawy يقول...

هاردلك :)
بس الصراحة رفيجاتج فيهم نحاااسة..عسى مو من زمان هالدقة صايرة :)*

واحد من الربع يقول...

لووول
احلى شي " الإسنسير " المهم نمشيها خخ

بس شلون ما انتبهتي على الوقت ~!~

master يقول...

the talker:
مريت على رئيسي عشان يشوفني إني غنسانه مثابره P:


Kazmawy:
هذا أول إسبوع لي في الدوام اليديد فما مداهم يصيرون رفيجاتي . و مادري عنهم عبالهم انا ادري بقانون يوم الخميس

واحد من الربع :
لا أقولك أنا ما أطلع بالوقت كله أقعد شوي على بونه بعطيهم إنطباع اول زين

Mr. Thouq يقول...

يا شين الدوام يوم الخميس!!

om hussan يقول...

الله يوفقج وولهنا عليج وايد وطول عمرج شغيله

Om MoD يقول...

لووووووول ..زين الحمام بدور ثاني ولا الحالة اللي إحنا فيها طبعا تدرين إنتي (: ...

ووضحكتيني على هالسالفة أشدعوه ما يدرون إنج يدية جان علموج .....:)

وموفقة للمرة المليون :)

JuVeNTiNa يقول...

ويييييييي ... بعد عمري !!

اكره شي اني اقعد بالدوام اكثر من الوقت .. انا احسبها بالدقيقه .. :)

KuWaIt MaStEr يقول...

راحت عليج ساعه ونص من وقتج لووول

fatto يقول...

لوووول

├ƓɧαɗσσƦ┤™ يقول...

لوووول
تعيشين وتاكلين غيرها
p;