طبيب الأسنان

حبيبي يسور ..طبعا إنسوا إني أصوره وأهو على الكرسي لأنه ثلاثة ماسكينه ما شالله عليه

مود حبيبي ( يحفظك ربي )
الأجهزة

وديت كتاكيتي طبيب الأسنان فديتهم والله وفديت الأسنان الجميلة كان موعدهم الساعه 8 الصبح وحدي كنت أحاتي شلون بقعدهم الصبح ووديهم ليش إنهم ما ينامون إلا متأخر لكن الحمد الله قعدوا من غير سوالف لوعت جبد لبستهم ويلا على طبيب الأسنان مودو ما كان الموعد الأول له يعني متعود أما يسور كان الأول وقلت ما أدري شلون بيقعد على الكرسي لأنه وايد عسر وما يحب الأغراب المهم ما أطول عليكم وديتهم الحمد الله طمنتني الدكتورة على أسنانهم.. مودو حبيبي قعد وحط ريل على ريل متعود فديته أما يسور كلش أخلاقه غير أخوه يقتنع إذا شجعناه بس يسور ما شاء الله عليه يعاند وصعب ..الدكتورة وايد متفهمة وتنزل حق عمر اليهال أنا أول مرة أروح معاهم أخاف أوديهم الطبيب بس أبوهم الغالي كان مسافر واضطريت إني أوديهم بس استمتعت معاهم ..

شكرا أطفالي على تعاونكم معاي ..أحبكم وايد