منتزه الخيران

رحنا الأسبوع اللي فات الخيران حدنا استانسنا الحمد الله الجو وايد حلو واليهال كيفوا بين البحر وحمامات السباحة غير الشوي واليمعة شي وايد حلو ..كنا مفتقدين ماما لأنها رايحة العمرة ( تروح وترد بالسلامة من غير شر يا رب ) بس ما حرمتنا من اتصالها واطمئنانها علينا هناك حبيبتي أمي ...وبس حبيت أقولكم إنه فتحوا مطعم اسمه البندر وهو عباره عن مطعم بحري كله سوالف زفرة أنا السنة اللي فات لما رحت ما كان مفتوح ما جربته شخصيا بس زوجي جربه وقال مو لي ذاك الزود..وفي مرسم حق اليهال مجاني موجود داخل المارينا هم هذا أنا توني أدري عنه بس إختي تقول إنه من العام بس ما شفته أنا إلا السنة ويوم نوينا نودي حمودو كان مسكر ( أي شي صح بروحه الأيام معدوده اللي الواحد رايح فيها بعد هم في أماكن بتسكر ) المهم يعني ما رحنا..إحنا كنا حاجزين من الأحد لما الأربعاء واليهال ما شبعوا من التطبش واللعب والله حتى إحنا الكبار ما شبعنا وطبعا كل واحد رد لونه كلش غير من الشمس حتى اللي حط حماية تغير لونه :) ..

المرسم الدور الأول وهذا من تحت عند السلم حاطين رسمات اليهال

هذا كافيه عند مسبح الروضتين فوق يكون مطعم البندر والكافيه تحت المنيو عندهم منوع كل شي فيه من أطباق رئيسية وسلطات وعصاير وحلو ما حلو :)

فوق مطعم البندر بحري